Свет
Русија ја обвинува Украина за саботирање на договорот за жито со шема за поткуп
Русија ја обвини Украина за саботирање на договорот за жито во Црното Море, барајќи мито од сопствениците на бродови за да регистрираат нови бродови и да извршат инспекции преку договорот за кој Обединетите нации се надеваат дека може да ја олесни глобалната криза со храна.
Украинската страна е одговорна за тешкотиите со регистрацијата на новите бродови и прекинот на инспекциите, изјави денеска портпаролката на руското Министерство за надворешни работи, Марија Захарова.
Според неа, украинската страна прво го блокирала процесот на регистрација, несогласувајќи се со предлозите на Русија, а потоа ги прекинала сите инспекции, вклучително и инспекциите на бродовите кои заминуваат.
Како резултат на ваквите акции, уделот на примателите на украинска храна во земјите на кои им е потребна е намален на минимално ниво (од 28,3 милиони тони извезено жито, само 742.000 – 2,6 отсто), наведе таа во соопштението.
Сопствениците на бродови, кои одбиле да платат мито, се принудени да стојат во место и да чекаат на инспекцијата.
Тешкотиите во спроведувањето на инспекциите се јавуваат исклучиво како резултат на активностите на украинските претставници, како и на членовите на ОН, процесот на добивање барање за регистрација во рамките на Црноморската иницијатива е во рацете на Украинците, а во формирањето се вклучени членките на ОН на плановите за инспекција (за влез и излез на бродови), додаде Захарова.
Под овие услови, единствен начин некако да се воспостави ред, правична и транспарентна основа за учество во иницијативата е регистрацијата на судовите, што руските експерти го спроведуваат строго во рамките на одобрениот деловник и нивните овластувања, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с