Европа
„Кина со мерки за заштита на националниот суверенитет“ – кај Тајван забележан кинески хеликоптер и три воени брода
Кинеското Министерство за надворешни работи во четвртокот го осуди состанокот во Калифорнија меѓу лидерот на Тајван и претседателот на Претставничкиот дом на САД како „чинови на таен договор“ и рече дека ќе го брани својот суверенитет.
„Кина цврсто се спротивставува и силно ги осудува овие договори“, изјави портпаролот на кинеското Министерство за надворешни работи, според официјалната државна новинска агенција „Ксинхуа“.
„Како одговор на сериозно погрешните чинови на договор меѓу САД и Тајван, Кина ќе преземе решителни и ефективни мерки за заштита на националниот суверенитет и територијалниот интегритет.
Претседателот на Претставничкиот дом, Кевин Мекарти, во средата беше домаќин на тајванскиот претседател Цаи Инг-вен во Калифорнија, со што стана највисоко рангирана американска личност што се сретна со тајвански лидер на американска почваво последните децении и ја нагласи потребата да се забрза испораката на оружје за Тајван во услови на растечки закани од Кина.
Во посебна изјава објавена во четвртокот од Комитетот за надворешни работи на Националниот народен конгрес, а пренесена од „Ксинхуа“, се наведува дека дејствата на Мекарти „сериозно ја прекршиле посветеноста што САД ја презедоа на Кина за прашањето за Тајван“.
Кина тврди дека демократскиот Тајван е нејзина територија, позиција што силно ја оспорува владата во Тајпеј.
Тајван објави дека открил три воени брода и кинески антиподморнички хеликоптер во близина на островот во четвртокот наутро по состанокот во Калифорнија.
„Еден авион на Народноослободителната војска и три брода на морнарицата на Народноослободителната војска беа откриени во 6 часот по локално време (22 часот по Гринич во средата)“, рече министерот за одбрана на Тајван во соопштението.
„Вооружените сили ја следеа ситуацијата и задолжија борбени воздушни патролни авиони, поморски бродови и копнени ракетни системи да одговорат на овие активности“, додаде тој.
Во четвртокот Пекинг вети „решителни и ефективни мерки за заштита на националниот суверенитет и територијалниот интегритет“. Оваа најава доаѓа во време кога францускиот претседател Емануел Макрон е во државна посета на Пекинг, каде што в четврток треба да се сретне со својот кинески колега Шји Џјинпинг.
Советот за прашања на копното на Тајпеј (MAC), највисокото тело на самоуправниот остров одговорно за утврдување на политиката кон Кина, во средата го обвини Пекинг за нарушување на трговијата во Тајванската Теснина со спроведување инспекции на товарни и патнички бродови.
Кинеските поморски власти претходно соопштија дека ги засилуваат патролите во водите меѓу островите и континентална Кина, без да дадат дополнителни детали.
Кина смета дека демократскиот и автономен остров Тајван е една од нејзините провинции што треба да се врати заговарајќи „мирно обединување“, но не исклучувајќи ја употребата на сила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Најголемата егзекуција на војната: Русите убија 16 Украинци, кои се предадоа, јавуваат украинските медиуми
Руски сили егзекутираа 16 украински воени заробеници во близина на Покровск во областа Донецк. Ова е најголемиот случај на егзекуција на украински воени затвореници, јавуваат украинските медиуми повикувајќи се на Канцеларијата на главниот обвинител.
The Russian military executed 16 (!!!) surrendered Ukrainian soldiers at sight.
This is the worst incident of POW execution known so far in this war.
It happened near Pokrovsk.
Look at what the Russians did – they lined the surrendered Ukrainians up, shot them all down, and… pic.twitter.com/U3ub7PKx3x
— Illia Ponomarenko 🇺🇦 (@IAPonomarenko) October 1, 2024
Вчера, на каналите на „Телеграм“ се појави видео од егзекуцијата на 16 украински војници. Се претпоставува дека тоа се случило во атарот на селата Миколаивка и Сукји Јар кај градот Покровско за што со месеци се водат жестоки битки.
Европа
(Видео) Вуледар падна, Русите веат знамиња во центарот на градот
Руските сили имаат целосна контрола над градот Вуледар во областа Донецк во источна Украина, објави утринава каналот SHOT на комуникациската платформа „Телеграм“ и проруските воени блогери.
„Ројтерс“ не може независно да ги потврди извештаите. Руското Министерство за одбрана сè уште не го потврди заземањето на градот.
Confirmed. Russia has fully occupied Vuhledar. Russian units from the 36th Separate Guards Motor Rifle Brigade raised their flag over the Vuhledar City Council. Ukrainian forces have withdrawn to Bohoyavlenka, north of Vuhledar. pic.twitter.com/q2OZueh9Gc
— NOELREPORTS 🇪🇺 🇺🇦 (@NOELreports) October 1, 2024
Регионален украински функционер синоќа изјави дека руските сили стигнале до центарот на градот, стратешко упориште, кое повеќе од две години се спротивставувало на руските напади. Снимките од руските сили како го веат своето знаме на покривот на административната зграда во центарот на градот во вторникот покажаа дека зградата е делумно претворена во урнатини со скршени прозорци.
Европа
Експлозии во близина на израелската амбасада во Копенхаген
Данската полиција истражува две експлозии во близина на израелската амбасада во Копенхаген, објави утринава Ројтерс.
„Никој не е повреден, ние спроведуваме првична истрага на местото на настанот“, објави полицијата во Копенхаген на Икс.
„Се истражува можна поврзаност со израелската амбасада во областа“, додаде полицијата.