Спорт
Ѓоковиќ повторно е светски број 1
Новак Ѓоковиќ се врати на првото место во светот и ја започнува рекордната 381. недела на врвот на АТП-листата.
Ѓоковиќ, на врвот има 380 бодови повеќе од Шпанецот Карлос Алкараз. Од 9 април во Монте Карло Ѓоковиќ и Алкараз повторно ќе ја започнат борбата за првото место.
Новак на тој начин продолжува да го зголемува сопствениот рекорд по бројот на недели на првото место, место кое првпат го освои во јули 2011 година. Интересно, кога ќе се погледне АТП листата од пред точно 11 години, Ѓоковиќ е единствениот кој остана во топ 10 и тоа на првото место.
Од преостанатите девет во првите десет во април 2012 година, Рафаел Надал падна на 13., Енди Мареј на 52., а останатите седуммина се пензионираа: Федерер, Ферер, Цонга, Бердих, Типсаревиќ, Фиш и Дел Потро.
Данил Медведев ја освои титулата во Мајами и напредуваше за една позиција. Тој сега е на четвртото место. Финалистот во Мајами, Јаник Синер, влезе во Топ 10. Италијанецот е деветти во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Навивач на ПАОК го плукна Матијас Лесор
Големото дерби меѓу ПАОК и Панатинаикос во преполната сала „Палатаки“ во Солун заврши со инцидент.
Матијас Лесор бесен го напуштил паркетот, пишува порталот „СДНА“, откако го плукнал еден од навивачите на црно-белите.
Наводно, центарот на Панатинаикос со намера да се поздрави им пришол на група навивачи на Партизан, кои ги препознал меѓу поддржувачите на ПАОК, но еден од навивачите на домашната екипа го плукнал во лице.
Лесор, пишува „СДНА“, полудел и се обидел да се пресмета со навивачот, но бил задржан од соиграчите и членовите на стручниот штаб на Панатинаикос.
Овој портал наведува дека тогаш дошло до тепачка меѓу малата група навивачи од Белград и навивачите на ПАОК, но ситуацијата брзо се смирила.
Инаку навивачките групи на ПАОК и Паризан се збратимени.
Инцидентот се случи по завршувањето на вториот натпревар од четвртфиналната серија на грчкиот плеј-оф, во кој Панатинаикос го совлада ПАОК како гостин по продолжение (96:99, 89:89) и се пласираше во полуфиналето со резултат 2:0.
Oh my, oh my, fan spit Matias Lessort, and he got pretty mad. #kkp #paobc pic.twitter.com/SKy6RRpyHs
— Milos NS (@MilosNSNS) May 19, 2024
Спорт
Поразениот Фјури со тешка повреда во болница го испратил победникот Усик
Тајсон Фјури го загуби мечот и титулата на во тешка категорија на ВБЦ, но го теши сознанието дека го испратил во болница со тешка повреда, новиот апсолутен шампион во тешка категорија.
Олександр Усик со скршена вилица директно од „Кралската сала“ во Ријад е пренесен во итната медицинска помош, пишува „Дејли мејл“.
Не е познато во кој момент од 12-те исцрпувачки рунди Украинецот заработи тешка повреда, но очигледно е дека под налетот на адреналинот не помислил да се откаже.
Меѓутоа, кога заврши борбата со Англичанецот и кога беше прогласен за неприкосновен шампион на планетата во „кралската категорија“ по 24 години му беше препорачано да побара лекарска помош. Поради тоа Усик не им се обрати на новинарите, за разлика од поразениот кој застана пред камерите и го доведе во прашање исходот од борбата во која упати сто удари повеќе од својот ривал – но и значително помалку пласираше таму каде што треба.
„Борбата штотуку заврши. Го гледате моето лице? Тоа е прилично заеб..о, а тој штотуку беше однесен во болница со скршена вилица. Тука 12 рунди убваме „бога“ еден во друг. Значи, време е да си одам дома, да изедам нешто јако, да се напијам неколку пива, да поминам време со моето семејство, да го шетам кучето и да разговарам со Френк (менаџерот) за тоа што ќе правиме во иднина“. изјави 35-годишниот боксер од предградието на Манчестер, кој се пензионираше и неколку пати се враќаше на боксот.
Во договорот тој има право на „жалба“, односно можност да закаже реванш со Усик. Новинарите од Ријад наведуваат дека промоторот на Фјури, Френк Ворен, меѓу редови најавил дека неговиот клиент ќе го искористи тоа право и дека реваншот ќе се случи најверојатно во октомври.
Спорт
Ројс со пиво почести 80.000 навивачи
Фудбалерот на Борусија Дортмунд, Марко Ројс го одигра последниот натпревар на „Вестфален“, пред домашните навивачи.
Во последното коло од Бундес лигата Дортмунд, вчера победи против Дармштад со 4:0, а меѓу стрелците се запиша и Ројс. Од слободен удар го постигна вториот гол на натпреварот.
Ројс ги почести сите 80.000 фанови со пиво со порака на прошталниот натпревар.
„Во благодарам за се! Последната тура пиво е на мене”.
Германецот по 12 години ја напушта Борусија, а колку се емотивни неговите соиграчи и навивачи покажува кореографијата што му ја подготвија.
На Ројс му останува уште еден натпревар, а тоа е финалето од Лигата на шампионите на 1 јуни против Реал Мадрид на „Вембли“.
Dortmund reverencia Marco Reus. Hoje a festa é sua, craque! 👏🟡⚫️#BundesligaNoSportv pic.twitter.com/DyEIvSxW0s
— sportv (@sportv) May 18, 2024