Свет
Од докторка до чистачка: жените што Путин се обидува да ги скрие од јавноста
Иако рускиот претседател Владимир Путин постојано се обидуваше да го скрие својот љубовен живот, медиумите не се двоумеа да пишуваат за жените што успеале да го освојат неговото камено срце. Иако официјално се ожени само еднаш и има две ќерки што светот ги знае, често се шпекулира дека има потомство со уште две дами. Еве како изгледа семејното стебло на Путин.
Познато е дека Путин беше во брак со Људмила 31 година и дека заедно имаат две возрасни ќерки – Марија и Екатерина, но на јавноста не ѝ беа познати долго време. Затоа секој нов детаљ за нив привлекува големо внимание.
На интернет нема официјални фотографии од децата на рускиот лидер, а се разговара и за нивните вистински имиња. Исто така, никогаш не е потврдено колку точно потомци има Путин. Тој толку цврсто се држи до својот план да не открива ништо за своето семејство, што во 2015 година ја шокира публиката со еден од своите ретки коментари за неговите ќерки повеќе отколку со неговите размислувања за надворешната политика или корупцијата.
„Тие живеат во Русија и никогаш не живееле на друго место трајно. Студирале само на руски универзитети. Се гордеам со нив. Тие продолжуваат да учат и работат. Моите ќерки течно зборуваат три европски јазици. Една од нив дури зборува еден или два ориентални јазика. Ги прават своите чекори и успешни се“, рече тој.
Екатерина или Катерина Тихонова е помладата ќерка на Путин и има 36 години. Дипломирала германско училиште во Москва. Таа се омажи за Кирил Шамалов во 2013 година, а медиумите објавија дека парот се развел во 2018 година. Двојката го подели своето богатство од 2 милијарди долари. Катерина не го носи презимето на својот татко, туку го зела презимето на баба ѝ по мајка.
Таа се занимава со танцова акробатика и е многу успешна во тоа. Во 2019 година таа стана член на советот на Руската светска федерација за танцови спортови. Долго време се шпекулира дали таа е ќерка на Путин бидејќи многу личи на рускиот лидер.
Путин во интервју во 2011 година изјави дека Катерина дипломирала ориентални студии на Универзитетот во Санкт Петербург. Таа беше на чело на истражувачки институт за спонзорирање и поддршка на млади научници, кој беше делумно финансиран од нафтената компанија „Роснефт“. До 2014 година таа помогна да се надгледува проширувањето на Московскиот државен универзитет работејќи како врска со бизнис-секторот.
Марија Воронцова или Марија Путина е најстарата ќерка на рускиот претседател и има 37 години. Родена е во Санкт Петербург. Студирала на државниот универзитет во Санкт Петербург, каде што дипломирала биологија, а студирала и медицина во Москва. Медиумите пишуваа дека таа до неодамна живеела во Холандија, од каде што е и нејзиниот партнер, бизнисменот Јорит Фасен. Родителите на Марија не присуствуваа на нејзината свадба во Холандија.
Во интервју за Оливер Стоун, Путин призна дека станал дедо. Некои соседи на Марија и нејзиниот сопруг се убедени дека го виделе Путин како ја посетува.
Тука е Алина Кабаева за која медиумите со години шпекулираат дека е девојка, свршеница или дури и сопруга на Путин. Никој навистина не знае каков е нивниот статус, но таа се забавува со него од 2008 година кога тој сè уште беше во брак со Људмила.
Добитничката на олимписки златен медал во ритмичка гимнастика со години е во центарот на вниманието. Се вели дека Алина го има синот Дмитриј кого наводно го добила со рускиот лидер. Во приказна за руски „Вог“ таа инсистира дека тој е нејзин братучед, а не син.
Истрагата на швајцарските медиуми од 2021 година покажа дека Путин и Кабаева имаат два сина, едниот роден во Москва, а другиот во Швајцарија.
Алина не се огласи во медиумите за ова прашање, а Кремљ никогаш не зборува за приватниот живот на рускиот претседател.
На крајот на ноември 2020 година во медиумите се појави вест дека Путин наводно има вонбрачна ќерка со чистачка, која станала милионерка и сопственик на ноќен клуб познат по еротски шоуа.
Девојчето Луиза Розова е родено во 2003 година за време на првиот мандат на Путин во Кремљ додека тој сè уште беше во брак. Нејзината мајка е наводно претприемачката Светлана Кривоногих. Фотографии од оваа тинејџерка кружат во светските медиуми и на социјалните мрежи, а се коментира дека многу личи на рускиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германија со предупредување за „црн мраз“ на патиштата
Германската метеоролошка служба издаде предупредување за „црн мраз“, мраз на патиштата во областа од Хамбург до централна Баварија и низ целата покраина Северна Рајна-Вестфалија.
„Избегнувајте непотребни патувања и останете во затворен простор колку што е можно повеќе“, се вели во соопштението, пренесува „Билд“.
Во текот на ноќта во Германија се случија голем број сообраќајни несреќи поради мраз на патиштата, според медиумот.
Надлежните служби во покраината Баден-Виртемберг објавија дека имало неколку сообраќајни несреќи предизвикани од мраз.
Во делови од Баварија, многу патишта ќе останат затворени денес поради ризик од паѓање дрвја или кршење гранки, пренесува Танјуг.
Свет
(Видео) Огромно свлечиште во Сицилија: најмалку 1.500 жители се евакуирани
Најмалку 1.500 жители на градот Нисеми, во јужна Сицилија, беа евакуирани од своите домови откако силната бура, предизвикана од циклонот Хари, предизвика големо свлечиште на ридот над градот. Свлечиштето отвори процеп долг околу четири километри, кој продолжува да се шири и се заканува да ги зафати најранливите делови од населбата.
Градоначалникот на овој ридски град, Масимилијано Конти, рече дека ситуацијата е исклучително сериозна, бидејќи дел од наклонот целосно попуштил, оставајќи бројни куќи опасно надвиснати над работ на карпата. Како што објавува Гардијан, првите знаци на поместување на земјата беа забележани во неделата, но свлечиштето набрзо се претвори во широк фронт што се протега на километри.
26.01.2026#Italy
1,500 people were affected by a landslide caused by rain in Niscemi, Sicily. The landslide extended 4 kilometers, isolating entire neighborhoods and destroying infrastructure, damaging roads and water mains.Twenty homes were damaged,and 15 cars were washed away. pic.twitter.com/bhpuD8hokR— Climate Review (@ClimateRe50366) January 26, 2026
Постои сериозен страв дека свлечиштето би можело да го проголта историското јадро на градот. „Ова е драматично свлечиште“, рече Конти во видео обраќање објавено на социјалните мрежи, апелирајќи до граѓаните надвор од оградените зони да останат во своите домови и да не преземаат непотребни ризици.
“Incredible images of the landslide that is currently striking the city of Niscemi, Sicily, Italy 🇮🇹”
TELEGRAM JOIN 👉 https://t.co/9BxDsKDVZ1 pic.twitter.com/QzDscvRutc
— ByTheSea (@TheLittleNest_) January 26, 2026
„Не сакам никој да го сфати овој настан лесно. За среќа, никој не е повреден, но материјалната штета на куќите е голема“, рече градоначалникот.
Генералниот директор на Цивилната заштита на Сицилија, Салваторе Кочина, предупреди дека се очекува сите згради во зоната од 50 до 70 метри од пукнатината да се урнат, поради што безбедносните мерки се дополнително заострени.
Поради вонредната состојба, училиштата во Нисеми денес беа затворени, а патот што го поврзува градот со крајбрежниот град Џела беше затворен за сообраќај. Повеќето од евакуираните беа привремено сместени кај роднини и пријатели, додека неколку стотици луѓе ги поминаа последните две ноќи во локалната спортска сала.
Градот има околу 25.000 жители, а локалните власти предупредуваат дека ситуацијата ќе биде внимателно следена во наредните денови, бидејќи постои опасност од понатамошно ширење на свлечиштето.
Свет
Kинескиот претседател: Кина и Европа се партнери, а не соперници
Кина и Европа се партнери, а не соперници, изјави кинескиот претседател Шји Џјинпинг на денешната средба со финскиот премиер Петер Орпо во Пекинг, објави Синхуа.
Шји ја изрази подготвеноста на Кина да соработува со Финска за цврсто да го поддржи системот со Обединетите нации во центарот, врз основа на меѓународното право, за заедничко справување со глобалните предизвици.
Тој нагласи дека двете земји треба да промовираат праведен и уреден мултиполарен свет, како и универзално корисна и инклузивна економска глобализација.
Шји ја повика Финска да игра конструктивна улога во промовирањето на здрав и стабилен развој на односите меѓу Кина и Европската Унија и предложи длабинска соработка во области како што се енергетската транзиција, циркуларната економија, земјоделството, шумарството и научните и технолошките иновации.
Кинескиот претседател ги поздрави финските компании, повикувајќи ги да „пливаат во огромниот океан на кинескиот пазар“ со цел да ја зајакнат својата глобална конкурентност.
На состанокот беа разгледани и теми како што се безбедноста на Арктикот, инцидентот со подморските кабли и поддршката на Северна Кореја за руската инвазија на Украина, во контекст на претходните разговори меѓу Шји и финскиот претседател Александар Стаб во 2024 година.
Бугарското МНР: Муцунски покажа неподготвеност да се вклучи не само со зборови, туку и во пракса во водење на отворен дијалог
Бугарското министерството за надворешни работи изразува длабоко разочарување од неконструктивното однесување на Република Северна Македонија, официјално обвинувајќи го Скопје за...
Агенцијата за храна повлекува од пазарот во Македонија контаминирана формула за доенчиња: „Ако сте купиле, не ја употребувајте“
Инспекциските служби на Агенција за храна и ветеринарство (АХВ) во текот на вчерашниот ден спроведоа вонредна инспекциска контрола кај оператор...
Мицкоски за утрешниот протест за минимална плата 600 евра: Секој има право да си протестира, во март законски ќе ја зголемиме
Во пресрет на утрешниот протест за минималната плата да се зголеми на 600 евра организиран од Сојузот на синдикати на...
Хотели без дозволи, бесправни објекти на Галичица и недостаток на урбанистички планови: Ревизијата со забелешки за Охрид
Општината нема донесено урбанистички планови за 20 населени места, нема преземено мерки за отстранување на бесправно изградените објекти, особено во...
(Видео) Поплави во Струмичко: реката однесе повеќе од 100 јагниња и овци од штала во Костурино, поплавени и земјоделски површини
Надојдената вода од реката Тркања вчера однесе повеќе 100 јагниња и овци во селото Костурино, на локацијата позната како „Шепово“....
(Видео) Димитријевиќ: Во ВМРО секој функционер или негов роднина има фирма
Антикорупцискиот тим на СДСМ објави повеќе бомби, факти и докази за фирмата „Пирамид билдинг солушнс“, фаворит за тендери во општините...
Левица ќе гласа против новиот состав на Комисијата за заштита од дискриминација, обвинува за партизација
На утрешната пленарна седница, при гласањето за составот на Комисијата за спречување и заштита од дискриминација, пратеничката група на Левица...
(Видео) Камионџиите ја проширија блокадата на граничните премини, заострените шенгенски правила го блокираа товарниот сообраќај на Балканот
Возачите на камиони од Македонија, Србија, Босна и Херцеговина и Црна Гора денес продолжија со блокадите на граничните премини за...
Просечната плата во здравството е 50.327 денари, од март ФЗОМ најави ново покачување
Просечната нето плата во здравството, според податоците на Државниот завод за статистика, во 2025 година изнесува 50.327 денари, просечната плата...
Лани подигнати 22.000 кубни метри отпад од диви депонии, Комунална апелира поскоро да стапи во сила Законот за формирање на комунална полиција
Во текот на 2025 година, екипите на ЈП Комунална хигиена-Скопје подигнале и транспортирале вкупно 21995 кубни метри отпад од стотици...
Америка ѝ нуди на Украина гаранции и оружје, но бара многу болни отстапки кон Русите
Администрацијата на Доналд Трамп ѝ соопшти на Украина дека безбедносните гаранции на САД се условени од тоа Киев да се...
(Видео) Зимската бура ги парализираше САД, стотици илјади без струја, најмалку 30 мртви
Силна зимска бура што ги зафати Соединетите Американски Држави донесе нови снежни врнежи на североисток, додека југот е замрзнат, оставајќи...
Трамп: Иран сака договор
Доналд Трамп рече дека Иран сака да склучи договор, бидејќи американски носач на авиони и придружна борбена група пристигнаа на...
Британскиот премиер оди во Кина: „Нема да бирам меѓу две страни“
Премиерот Сер Кир Стармер изјави дека нема да биде принуден да „избира помеѓу“ својот однос со САД и со Кина,...
Францускиот парламент ја поддржа забраната за социјалните медиуми за лица под 15 години
Националното собрание на Франција во понеделник го поддржа законот со кој се забранува користењето на социјалните медиуми од страна на...
Црна Гора го затвори 13-то поглавје од преговорите со ЕУ
Црна Гора го затвори преговарачкото поглавје 32 – Финансиски надзор вчера, на Меѓувладината конференција меѓу Црна Гора и Европската Унија...
Дрога чувана под шанк во кафеана: четири лица под истрага за илегална препродажба на марихуана и хашиш во Валандовско
Основното јавно обвинителство Гевгелија донесе Наредба за спроведување истражна постапка против осомничен кој во временскиот период од октомври 2025 година...
Во „Пулс“ влегол со билет за кој не добил фискална, никој не му побарал лична карта, а од стампедото го спасил обезбедувачот Столе, сведочеше Иван Данаилов
Дваесетипетгодишниот Иван Данаилов, гостин во „Пулс“ вечерта кога се случи пожарот, на денешното судење сведочеше дека во клубот влегол со...
МВР ги објави казните за „Безбеден град“: што ќе се санкционира и колку ќе плаќаат возачите кои ќе направат прекршок
Во насока на зголемување на безбедноста во сообраќајот и доследна примена на законите, Министерството за внатрешни работи ги информира граѓаните...
Николоски предлага три решенија за проблемот со шенгенските правила за превозниците
Вицепремиерот и министер за транспорт Александар Николоски на граничниот премин Блаце им даде поддршка на домашните транспортери, кои од денеска...
