Спорт
Клаузулата за лојалност на Мбапе секоја година му носи 60 милиони евра
Француски „Лекип“, изминатите денови објави голем број ексклузивни вести во врска со договорите и платите во францускиот фудбал. Последниот од нив се однесува на Килијан Мбапе, фантастичниот 24. годишен напаѓач на ПСЖ и француската репрезентација, кој и оваа сезона води на листата на стрелци со 19 гола.
Според нивните информации, францускиот шампион неодамна на Килијан Мбапе му платил сума еднаква на десет негови месечни плати. Поточно, станува збор за цифра од 60 милиони евра која напаѓачот ја доби благодарение на посебната клаузула во договорот наречена „клаузула за лојалност“.
„Лекип“ пишува дека ПСЖ е должен да му плати на Мбапе 60 милиони евра за секоја сезона која ќе ја мине во клубот. Кога на тоа ќе се додаде неговата годишна плата од 72 милиони евра, се доаѓа до цифра од 132 милиони евра кои ПСЖ ќе му ги плати на Мбапе само за оваа сезона. Со ова сакаат да го поттикнат да потпише нов договор. Актуелниот истекува во летото 2024 година, а Реал Мадрид веќе неколку сезони се обидува да го доведе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.
Спорт
(Видео) Мајнц го растури финалистот во ЛШ
Фудбалерите на Мајнц вечерва на свој терен ја совладаа Борусија Дортмунд со 3:0, во натпреварот од претпоследното, 33. коло во германската Бундес лига.
Стрелци за Мајнц беа Леандро Бареиро во 12. минута и Ли Јае Сон во 19. и 23. минута.
Мајнц е на 15. место со 32 бода, а доколку го совлада Волфсбург во последното коло на гостински терен сигурно ќе обезбеди опстанок без разлика на останатите резултати.
Борусија Дортмунд е петта со 60 бодови, а во последното коло ќе го пречека Дармштад. „Милионерите“ без оглед на резултатот во финалето со Реал и наредната сезона ќе играат во Лигата на шампионите.
Спорт
(Видео) Серлот во 90+7. минута ја сруши Севилја
Во еден од дерби натпреварите од 35. коло на Ла Лига, Виљареал ја совлада Севилја со 3:2.
Виљареал и Севилја се борат за место во Европа, а по триумфот на „Жолтата подморница“ има еден конкурент помалку за местото кое води во квалификациите за Конференциската лига.
Севилја пропушти голема прилика, два пати имаше водство на натпреварот. Првиот, кога во 26. минута Ел Несири беше прецизен од белата точка, неговиот гол беше поништен во 30. минута од Серлот.
Вториот пат Ел Несири погоди од поле во 44. минута, па на полувремето Севиља имаше гол вишок. И се спротивстави до крајот на мечот, се чинеше дека ќе ги добие сите три, а на крајот останаа без ниту еден бод.
Во 84. минута Москера му донесе израмнување на Виљареал, а кога голот на Тератс беше поништен поради офсајд во втората минута од судиското надополнување, се чинеше дека Севилја ќе остане непоразена. Тоа не се случи, Серлот, буквално со последниот шут на мечот во 97.минута им донесе голема радост на домашните.