Македонија
(Видео) Река народ на Плаошник, се празнува Велигден во Охрид
Туристите кои изминативе денови го преполнија Охрид, вечерва празнуваат во црковните храмови. На 30 минути пред полноќ, река од народ, дојде на Плаошник во црквата „Свети Пантелејмон“. Најмногу гужва имаше пред влезот на црквата. Верниците меѓусебно си посакуваат празникот да им донесе здравје и среќа, откако ја слушнаа црковната молитва.
„Подигнете се вечни порти, ќе влезе царот на славата. Господ кревкиот, тој е цар на славата. Христос Воскресе“, рече архепископот, додека отворањето на портите на храмот го означи отворањето на портите во рајот.
Гужви и празнување има и низ останатите црковни храмови во Охрид. Градот е познат по својата убавина и 365 цркви – по една за секој ден во годината. Ова привлекува голем број верници од Македонија и од светот кои уживаат во неговата духовност.
Продолжениот викенд, голем дел граѓани го искористија за прошетка во македонскиот Ерусалим. Дел од нив сонцето го искористија за параглајдерство, бродска прошетка, полуподморница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Падна дел од фасада на зграда во Аеродром
Центарот за управување со кризи извести дека на единствениот повикувачки број за итни случаи 112 добиена е пријава за штета, односно паднат дел од фасада на зграда на булеварот Јане Сандански во Аеродром.
Силниот ветер попладнево направи хаос во Скопје. Паднати се дрвја, има оштетени возила, откачени лимови, искинати кабли од бандери.
Во центарот на градот, на булеварот Свети Климент Охридски, дрво падна врз жена.
Македонија
Трипуновски: Ги потпишав сите заостанати договори и документи во Министерството
Министерот за земјоделство, шумарство и водостопанство Цветан Трипуновски денеска ги потпиша сите заостанати договори и документи кои предолго чекаа за потпис.
„Ги потпишав сите оние договори и документи кои долго стоеле по фиоките во кабинетите на Министерството за кои претходната гарнитура не нашла време или пак не сакала да ги потпише од причини само за нив јасни“, изјави Трипуновски.
Ова е само најава на тоа што следува и во која насока ќе се движи Министерството во иднина, со зголемен ангажман, побрза реакција и поголема грижа за македонските земјоделци, се наведува во соопштението на МЗШВ.
„Ја намалуваме бирократијата и ги забрзуваме процесите и постапките бидејќи македонските земјоделци треба да се посветат само на производството“, заврши Трипуновски.
Македонија
Тошковски-Лимани: забрзување на протокот на патници на граничните премини за време на сезоната на годишни одмори
Денеска во МВР, министерот Панче Тошковски се сретна со министерот за социјална политика, демографија и млади Фатмир Лимани.
„Заедно ја анализиравме ситуацијата на граничните премини во насока на пронаоѓање решенија за забрзување на протокот на возила и патници на двете страни на границите во овој период на зголемена фреквенција на граничните премини заради годишните одмори кога огромен број од нашите иселеници се враќаат во татковината“, извести Тошковски.
„Ги разгледавме можностите за унапредување и промена на некои од процедурите на границите со цел забрзување на протокот на луѓе и намалување на времето на чекање и на двете страни на границата. Секако со министерот Лимани потенциравме посветеност за унапредување на соработката и координацијата помеѓу двете институции што ќе резултира со унапредување на безбедност на сите наши граѓани што е една од главните стратешки цели на новата Влада“, додава министерот за внатрешни работи.