Македонија
(Видео) Бектеши свесен дека се криеле грав, краставици, домати – на увозниците им порача: „Ова ќе оди до крај“

Повеќе нема да може да ги кријат производите, најави министерот за економија, Крешник Бектеши, за трговците со овошје и зеленчук. Ова доаѓа откога изминативе денови, пиперки и домати, а во некои маркети и краставици и грав – не можеа да се најдат на рафтовите. Бектеши рече дека и Пазарната инспекција утврдила таква состојба и рече: „Никој не може да ги крие производите. Денес сите производи ќе бидат ставени во продажба“.
Се истражува и како фактурите за увоз биле помали до 28 март, а сега има скок од 30 проценти. Проверките се во насока дали увозниците со лажни фактури се обиделе да избегнат плаќање давачки кон државата. Побарани се одговори од институциите во Грција и Турција – земји што важат за главни трговски партнери на Македонија, од каде што се увезува овошје и зеленчук. Ако се утврди лажирање, Бектеши побара одговорност и од институциите.
„Ако во случај ги добиеме навремено сите одговори од Турција и Грција, ќе излеземе со проекции колку можеби е оштетен буџетот на државата. Можам да гарантирам дека оваа работа ќе оди до крај. И такво е задолжението за сите институции вклучувајќи ја и Царинската управа. Ова не значат контроли само на увозниците или трговците на мало, туку и како се внесени тие во нашата држава, вклучувајќи и институции што ги прават проверките, а зошто да не и вработени“, рече Бектеши.
Министерот им порача на трговците: „Ова ќе оди до крај сè до моментот кога ќе се утврди како тоа е направено и да не се дозволи повторно“.
Свесен е дека се криеле производи исто како со замрзнувањето на цената на лебот – тој не се произведуваше во фурните.
„Поради тоа што се случува истото што се случуваше и со производителите на леб, веќе има нова одлука од крајот на претходната недела, која од денеска се применува. Одлука во делот на задолжението за сите трговци за 70 отсто од нивните производи мора да ги пласираат на пазарот, што значи дека од утре нема да има таква ситуација бидејќи ќе има преземање на нивната стока ако ја чуваат како резерва и ќе добијат соодветни казни“, рече Бектеши.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреб
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.