Македонија
Бочварски: Jа испишуваме историјата на модерна, просперитетна и европска Македонија

Министерот за транспорт и врски, Благој Бочварски, денеска се обрати на настанот по повод почнувањето на изградбата на автопатот Тетово – Гостивар на Коридорот 8.
Министерот во својот говор истакна дека со почнување на реализацијата на овој проект станува јасно дека модернизацијата на патната инфраструктура во земјата е врвен приоритет на Владата.
Во прилог интегралното обраќање на министерот Бочварски.
„Денеска, ја испишуваме историјата на модерна, просперитетна и европска Македонија.
Ова е момент што долго ќе го памтиме сите, овој камен-темелник е доказ за посветената работа на институциите, на добрата координација, доказ за силната посветеност, да се избориме и да зпочнеме со реализација на предизвикувачки најголемиот капитален инфраструктурен проект досега.
Најпрвин сакам да честитам до сите што беа инволвирани во овој процес и дадоа огромни напори да почнеме со реализација на овој проект.
Денеска, даваме јасно до знаење на сите дека инфраструктурата е најголем приоритет на оваа Влада и Република Северна Македонија останува на вистинскиот правец за модерна и просперитетна држава.
Многупати ги слушавме декларативните заложби дека сакаме да ги затвориме европските коридори, 32 години се зборуваше, но најтешките делници останаа нереализирани, патиштата на овие делници се истите од минатиот век.
Клучно прашање е дали сакаме да го вратиме она што е пропуштено како шанса? Сите ќе се согласиме дека сме „за“. Дали сакаме посилна економија за младите да ни останат овде? Сакаме. Во делот на инфраструктурата направивме неколку чекори на тој пат преку новите патни правци, кои веќе се реалност, но јас сум убеден дека ова е најсилниот чекор и најголемиот скок на тој пат.
Оттука, почнуваме со изградба и модернизација на коридорите 8 и 10 Д, нови автопатски делници со вкупна должина од 108 километри.
– Денеска најавуваме почеток на изградба на првата од четирите автопатски делници, автопатот Тетово – Гостивар во должина до 17,5 километри;
– Веќе следната недела почнуваме со изградба и на автопатската делница Прилеп – Битола во должина од 39,3 километри;
– Истиот овој месец почнуваат и градежните работи на делницата Гостивар – Букојчани во должина од 30,3 километри;
– А според договорот, предвидовме изградбата на делницата Требеништа – Струга – Ќафасан во должина од 21,7 километар да почне крајот на оваа година.
Сите сме свесни дека ова нема да биде лесна работа, ни претстојат огромни предизвици бидејќи градежништвото е неизвесно на терен, но сакам да уверам дека максимално сме фокусирани на изградбата на овие проекти на коридорите 8 и 10 Д.
А коридорите во Северна Македонија се од витално значење за целиот Западен Балкан и поради тоа имаме поддршка и од нашите стратешки партнери.
И не случајно, тука се присутни претставници од целиот регион, од Албанија, од Бугарија. Сите заеднички му даваме огромно значење на овој европски проект бидејќи нашата заедничка иднина е европска.
И морам да спомнам дека ова е наш заеднички успех на сите граѓани во Република Северна Македонија.
Сакам да потенцирам дека првпат воведуваме нов модел во изградбата на патиштата, кој низ Европа дава резултати. Сè со цел да ја забрзаме изградбата на коридорите, изведувачот ќе го примени принципот на проектирање и изградба, а тоа подразбира дека на изведувачот му се дава обврска да проектира по делници и да гради.
Очекувам добро менаџирање со проектот и верувам дека компанијата изведувач како светски реномирана компанија, ќе покаже силна акција, модерни методи и технологии на терен, а тоа е предуслов на зајакнување и на капацитетите на домашните градежни компании.
Имаме силна желба, имаме мотив и знаење да направиме сериозен чекор и преку доизградбата на коридорите земјата да ја потврди својата позиција на вистински центар и крстосница на Балканот.
Затоа, слободно можам да кажам дека ова е година на инфраструктурата. Инвестираме преку милијарда евра само во изградба на нови автопатишта, но градиме и нови експресни патишта, нова пруга кон Исток.
Република Северна Македонија и сите нејзини граѓани заслужуваат квалитетни и безбедни патишта, затоа очекувам сите максимално да се вложиме и да ги постигнеме стратешките цели на државата за модерна и развиена патна мрежа.
Уште еднаш честитки за сите и нека ова биде почеток на една успешна приказна за инфраструктурата, за економски развој и за просперитетна Македонија.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Влен“ најави нова болница во Кичево, инвестиција од 47,5 милиони евра

Кичево ќе има нова, целосно модерна болница, достојна за 21 век и за граѓаните кои живеат со гордост, достоинство и доверба во оваа земја, изјави Беким Сали од ВЛЕН.
„Инвестицијата од 47,5 милиони евра во Кичево ќе овозможи изградба на регионален центар по европски стандарди, со нова модерна инфраструктура, најсовремена медицинска опрема и услови што инспирираат безбедност и доверба кај пациентите и стручниот персонал. Тоа ќе биде болница каде што здраството се среќава со етиката, каде што професионализмот се среќава со почитта и каде што услугата не е привилегија, туку човеково право“, рече Сали.
Тој додаде дека граѓаните од Кичево, Македонски Брод, Пласница, Зајаз, Вранештица, Демир Хисар и пошироко ќе гравитираат кон овој здравствен центар, и за прв пат по многу децении ќе се чувствуваат рамноправни, застапени и згрижени.
Сали, исто така, кажа дека само во Тетово, инвестицијата во подобрување на болничката инфраструктура достигнала 77,5 милиони евра, што вклучува изградба на два нови објекти, реновирање на блокот за хирургија и интерна медицина, како и нов Медицински факултет.
Македонија
Сиљановска-Давкова: Мора да се спротивставиме на омразата кон навивачите

Мора да се спротивставиме на омразата кон навивачите, да ја негуваме и облагородуваме, да учиме и да учиме како да навиваме, односно како да не навиваме, да ја интензивираме битката против предрасудите и судирите меѓу „различните“, мора да се запознаеме, мора да го спречиме излевањето на омраза, мора да реагираме на време, мора да ги третираме актите на омраза, мора да ги санкционираме, вели претседателката Гордана Сиљановска – Давкова, по навредливите скандирања на кошаркарскиот натпревар во Куманово, којшто се одржа викендов.
Таа додава дека страсното навивање не е навредливо или агресивно, за навивање не ви е потребна ниту азбука, како спортско уживање, навивачка писменост, бидејќи Пирова е спортска победа ако по неа следи физичка или вербална агресија.
„(Не)научена лекција
Средината на јули, на натпреварот помеѓу Шкендија и велшкиот шампион ТНС, со расистички навреди кон фудбалерот Арманд Оте, го шокиравме целиот спортски свет, но и поширокиот свет, кој со право праша: Како е можно невенчан навивач емоционално да скрши голем фудбалер до солзи, посегнувајќи по говор на омраза на расна основа?
Срамот падна врз сè: врз домаќинот, врз клубот, врз присутните, врз градот, врз земјата, врз спортот! Логичкиот заклучок беше: „Таквото однесување не смее да се толерира на ниту еден стадион, во ниту еден спорт, од никого и никогаш.“
И… заради нашата, којзнае како, спортска неписменост, со право да не ги ублажиме реакциите на ужасниот инцидент на кошаркарскиот натпревар во Куманово, каде што неколку непослушни навивачи испукаа куршуми омраза кон нашите сонародници Албанци, но тоа не ги погоди сите, вклучително и нас самите, и ние сме засрамени.
Неспортски е да се злоупотребува спортскиот терен за „практикување“ говор на омраза, навреди и сатанизација со отровни убиствени скандирања – проектили!
После толку изгубена човечка битка на спортските терени, мора јасно и гласно да кажеме: Никој друг, без разлика каде и со кого се натпреваруваме, не треба да дозволи спортскиот терен да се претвори во гладијаторска навивачка арена.
Секако, првата лекција „како да се навива“ се учи дома, а потоа следат другите: во градинка, во основно училиште, во средно училиште, на факултет, во клуб, на натпревар, во јавност.
Могаи за почеток, пред спрејот, треба да се истури врз преовладувачките пуфки кон ставот дека свирката треба да се постави со мисли и пори, како да се оди десно од мобилните телефони, нема да има битка до смрт, борбата на витезот до заслуженото подалеку, ќебето од публиката се очекува да охрабри, под публиката А ќе може да победи, но другото, ќебето на наградата, не е казна, не е казна.
Да ве потсетам дека срамот нема да падне само врз оние чии гласови болат, зошто не се фаворизирани само оние во салад барот или на теренот, туку и оние кои ги гледаат и слушаат поради нивниот неограничен дофат.
Мора да се спротивставиме на омразата кон навивачите, да ја негуваме и облагородуваме, да учиме и да учиме како да навиваме, односно како да не навиваме, да ја интензивираме битката против предрасудите и судирите меѓу „различните“, мора да се запознаеме, мора да го спречиме излевањето на омраза, мора да реагираме на време, мора да ги третираме актите на омраза, мора да ги санкционираме!
Страсното навивање не е навредливо или агресивно. За навивање не ви е потребна ниту азбука, како спортско уживање, навивачка писменост, бидејќи Пирова е спортска победа ако по неа следи физичка или вербална агресија!“, напиша Сиљановска – Давкова на „Фејсбук“.
Македонија
Клиниката за детски болести доби нов дигитален мобилен рендген-апарат, донација од Јапонија

На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија.
„Станува збор за дигитален мобилен рендген-апарат, во вредност над 60 илјади евра. Оваа инвестиција претставува значаен чекор кон подобрување на здравствената грижа за најмладите пациенти. Изразувам длабока благодарност до Амбасадата на Јапонија, а особено до амбасадорката Сецуко Кавахара за нејзиниот личен ангажман и за долгогодишната, пријателска и плодна соработка. Оваа донација е уште еден доказ за силното партнерство меѓу нашите две земји и за вистинската грижа на Јапонија кон градење отпорен и хуман здравствен систем“, изјави државниот секретар во Министерството за здравство, Бесим Мемеди.
Амбасадорката на Јапонија во нашата држава, Сецуко Кавахара, потсети дека во рамките на заедничката соработка веќе се имплементирани над 70 проекти во здравствениот сектор и истакна дека поддршката за оваа клиника значи придобивка за пациентите од целата држава.
Воедно, директорот на Детската клиника, Реџеп Мемеди, се заблагодари за значајниот придонес за унапредување на здравствените услуги во оваа клиника како врвна терциерна установа, која годишно згрижува над пет илјади деца со најсложени здравствени состојби.
„Новата апаратура за нас претставува чекор напред во унапредување на здравствената грижа за најмладите пациенти“, рече Мемеди.