Спорт
Баерн и Бенфика во (не)возможни мисии
Вечерва ќе бидат комплетирани полуфиналните двојки во Лигата на шампионите. Интер и Манчестер сити имаат големи шанси да им се приклучат на Милан и Реал Мадрид, екипи кои вчера се пласираа во полуфиналето.
„Граѓаните“ имаат голема предност од 3:0 против Баерн, па иако гостуваат во Минхен, ретко кој очекува пресврт од Баварците.
„Ќе се фокусираме на она што треба да го направиме. Прво ќе се обидеме да постигнеме гол, и секако дека доаѓаме да победиме. Не ја разбирам логиката да дојдеме овде и да се браниме?! Доаѓаме овде да играме 11 на 11 натпревар, секако дека се надевам на позитивен резултат“, изјави менаџерот на Сити, Пеп Гвардиола.
Тој истакна дека е свесен колку е силен Баерн, но додаде дека Манчестер Сити нема да се брани.
„Мораме да размислуваме за нашата игра, бидејќи еден од најдобрите европски клубови ќе биде против нас. Сепак, сакаме да ја наметнеме нашата игра, која може да ни донесе победа“, изјави менаџерот на Сити, предупредувајќи дека Баерн е доволно квалитетен за да го елиминира неговиот тим.
„Работев во Баерн и го знам менталитетот на овој клуб. Тоа го гледате насекаде, тоа е во нивна крв. Знаеме дека веруваат дека можат да се вратат. Кога сте во ваков клуб, верувате дека се може да се случи. Имав неверојатни моменти овде. Клубот е исклучителен, имам многу, многу пријатели овде“.
Можни состави:
Баерн: Зомер – Павар, Де Лигт, Упамекано, Дејвис – Кимих, Горецка – Коман, Мусиала, Сане – Милер
М. Сити: Едерсон – Вокер, Дијаз, Аке, Стоунс – Родри, Силва – Де Брујне, Гундоган, Грилиш – Халанд.
Интер има капитал од два гола од Лисабон, во пресрет на гостувањето на Бенфика на „Џузепе Меаца“.
„Поразите се зад нас. Мора да се фокусираме на овој натпревар. Нè очекува важен и тежок натпревар. И покрај лошите резултати, не играме лошо. Се уште создаваме шанси”, изјави тренерот на Интер, Симоне Инзаги.
Победникот од натпреварот Интер – Бенфика ќе се сретне со Милан во полуфиналето на Лигата на шампионите.
„Знаеме дека нашата позиција на табелата во Серија А не е она што го посакувавме, но нашиот единствен фокус е Бенфика. Знаеме дека имаме предност, но мораме да дадеме се од себе против тим кој не бележи добри резултати во последно време“, заклучи Инзаги.
Можни состави:
Интер: Онана – Дармјан, Ачерби, Бастони – Дамфрис, Барела, Чалханолу, Мхитарјан, Димарко – Џеко, Мартинез
Бенфика: Влаходимос – Жилберто, А.Силва, Отаменди, Грималдо – Фиорентино, Чикињо – Аурснес, Р.Силва, Жоао Марио – Рамос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.
Спорт
Почина легендарниот Аргентинец, Цезар Луис Меноти
Аргентинскиот фудбалски тренер Цезар Луис Меноти почина на 85-годишна возраст, соопшти аргентинскиот фудбалски сојуз.
Меноти, познат и како „Ел Флако“ (Слабиот), го освои Светското првенство во фудбал во 1978 година како селектор на Аргентина.
Роден е во градот Росарио, а најголемиот дел од својата кариера го помина во истоимениот клуб. Играше и за Бока Јуниорс.
Како тренер, меѓу другите ги водеше Њуелс Олд Бојс од Росарио, Бока Јуниорс, Ривер Плата, Атлетико Мадрид, Барселона и Индепендиенте, а покрај сениорскиот тим беше селектор и на аргентинската репрезентација под 20 години, како и Мексико.
Меноти последниот месец го помина во болница поради анемија.
Шпанска „Марка“, наведува дека Меноти како тренер ја пропагирал идејата за фудбалот како уметнички израз, наспроти „биладиризмот“, кој го имплементирал аргентинскиот тренер Карлос Билардо, а кој вклучувал користење на сите достапни сегменти од играта за да се постигне победа по секоја цена.
Спорт
Ферстапен за Норис: Ова нема да биде неговата последна победа
Втор пат во 2024 година, Макс Ферстапен не триумфираше на една од трките во Формула 1 шампионатот Холанѓанецот мораше да се откаже во Австралија поради проблеми со сопирачките (победи Карлос Саинц), а во неделата вечерта во Мајами, шампионот беше поразен од Британецот Ландо Норис.
Норис ја постигна првата победа во својата 110. трка во кариерата, а по тој повод зборуваше и Ферстапен.
„Понекогаш победуваш, а понекогаш губиш. Сите сме навикнати на тоа во тркачкиот свет, нели? Денеска ми беше малку проблематично. Дури и на мидиум пневматиците не се чувствував удобно. Правевме предност но не на востонски начин. Кога слушнав како Мекларен поминува во боксот, помислив: „Леле, тоа е навистина брзо“. Тој леташе. Тој дел беше навистина тежок за нас“, изјави Макс Ферстапен по трката.
„Многу сум среќен за Ландо. Долго чекаше на оваа победа, а нема да му биде последна. Дефинитивно го заслужи триумфот“, изјави актуелниот шампион во Формула 1.
На прашањето дали оваа трка е одраз на вистинската брзина на надградениот болид на Мекларен, Ферстапен одговори:
„Се надевам дека не!
Во генералниот поредок води Верстапен со 136 бодови, пред Перез со 101, додека Леклер е трет со 98.
Овогодинешниот шампионат во Формула 1 продолжува со Големата награда на Емилија Ромања на патеката „Енцо и Дино Ферари“ од 17 до 19 мај.