Спорт
Невил: Вегхорс не може копачките да му ги чисти на Роналдо, но повеќе придонесува за Јунајтед
Манчестер јунајтед, пред почетокот на СП во Катар се раздели со кристијано Роналдо. Португалецот за рекордна плата продолжи да игра фудбал во Саудиска Арабија, а на неговото место во Јунајтед дојде Ваут Вегхорст.
Холанѓанецот Вегхорст го нема потребниот квалитет за Манчестер јунајтед, едногласни се во своите оценки аналитичарите и медиумите во Англија.
„Овој експеримент мора да престане. Веднаш! Вегхорс не треба да биде во игра, тој е таму само затоа што го нема Роналдо“, изјави поранешниот капитен на Манчестер јунајтед, Гери Невил и продолжи:
„Вегхорст и Роналдо имаат по 19 стартови. Со Вегхорст во тимот учинокот на Јунајтед е 12 победи, четири нерешени и три порази. Тој постигна само два гола, но тимот даде 37. Во ист број натпревари со Роналдо, клубот оствари три победи помалку. Тој постигна 11, но тимот даде само 23 гола. Тоа се огромни разлики“.
Тој е убеден дека Кристијано не играл под водство на Ерик тен Хаг поради статистиката.
„Јунајтед има напаѓач кој не треба да биде таму. Но, тој придонесува повеќе за тимот отколку Роналдо, кој верувам дека е најдобриот играч на светот. Мислам дека статистиката е причината зошто Роналдо беше изоставен. Вегхорст на Роналдо не може копачките да му ги чисти. Мислам дека ниту еден од нив не треба да игра за Јунајтед во моментов. Единственото нешто што е важно е кого ќе избере Тен Хаг. Не знам кого би избрал, Роналдо сега игра во Саудиска Арабија. Ако тимот играше на „Олд Трафорд“, јас би го избрал Роналдо, на гостински терен би ми играл Вегхорст“, заклучи Гери Невил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Глазер ќе ја напушти Црвена звезда
Омри Глазер си заминува од Црвена Звезда на крајот од сезоната. Раководството на шампионот на Србија, според „Спорт Клуб“, го договорило трансферот на голманот во Франција.
Израелецот е еден од најдобрите играчи на Црвена звезда оваа сезона, во клубот пристигна минатото лесто за 1.200.000 евра од Хапоел Бер Шива. Се очекува српскиот шампион да заработи околу 4.000.000 евра од трансферот.
Инаку, Црвена звезда по завршувањето на сезоната ќе ги објави финасиските детали и името на новиот клуб.
По заминувањето на Глазер, Црвена звезда ќе ангажира голман кој не е странец, а во клубот најверојатно ќе се врати Милан Борјан, кој сезонава е позајмен во Слован од Братислава.
Спорт
(Видео) Сити победнички го мина тешкото гостување во Нотингем
Манчестер сити, во 35.коло забележа важна победа во борбата за шампионската титула. „Граѓаните“ славеа во Нотингем со 2:0, на табелатаа имаат бод и натпревар помалку од лидерот Арсенал.
Конечниот резултат не ја дава вистинската слика на се она што се случуваше на стадинот во Нотингем. „Шумарите“ промашуваа, а актуелните шампиони максимално ги користеа своите шанси.
Сити поведе со голот на хрватскиот репрезентативец Јошко Гвардиол во 32. минута по корнерот на Кевин де Брујне.
До тој момент избраниците на Пеп Гвардиола не создадоа ниту една шанса, не блескаа ниту во преостанатиот дел од натпреварот, но Ерлинг Халанд во 71. минута се најде на вистинското место и го постигна својот 21. гол сезонава.
Избраниците на Нуно Еспирито Санто храбро им се спротивставија на „Граѓаните“, имаа повеќе од играта и создадоа неколку исклучителни шанси, но несфатливо е како домашните играчи несмасно реагираа во неколку ситуации, пред се Новозеланѓанецот Крис Вуд, кој промаши две чисти шанси, а една голема шанса не реализираше Бразилецот Муриљо.
Проблем за Сити во преостанатиот дел од сезоната би можела да биде повредата на првиот голман Едерсон. На паузата меѓу двете полувремиња го замени Стефан Ортега.
Спорт
Струга ги врати Шкупи и Шкендија во борба за титулата, реми во скопското дерби, Вардар загуби во Струмица
Шкендија и Шкупи го искористија поразот на Струга и се вратија во борбата за шампионската титула.
Шкендија на домашен терен убедливо го порази Гостивар со 4:1, Шкупи со пресврт и со гол во 97.минута славеше над Тиквеш, а бранителот на трофејот Струга загуби од Силекс 2:3, и покрај тоа што имаше водство од 2:0.
По 29 рунди Струга и Шкупи имаат по 58 бода, три повеќе од Шкендија.
Интересно до крајот на сезоната ќе биде и во борбата за опстанок. АП Брера се чини дека го обезбеди опстанокот откако славеше над Вардар 2:0. Црвено-црните се во бараж зоната имаат пет бода помалку од Воска спорт, која убедливо гја победи Брегалница со 4:0 и шест помалку од Работнички.
„Романтичарите“ во градската пресметка со Македонија ЃП одиграа 1:1.
Резултати, 29.коло:
АП Брера-Вардар 2:0
(Цветаноски 24’)
Работнички-Македонија ЃП 1:1
(Билали 66’ – Ларсон 45+3’)
Струга-Силекс 2:3
(Ибраими 23’, Радески 34’ – Игњатов 36’, 48’, Каланоски 52’)
Шкендија-Гостивар 4:1
(Шала 2, 9’, Адеми 54’, Цинари 88’ – Кехинде 81’)
Шкупи-Тиквеш 3:2
(Воша 39’, Аворнио 86’, Дуду 97’ – Спахиу 53’, 82’)
Воска спорт-Брегалница 4:0
(Јашароски 11’, 21’, Георгиев 44’, Марушиќ 82’)
Табела: