Црна хроника
Мртво тело најдено во трафостаница
Мртво тело на човек во фаза на распаѓање, чиј идентитет засега сè уште не е познат, вчера околу пладне било најдено во трафостаница на ЕВН во скопската населба Илинден, информираат од МВР
Телото го открил електромонтер кој требало да направи интервенција во трафостаницата. Внатре во неа забележал мртво тело, до кое имало бонсек.Неофицијално, човекот починал од струен удар при обид да сече кабли од трафостаницата. Телото е предадено на обдукција за да се утврди идентитетот и причините за смртта на човекот.Мртво тело на седумдесет и шестгодишна старица било пронајдено вчера во нејзиниот дом во Гостивар.Најверојатно жената починала од студ. Вчера телото било идентификувано и било констатирано дека се работи за Шета А., која две децении живеела во Гостивар, како бегалец од БиХ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.