Црна хроника
Притвор за четворицата скопјани кои шверцувале кокаин од Албанија
Судот определи 30-дневен притвор за двајца, а домашен притвор за третиот осомничен кои што беа приведени поради набавка на кокаин од Албанија.
Во координирана акција на Одделите за сузбивање организиран и сериозен криминал на Македонија и Албанија, биле извршени претреси на повеќе локации во Скопје и Прилеп и приведени четири лица – А. М. (51), Д. З. (37), М. Ј. (35) и Д. Ј. (39), сите од Скопје.
Денеска до ОЈО за ГОКК поднесена е кривична пријава против А. М., Д. З., М. Ј., сите од Скопје, како и против Р. Т. (45) од Прилеп, поради постоење основано сомнение за сторено кривично дело неовластено производство и пуштање во промет наркотични дроги, психотропни супстанции и прекурсори по член 215 ст. 3 од Кривичниот законик, соопшти Сузана Прањиќ-Талевска од МВР.
Четирите лица се дел од меѓународна организирана криминална група инволвирана во организирање транспорт на кокаин за земјите од ЕУ, кои во текот на јуни 2021 од непознати лица од Албанија набавиле, а потоа и организирале пренесување на 300 пакувања со маса од 324,4 килограми кокаин за Р. Италија со товарно возило „даф“ со приколка, со скопски регистарски ознаки, управувано од Н. А..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Го натерале да се запали, па избегале, 24-годишен скопјанец со повреди пренесен на Клиника
Денеска во 00.37 часот во СВР Скопје од страна на Бригадата за противпожарна заштита било пријавено дека настанал пожар во индустриска зона Ќојлија, а малку подоцна од страна на полициски службеници од ГП Меѓународен аеродром Скопје било пријавено дека во нивниот објект со повреди од изгореници дошол 24-годишниот Б.А. од Скопје, кој кажал дека од неколку лица бил насилно пренесен со возило од населба Ченто до Ќојлија, извести МВР.
Според пријавеното, лицата со закана го натерале да се запали, по што избегале, а тој успеал да го изгасне огнот, од кој бил зафатен и помошен објект во близина. Повредениот Б.А. бил пренесен во Комплекс клиники „Мајка Тереза“ за укажување на лекарска помош, соопшти МВР.
Извршен бил увид од увидна екипа од СВР Скопје и се преземаат мерки за расчистување на случајот.
Црна хроника
Тешко повреден маж од Кочани при извршување работни задачи во фирма, известен е трудов инспектор
Вчера во 11.00 часот во Полициска станица Кочани, од Општата болница Кочани било пријавено дека кај нив со тешки телесни повреди бил донесен 51-годишниот С.Х. од Кочани, извести МВР.
Според пријавеното, тој се здобил со повредите при извршување работни задачи во фирма во кочанско. Известен бил трудов инспектор и извршен бил увид од увидна екипа од ОВР Кочани.
Црна хроника
Кривична против 43-годишник, се заканувал на сопругата и нејзиното семејство
Надворешната канцеларија за криминалистички работи Гостивар поднесе кривична пријава против 43-годишниот Ќ.А. од село Озормиште, поради постоење основи на сомнение за сторено кривично дело „загрозување на сигурноста“, извести МВР.
Пријавениот во јули 2023 година, поради претходни меѓусебни недоразбирања, им упатувал сериозни закани на неговата сопруга и членови на нејзиното семејство.