Свет
Откриени четири можни сценарија: што ќе се случи ако умре Зеленски или Путин
Агенцијата АП и „Њујорк Тајмс“ објавија нови документи кои ги откриваат американските сценарија за четирите „најлоши опции“ поврзани со војната во Украина.
Документите вклучуваат анализа за тоа што би можело да се случи во случај на смрт на рускиот претседател Владимир Путин или украинскиот претседател Володимир Зеленски.
Документите имаат ознака „тајна“, што е пониско ниво на заштита од „строго доверливо“. Неколку американски функционери во изминатите денови изјавија дека документите што беа објавени се „застарени“ и дека во многу случаи тие не ги претставуваат тековните проценки на разузнавачките агенции.
Едно од четирите хипотетички сценарија опишува што би можело да се случи доколку Украина го нападне Кремљ. Идентификуван е широк опсег на можни импликации.
Конфликтот може да ескалира, при што Путин ќе одговори на гневот на јавноста со започнување на голема воена мобилизација и размислување за употреба на тактичко нуклеарно оружје, се вели во документите.
Спротивно на тоа, стравовите на населението може да го наведат рускиот лидер да се обиде да започне преговори за завршување на војната.
Администрацијата на Бајден особено би била загрижена за можен украински напад врз Москва, бидејќи тоа би можело да предизвика драматична ескалација, се наведува во документите. Ризикот од ваков напад од Украина е една од причините поради која САД одбија да му испорачаат ракети со поголем дострел на Киев, пишува „Њујорк Тајмс“.
Ако рускиот претседател Владимир Путин ги отпушти своите највисоки воени советници, тоа би довело до ескалација, а документите сугерираат дека рускиот лидер тогаш би можел да одобри употреба на тактичко нуклеарно оружје.
„Ова може да се случи само во две ситуации: ако олигарсите го доведуваат во прашање процесот на донесување одлуки на Путин и ако не успеат да го решат проблемот со недостигот на муниција. Тоа е сценарио кое во овој момент изгледа неверојатно“, се наведува во документите.
Третото сценарио се однесува на случајот со смртта на украинскиот претседател Володимир Зеленски. Ако лидерот на Украина умре, најлошото сценарио е европските лидери да ја ограничат испораката на оружје, се вели во документите.
Сепак, документот покажува дека и „висок украински функционер“ би можел да „одржува домашна и меѓународна поддршка“.
Така би имало наследник, забележува „Њујорк Тајмс“. Западните медиуми претходно шпекулираа дека врховниот командант на украинските сили Валериј Жалузни би можел да претендира на функцијата претседател бидејќи има голема поддршка меѓу народот.
Во документите се споменува и сценарио во случај на смрт на Владимир Путин, но „Њујорк Тајмс“ не објави повеќе детали за таа опција.
Документот опишува различни можни настани, без да се процени кој од нив е најверојатен. Многу зависи од начинот на кој би умрел.
Во случај на атентат, американското воено разузнавање стравува дека тоа ќе доведе до ескалација и целосна воена мобилизација и дека Русија ќе употреби тактичко нуклеарно оружје во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.