Македонија
(Видео) Пленковиќ бара мудрост: Нема да биде добро да се доведете во позиција да ви кажат дека го забавувате процесот на преговори
Хрватскиот премиер Андреј Пленковиќ посочи дека Македонија треба да се приклучи кон побрзата динамика за пристапниот процес во Европската Унија. Пленковиќ посочи дека со влезот во ЕУ ќе се заштити македонскиот идентитет.
„Нема да биде добро земјата да се доведе во позиција другите да ѝ кажат дека таа го забавува процесот. Знам колку нам ни значеше пристапувањето кон ЕУ, колку е поразвиена, колку средства има на располагање, инвестициите… Вие како земја и народ со влезот во ЕУ ќе го заштитите идентитетот. Затоа е политички мудро да најдете пат со кој сите ќе се сложите“, изјави Пленковиќ.
Според него, Хрватска ја разбира Македонија.
„Знаеме дека одлуките што моравте да ги донесете ниту беа едноставни ниту беа лесни. Испадна дека секогаш постои уште некој предуслов. И затоа во овој поширок контекст, велам, а ова треба да го разберете добро: Ако Украина доби кандидатски статус, ако тоа го доби Молдавија или ако го доби Грузија, ако Босна и Херцеговина доби кандидатски статус, ако Косово аплицира, Србија и Црна Гора преговараат – тогаш сега е моментот. Во тој контекст и Северна Македонија штитејќи го својот национален интерес и идентитет, како и јазик, да се вклучи на начин со кој ќе се зголеми динамиката. Моментот треба да се искористи“, додаде Пленковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).
Македонија
Сиљановска Давкова – Павловски: Максимално да се искористат сите можности за економски развој на земјава
Претседателката Гордана Сиљановска Давкова остварила средба со Крис Павловски, директор на водечката светска компанија за дигитални платформи Рамбл, кој е во посета на земјата во рамките на конференцијата Македонија 2025.
На средбата, како што соопшти претседателскиот кабинет, Павловски ја претставил работата на Рамбл, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите.
Како водечки претприемач со македонско потекло, Павловски изнел мислења за состојбата во дигиталниот сектор, за трендовите и перспективите кои може да се искористат.
Претседателката Сиљановска Давкова го информирала Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава.