Свет
Откриена тајна кинеска полициска станица во Њујорк, уапсени двајца мажи
![](https://makfax.com.mk/wp-content/uploads/2023/04/nypd_jpg-1.jpg)
Американската полиција денеска уапси двајца жители на Њујорк за наводно водење на кинеска „тајна полициска станица“ во кинескиот кварт на Менхетен, се вели во соопштението на федералниот обвинител во Бруклин.
Лиу Џианванг (61) и Чен Џинпинг (59) се соочуваат со обвиненија за попречување на правдата и заговор да дејствуваат како агенти на кинеската влада, без да ги известат американските власти, соопштија обвинителите.
Во текот на денешниот ден се очекува да се појават пред федералниот судија во Бруклин.
Министерството за правда ги засилува истрагите за, како што ги нарекува, обидите за „транснационално угнетување“ од американските противници како Кина и Иран за заплашување на политичките противници кои живеат во САД.
Обвинителите рекоа дека во 2018 година, Лиу се обидел да го убеди лицето, кое Кина го смета за бегалец, да се врати дома. Оттаму додаваат дека ова лице пријавило дека била малтретирана и ѝ се заканувале.
Во 2022 година, кинеската влада побара од Лиу да помогне да се лоцира поединец кој живее во Калифорнија за кој се верува дека е продемократски активист, соопштија обвинителите.
Федералните обвинители обвинија повеќе од десет кинески државјани и други за следење и малтретирање на дисиденти кои живеат во САД, вклучително и присилно враќање на луѓе кои Кина ги смета за бегалци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Последни проекции на резултатите: левицата до 187 мандати, но далеку од апсолутно мнозинство
![](https://makfax.com.mk/wp-content/uploads/2024/07/Screenshot-2024-07-06-185830.jpg)
Според ревидираните анкети објавени подоцна во неделата вечерта, Новиот народен фронт, составен од пет партии, ќе освои меѓу 171 и 187 пратенички места. За апсолутно мнозинство потребни се најмалку 289 мандати.
Партијата на претседателот Макрон ќе биде вториот по големина блок со 152 до 163 пратенички места, што ги надминува очекувањата.
Марин Ле Пен и нејзиниот екстремно десничарски Национален фронт (РН) се на третото место со проекција меѓу 134 и 152 освоени места, што претставува значително зголемување во споредба со освоените 89 места во 2022 година.
Се очекуваше РН да се претстави многу посилно откако освои најмногу гласови во првиот круг. Сепак, неговиот удел во гласовите доби удар откако стотици центристички и левичарски кандидати се откажаа од вториот круг за да ја спречат екстремната десница да напредува.
Европа
„За Москва разочарување, олеснување во Киев“ по изборните резултати, изјави полскиот премиер
![](https://makfax.com.mk/wp-content/uploads/2017/12/skynews-donald-tusk-european-council_4136799.jpg)
Полскиот премиер Доналд Туск изјави дека резултатите од парламентарните избори во Франција ќе доведат до разочарување во Москва и „олеснување“ во Украина.
In Paris enthusiasm, in Moscow disappointment, in Kyiv relief. Enough to be happy in Warsaw.
— Donald Tusk (@donaldtusk) July 7, 2024
Марин Ле Пен, лидерката на екстремно десничарската партија Национален собир, претходно вети дека нејзината партија нема да дозволи Украина да користи француско оружје со долг дострел за да ја нападне Русија доколку дојде на власт.
Европа
Еврото падна поради изборите во Франција
![](https://makfax.com.mk/wp-content/uploads/2018/11/evra.png)
Еврото паѓа откако излезните анкети за последниот круг од француските парламентарни избори покажаа дека парламентот е во ќорсокак, а најмногу пратенички места најверојатно ќе освои левичарската коалиција Нов народен фронт.
Европската единствена валута последен пат беше намалена за 0,2% на 1,081 долари, иако обемот на тргување остана тенок бидејќи почетокот на тргувањето во Азија штотуку започна.