Спорт
Јосип Ѓерѓа: Во Хрватска не играме кошарка, играме кокошарка

Легендарниот југословенски играч и поранешен селектор на хрватската репрезентација, Јосип Пино Ѓерѓа, нема добро мислење за состојбите во хрватската кошарка.
Ѓерѓа освои сребрени медали со репрезентацијата на поранешна Југославија на Светските првенства во 1963 и 1967 година и на Евробаскетот во 1965 година, додека како селектор ја предводеше Хрватска до бронзата на Светското првенство во 1994 година.
„Не одам да гледам натпревари, бидејќи имам индиции дека никогаш не сум играл кошарка, и дека никогаш не сум играл ниту за КК Задар. Морам да истакнам дека кошарката порано беше најдобриот хрватски спорт, гордост на Хрватска, а денес, за жал, не сме на нивото на Косово и Албанија. Во Хрватска не играме кошарка, туку кокошарка“, рече Ѓерѓа, петкратнен шампион на Југославија и продолжи:
„Хрватската лига е смешна, нашата кошарка е смешна. Десет години не сме отишле на Светско првенство, не сме се пласирале на Олимписки игри, нема за што да зборуваме, и тоа е така триесет години. Јосип Шесар е нов селектор? Па, кажи кој не ја водел хрватската репрезентација сите овие години“.
Ѓерѓа се потсети на некои подобри времиња.
„Југославија секогаш беше прва, втора или трета во светот повеќе од дваесет години. Еве јас во 1994 година со Хрватска како селектор, освоив медал, бронза на СП, со само еден пораз. А што ми направија, ме плукаа и ме навредуваа“, вели Ѓерѓа во интервју за Антена Задар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан испратиле понуда за Бонифејс

Италијанскиот гигант Милан до крајот на преодниот рок ќе донесе уште еден напаѓач, бидејќи во овој момент во тимот има само една класична „деветка“, Сантијаго Хименез.
Изминатите недели со Милан се поврзиваа Расмус Хојлунд од Манчестер јунајтед и Душан Влаховиќ од Јувентус.
Но како што сега стојат работите, ниту еден од нив нема да пристигне на „Сан Сиро“.
Италијанските медиуми вечерва објавија дека Милан испратиле официјална понуда до Баер Леверкузен за нигерискиот напаѓач Виктор Бонифејс (24). Според овие извори, Милан за се подготвени да им платат на „аптекарите“ околу 30 милиони евра отштета.
Наводно, челниците на Милан и Бонифејс веќе постигнале договор за платата, а се чека „зелено светло“ од германскиот клуб.
Нигериецот е во Баер од 2023 година, кога пристигна од Унион Берлин, а пред да дојде во Германија играше и за норвешки Бодо/Глимт, кипарски Лефке и нигериски Реал Сафир. Тој одигра 13 натпревари за нигериската репрезентација.
Спорт
Даглас Луиз се сели во Нотингем Форест

Играчот од средниот ред на Јувентус, Даглас Луиз (27), треба да го финализира својот трансфер во Нотингем Форест во следните неколку дена, објавија италијанските медиуми.
Бразилецот пристигна во „Старата дама“ пред една година од Астон Вила во трансфер вреден 51 милион евра. Тој помина пет сезони во Вила и постигна 22 гола и додаде 24 асистенции.
Јуве очекуваше многу од Бразилецот, но тој на крајот се покажа како големо разочарување и еден од најлошите трансфери во историјата на славниот клуб од Торино.
Ни Тијаго Мота, ни Игор Тудор не успеаја да го извлечат максимумот од Далглас Луиз.
Иако неговиот договор е важечки до јуни 2029 година, Јуве одлучи дека е најдобро да го продаде додека сè уште може да добие значителна отштета за него. Иако раководството на „Старата дама“ се надеваше на сума од 40 милиони евра, се чини дека ќе се согласат со понудените 30 милиони, тврдат италијанските медиуми.
Даглас Луиз треба да потпише петгодишен договор со „шумарите“, а би имал поголема плата отколку во италијанскиот клуб.
Спорт
Македонија со победа ги заврши мундијалските предквалификации

Кошаркарската репрезентација на Македонија со победа го заврши претквалификацискиот циклус за Светското првенство. Вечерва цо СРЦ Кале во Скопје, Македнија ја победи Унгарија со 82:75. Првата победа, забележана во последното коло, не беше доволна Македонија да влезе во мундијалските квалификации, таму ќе играат Романија и Унгарија.
Македонија одигра добар меч против Унгарците. Со исклучок на воведните минути, Македонија го контролираше натпреварот. По водството на Унгарија (12:15), Македонија одговори со серија од 11:0 и до крајот не го испушти водството.
Во последниот период Македонија ја достигна и највисоката предност од 17 поени (76:59).
Вајле ја предводеше Македонија со 23 поени, по 14 постигнаа Митревски и Ташковски.
Foto/ kfsm.mk