Македонија
Петровска му се налути на Ковачки: Од денес нема да одговарам на ниедно негово прашање
На новинарското прашање на министерката за одбрана, Славјанка Петровска, како ги коментира навредите од пратеникот на ВМРО-ДПМНЕ, Драган Ковачки, дека е опседната и на седативи, таа посочи дека е жалосно што доскорешен припадник на македонската армија, кој сам избрал да ја фрли униформата и да облече костум за да работи за политичка партија, се служи со такви невистини.
Министерката, како што вели, нема оправдување за навредите кон македонските припадници на армијата бидејќи тој ги напаѓа неговите поранешни колеги, кои избрале да ја задржат униформата и да работат за интересите за државата.
„Како министерка за одбрана се спротивставувам на тоа. Да ги обвините вашите поранешни колеги и сегашни припадници на армијата дека крадат, дека биле уапсени и дека нанесуваат штета на угледот на државата е навистина ноторна лага. Од денес нема да одговорам на ниту едно негово прашање“, додава Петровска.
Посочува и дека веќе поднела тужба против него.
„Тој се плаши од две работи. Тоа се докази со кои ги побивам сите негови тврдења, дека кријам имот. Јас веќе поднесов тужба за тоа против него, како веќе што ѝ ветив и на македонската јавност, ќе барам тој судски процес да биде отворен за јавноста. Имам две папки со докази во кои се крие товарот на неговото минато, кое го боли и поради што не може да добие НАТО-сертификат. Тој за тоа што го правел во минатото треба да си ги сноси последиците“, децидна е Петровска.
Ковачки претходно на собраниска говорница читаше извештај од психијатриско вештачење велејќи дека Петровска подолг период е на седативи и се чувствува немоќно и бесцелно. За ова, тој се повика на мислење изготвено од специјалист психијатар од 16 февруари годинава. Петровска овие навреди вели дека ги оправдува зашто тие се политички мотивирани за штета на нејзиниот углед.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.