Свет
(ВИДЕО) Украинската полиција со автомати упадна во Киевско-Печерската лавра
Украинската полиција вооружена со автоматско оружје денеска упаднала во просториите на Киевско-Печерската лавра и ги блокирала влезовите, соопшти Сојузот на православните новинари на Украина, пренесува „РИА новости“.
„Полицијата дојде на територијата на манастирот, блокирајќи го влезот во просториите,“ објавено е на каналот на сојузот на Телеграм.
Вооружените полицајци на влезот од галеријата Ближи катакомби биле пресретнати од парохјаните, кои побарале од нив да го покажат судскиот налог кој ги оправдува нивните постапки. Насобраните парохијани го пееле велигденскиот тропар „Христос воскресе од мртвите“.
Меѓутоа, ситуацијата почнала да ескалира, па верниците почнале да ги туркаат припадниците на безбедносните сили од влезот, врескајќи им да се срамат, но полицајците не реагираат на ескалацијата и не се повлекуваат.
Претходно, адвокатот на лаврата, Нитика Чекман, кој ги застапува интересите на канонската Украинска православна црква (УПЦ), посочи дека претставници на споменикот на културата Киевско-печерска лавра утринава без судска одлука незаконски упаднале во една од просториите на манастирот и ја запечатиле.
„Претставници на националниот споменик во придружба на полиција го оштетија имотот на манастирот. Тие ги искршиле бравите, влегле во просториите на 39. блок и го запечатиле. Полицајците не ги пуштија внатре претставниците на манастирот и на тој начин се вмешаа во незаконското постапување на претставниците на националниот споменик,“ вели Чекман.
Верниците подоцна ја скршиле вратата и влегле во просторијата на лаврата, која претходно била запечатена и во која имало лица кои полицијата ги затворила.
Конфликтот околу Киевско-Печерската лавра ескалираше откако украинското Министерство за култура еднострано и без судска одлука го раскина договорот за закуп и побара монасите на канонската УПЦ да го напуштат манастирот до 29 март.
Ним им беше дозвоено да останат само под еден услов: ако се префрлат во расколничката Православна црква на Украина.
Како што изјави игуменот на манастирот, митрополитот Павел, монасите на УПЦ имаат намера да останат во манастирот до крај. Игуменот беше ставен во домашен притвор под обвинение за поттикнување секташка омраза и поддршка на дејствата на Русија.
Во изминатата година, украинските власти го организираа најжестокиот прогон на УПЦ во поновата историја на земјата. Осврнувајќи се на нејзината поврзаност со Русија, локалните власти во различни региони на Украина одлучија да ја забранат работата на УПЦ, а до парламентот во Киев беше поднесен предлог-закон за нејзина де факто забрана во Украина.
Службата за безбедност на Украина почна да покренува кривични постапки против свештенството на УПЦ и да спроведува контраразузнавачки мерки – претреси на епископи и свештеници во цркви и манастири – во потрага по докази за наводна „антиукраинска активност“.
Портпаролот на Кремљ Дмитриј Песков изјави дека Русија жестоко ги осудува акциите на украинската полиција во Киевско-Печерската лавра.
„Нашиот став е многу добро познат и е конзистентен. Ние одлучно ги осудуваме овие дејства“, изјави Песков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонија ќе гради високоавтоматизирани воени бродови за Австралија
Јапонија денеска потпиша договор вреден 10 милијарди австралиски долари за изградба на воени бродови од следната генерација за Австралија, што претставува најзначајна продажба на јапонска одбранбена технологија од укинувањето на забраната за извоз на воена опрема во 2014 година – чекор што го оддалечува Токио од поствоениот пацифизам.
Според договорот, компанијата Mitsubishi Heavy Industries од 2029 година ќе ѝ испорачува на Кралската австралиска морнарица надградени повеќенаменски фрегати од класата Mogami.
Овие високоавтоматизирани воени бродови, дизајнирани за лов на подморници, напад на бродови и противвоздушна одбрана, ќе може да се управуваат со само 90 морнари – помалку од половина од екипажот потребен за сегашните бродови.
Австралија планира да ги распореди новите бродови за одбрана на клучните поморски трговски рути и северните морски подрачја кон Индискиот и Тихиот Океан, каде што Кина сè повеќе ги зголемува својата присутност и активностите.
Регион
(Видео) Српски министер доживеа мозочен удар во емисија во живо
На српскиот министер за јавни инвестиции Дарко Глишиќ утрово му се слоши за време на гостувањето во утринската програма на телевизијата „Пинк“. Емисијата беше нагло прекината, а неофицијално се знае дека станува збор за тежок мозочен удар.
Глишиќ беше гостин во утринската програма на телевизијата „Пинк“, но одеднаш почна да пелтечи и не можеше да изговори ниеден цел збор. Водителите го прашаа неколкупати дали се чувствува добро, но тој не можеше да одговори, па програмата беше прекината.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025
Министерот за здравство Златибор Лончар изјави дека состојбата на Глишиќ е сериозна и дека тој бил донесен во Ургентниот центар во несвесна состојба.
Глишиќ беше итно префрлен во болница, каде што набргу пристигна српскиот претседател Александар Вучиќ. Глишиќ се смета за еден од неговите најблиски соработници.
Дарко Глишиќ е министер во владата на Србија од мај 2024 година. Тој е член на Српската напредна партија од нејзиното основање, а од 2016 година е претседател на Извршниот одбор на СНС.
Српскиот претседател Александар Вучиќ објави заедничка фотографија на својот инстаграм-профил со министерот и напиша: „Даре, држи се! Нема предавање“.
View this post on Instagram
Фото: Принтскрин
Свет
Ердоган доаѓа во Киев на покана од Зеленски – набргу нова рунда преговори?
Претседателот на Турција, Реџеп Таип Ердоган, во наредните денови ќе ја посети украинската престолнина Киев, на покана на украинскиот претседател Володимир Зеленски, пренесува агенцијата Turkiye Gazetesi, повикувајќи се на украинскиот амбасадор во Анкара, Нариман Џелјал.
Амбасадорот Џелјал најави дека еден од главните фокуси на средбата ќе биде ратификацијата на Договорот за слободна трговија помеѓу Турција и Украина.
Очекувањата се дека разговорите ќе го опфатат и ангажманот на Анкара за мирно решавање на војната во Украина.
По трите претходни рунди преговори што се одржаа во Истанбул, Ердоган изрази оптимизам дека наскоро може да се случи нова рунда преговори меѓу Украина и Русија, насочена кон ставање крај на конфликтот.
Третата рунда разговори беше одржана на 23 јули во Истанбул. Беше договорена размена на затвореници, но не беше постигнат значаен напредок кон прекин на огнот.
Ердоган неколкупати изјави дека Турција е подготвена да организира средба на високо ниво, штом бидат создадени потребните услови. Потенцијалната средба меѓу рускиот претседател Владимир Путин и украинскиот претседател Володимир Зеленски би била прва директна средба по 2019 година, кога дискутираа за прекин на борбите во источниот регион Донбас.
Претседателот на САД, Доналд Трамп, исто така потврдил дека би присуствувал на таков состанок, доколку до него дојде.
Путин неодамна изрази подготвеност да се сретне со Зеленски, веднаш штом двете делегации ги завршат неопходните подготовки.
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
Полициска интервенција во Струга: Над 500 лица и 120 луксузни возила на собир по полноќ, запленети автомобили
Доцна синоќа, нешто по полноќ, струшката полиција интервенирала на паркинг во градот по пријава за гласна бучава и вознемирување на...
Сѐ повеќе луѓе остануваат без работа поради вештачката интелигенција – најголем удар врз младите
„Мајкрософт“ годинава отпушти повеќе од 15.000 луѓе, од кои 9.000 само во јули – што е околу 7 отсто од...
(Видео) Со концерт на Ана Дурловски, „Охридско лето“ го прослави 65. роденден
Со концерт на реномираната македонска сопранистка, првенката на Националната опера и балет, Ана Дурловски која настапи со пијано придружба на...
Променливо облачно и нестабилно со локален пороен дожд и грмежи, наместа во форма на невреме
Променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
Објавен огласот за финансиска поддршка за сметките за струја за ранливи потрошувачи
Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи...
Обид за убиство во Струга – со нож го избол во стомакот, рацете и во вратот
Основното јавно обвинителство Струга отвори истрага против две лица, од кои едното е осомничено за обид за убиство и насилство,...
Силен скок на цената на нафтата на светските пазари
По две недели пад, цените на нафтата нагло пораснаа на светските пазари, за повеќе од шест проценти, поддржани од постигнувањето...
Активни четири пожари во Македонија
До 07:00 часот утрово регистрирани се 23 пожари во Македонија, од кои четири се активни, два се под контрола, а...
Трамп се закани: Путин има рок до петок
Американскиот претседател Доналд Трамп изјави дека неговиот специјален претставник Стив Виткоф би можел да отпатува во Русија, можеби в среда...
Русија и Кина одржуваат воени вежби во морето крај Јапонија
Русија и морнариците на Кина одржуваат заеднички артилериски и противподморнички вежби во Јапонското Море како дел од планираните воени маневри,...
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција
Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...
(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?
Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...
„Среќни се ако јадат сув леб“ – трогателно сведоштво за брат и сестра во Газа кои гладуваат со недели
Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...
Техеран се соочува со историска водна криза: „нултиот ден“ сè поблиску
Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...
