Регион
Убиениот криминалец Сабљо бил суров кон луѓето, но ослободил кокошки од живинарска фарма: Знам јас како е кога си во затвор
![](https://makfax.com.mk/wp-content/uploads/2023/04/сабљо.jpg)
Томислав Сабљо бил „персона нон грата“ во најмалку два фолкерски клуба во Загреб поради проблемите што би ги направил при влегувањето, а сопствениците преку редарите му пренесувале дека не е добредојден.
Тој беше ослободен од истражен притвор во ноември 2021 година, а претходно во јули истата година тој и неговите сообвинети имале деблокиран имот во вредност од над 80 милиони денари од формални причини, но веднаш по неговото ослободување бил уапсен поради наводна изнуда за што сè уште му се судеше. Кога станува збор за акцијата „Тебра“ и шверцот на марихуана, како и палењето автомобили низ Загреб, ова е најпознатиот „злостор“ за кој УСКОК го обвини Сабљо.
Ускок со месеци го следеше и истражуваше Сабљо, како и другите обвинети; во неговиот мерцедес С АМГ ставиле „бубачка“ и тајно го снимиле. Обвинението што беше покренато сè уште не е потврдено, а во јули 2021 година нему и на неговите сообвинети им беше вратен имотот вреден околу 80 милиони денари. Како што дознава хрватскито печат, Сабљо дел од парите ги вложил во фарма за кокошки недалеку од Загреб. Еден ден дошол на фармата и ги пуштил сите кокошки да излезат, па потоа со денови ги бркале да ги фатат по полињата.
Кога зачудените работници прашале зошто го направил тоа, тој им одговорил: „Знам како е да се биде затворен, бидејќи и јас бев во затвор!“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Вучиќ објави фотографија со синот: Рекоа ќе го посипат со ураниум
![](https://makfax.com.mk/wp-content/uploads/2024/07/dfds.jpg)
Претседателот на Србија Александар Вучиќ зборуваше за интервјуто на опозиционерот Срѓан Шкоро во кое тој го коментираше и неговиот син Данило Вучиќ и порача дека нема да дозволи напади врз неговиот син, но и врз ничие дете. Вучиќ зборуваше за монструозните закани упатени кон неговиот син, а дел од нив гласеле дека тој ќе биде посипан со ураниум.
„Со години ги кажуваат најлошите и најтешките зборови. Јавноста молчи, обвинителството, полицијата, судовите молчат. Денеска рекоа дека ќе го посипат син ми со ураниум. Тој веќе не е дете, туку тој секогаш ќе биде мој син. А јас нема и нема да дозволам да го правите тоа за ничие дете во Србија Ќе се бориме за нормална Србија“, напиша Вучиќ на Инстаграм профилот.
Заедно со објавата објави и фотографија со синот Данило.
Регион
Грција во пламен: дури 50 пожари низ земјата во последните 24 часа, издадено е важно предупредување
![](https://makfax.com.mk/wp-content/uploads/2024/07/Screenshot-2024-07-07-190708.jpg)
Бројот на агрошумски пожари што избувнаа во последните 24 часа низ Грција достигна 50, соопшти Противпожарната служба.
Според локалните медиуми, 41 пожар се санирани веднаш, во почетна фаза, додека противпожарната служба се уште ги решава останатите 9.
Локалните истражни служби, како и одделенијата за превенција од подметнување пожари (Д.А.Е.Е.) ги истражуваат причините за пожарот.
Противпожарната служба на Грција ги повикува сите граѓани да бидат особено внимателни и во случај на пожар, заради сопствена безбедност, да ги следат упатствата на надлежните органи.
Регион
(Видео) Страшно невреме во Словенија: силен град, ветер и дожд носеа се’ пред себе
![](https://makfax.com.mk/wp-content/uploads/2024/07/Screenshot-2024-07-07-185925.jpg)
Над Словенија во попладневните часови се развиле две силни бури. Суперќелијата што патуваше низ централна Словенија донесе силен град, силни налети на ветер и дожд.
Во некои делови на Словенија невремето го нарушува сообраќајот и ја намалува видливоста. Од сообраќајниот информативен центар предупредуваат дека на коловозите можно е да има повеќе вода.
На возачите им се препорачува да возат внимателно и да не застануваат под надвозници или во тунели.
Според прогнозите на Агенцијата за животна средина на Република Словенија, ќе продолжи да има врнежи или невреме, особено во северната половина од земјата. На север и северозапад во вечерните и ноќните часови се уште е можно невреме, јавува Метеоинфо.
Западните и северните делови на Љубљана и околината беа зафатени од силно невреме со град и ветер. Потоа невремето се префрли над Домжал во североисточен правец.
Како што пренесуваат медиумите, некои возачи засолниште од невремето побарале под надвозникот, што е многу опасно кога има невреме, предупредува полицијата.
– За жал, при невреме на автопатот, некои неодговорни возачи сè уште ги запираат возилата во тунели, на паркинг ленти, се вртат или дури излегуваат од возилото итн. Со тоа се загрозуваат себе си и другите учесници во сообраќајот бидејќи може да дојде до застој во сообраќајот или опасни судири и сообраќајни незгоди – предупредува полицијата на несфатливото и премногу вообичаено однесување на возачите на нашите патишта.