Наука
Русин ќе потроши 100 милиони долари за да пронајде вонземјани
Рускиот милијардер Јури Милнер вети дека ќе вложи 100 милиони долари во истражување на вселената, со надеж дека можеби ќе наиде на сигнали за постоење на интелигентен живот некаде во вселената.
„Тоа е најинтересно технолошко прашање на денешницата“, рече Милнер во интервју, додавајќи дека со тоа прашање станал фасциниран по читањето на книгата „Интелигентен живот во вселената“ од Карл Саган, како десетгодишно дете во Москва.
Средствата што ќе ги финансира во овој проект ги заработил со мудро инвестирање во повеќе стартапови, како Facebook Inc. Мотивација за истражување на вселената му е убедувањето дека другите цивилизации можат да нè научат како да се носиме со предизвиците, како користењето на природните ресурси.
„Ако сме сами, мора да го цениме она што го имаме на Земјата. Тоа значи дека немаме резерви во вселената“, рече Милнер
Научниците тврдат дека неговиот проект убедливо ги надминува сите останати на тоа подрачје. На потрага по вонземен живот се троши околу два милиони долари годишно ширум светот, рече Дан Вертхимер, еден од советниците на Милнер и астрофизичар што соработува со универзитетот Калифорнија на Беркли.
Благодарејќи на подобрената технологија, 100 милиони инвестирани долари значи многу повеќе отколку што тоа беше случај во 90-десеттите, а научниците можат истовремено да следат неколку милијарди радиофреквенции, во споредба со неколку милиони колку што можеле во 90-десеттите.
Сите сигнали што ќе ги регистрираат се всушност испратени пред неколку години, во најдобар случај, а можно е и пред неколку векови или столетија. Имено, на радиосигналот потребни му се четири години да го мине патот меѓу Земјата и најблиската ѕвезда вон Сончевиот систем. За десет години научниците на Милнер ќе можат да слушаат сигнали во Млечниот пат, но и од 100 најблиски галаксии.
Најголем трошок му е резервацијата на радио телескопот, како оној во австралиската опсерваторија Паркс во Нов Јужен Велс и Радио Астрономи Опсерваторија во Грин Бенк во Западна Вирџинија. Милнер има намера да ги резервира на два месеца годишно, што е одлична вест за научниците кои инаку можеа да ги користат телескопите само двапати годишно.
Тимот научници ги предводи Питер Вореден, кој од почетокот на годината управуваше со истражувачкиот центар Ames на НАСА. Тие ќе ги организираат сигналите што ќе ги пронајдат, ќе ги објавуваат податоците и ќе трагаат по обрасци во нив. Целта на истражувањето е да се одреди дали сигналите дошле од интелигентен облик на живот или станува збор за природни феномени. Научниците се убедени дека тоа што луѓето го откриле радио сигналот, значи и дека и другите го користат.
„Тоа нема да ни каже ништо за некоја цивилизација, но ќе ни каже дека таа постои“, рече Франк Дрејк, кој со Саган ја испрати првата порака во вселената во 1972 година.
Покрај радио сигнали, научниците ќе бараат и светлосни сигнали со помош на телескопот во Опсерваторијата Лик во Калифорнија.
Својата иницијатива Милнер ја претстави во Лондон, опкружен со научници како Стивен Ховкинг, кој е еден од советниците во проектот. /крај/мф/ст
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.