Македонија
Меџити свесен дека нема возила за брза помош, побара поддршка од медиумите: Повикувам и вие да помогнете во тој правец

Министерот за здравство, Фатмир Меџити, рече дека е свесен дека има државни здравствени установи со едно или без ниту едно возило за брза помош, а кои опслужуваат илјадници граѓани. Рече дека барал пари пред две недели, но посочи дека тој наследил буџет со кој не се согласува. Посочи дека имал состанок со министерот за финансии и премиерот за да се најде решение.
Прашан кое е решението бидејќи нема возила за брза помош, тој рече: „Тоа е вистина, јас ве повикувам на секој настан, секогаш се обраќам кон вас, и вие да помогнете во тој правец. Јас сум министер речиси два месеца, овие проблеми биле и претходно. Затоа ве повикувам секојпат, многу сум отворен и транспарентен, дајте да ги решиме проблемите. Дали има проблеми? Има милион проблеми. Затоа сум тука, со екипата, вие заедно и целото население. Сите знаат дека има милион проблеми во здравството. Дајте еднаш засекогаш да почнеме еден по еден да ги решиме“, рече Меџити.
За време на продолжениот викенд возило за брзата помош од кумановската болница се судри среде Скопје и се преврте. Од вкупно три возила, две се на поправка и едно е превртено, болницата остана без возила за итен транспорт и позајмува од друг здравствен дом. Ова одново го отвори прашањето за набавка на возила за транспорт на пациенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Приведен прилепчанецот кој пукаше од балкон, се трага по уште едно лице

Приведен е 51-годишен прилепчанец од селото Црнилиште Општина Долнени поради пукање, а врз основа на видео споделено на „Фејсбук“.
Од МВР информираа дека во домот на 51-годишниот Џ.Ќ. во селото Црнилиште, прилепко, најдени се полуавтоматска ловна пушка, репетирачки карабин и полуавтоматски пиштол кои ги поседувал со дозвола, како и 395 куршуми различен калибар, 17 парчиња ловен патрон и еден ресивер поврзан на видеонадзор инсталиран во домот.
„Пронајдените предмети се одземени поради сомнение за предвизвикување општа опасност“, велат од МВР.
Со оглед на тоа што оружјето го поседувал со дозвола, привремено е одземено по што ќе следи постапка за одземање на дозволата.
Тој е приведен, а се преземаат мерки за пронаоѓање на неговиот син.
Македонија
Студено време со врнежи од дожд, а на повисоките места снег

Времето денес е претежно облачно и студено со врнежи од дожд, а на повисоките места од дожд и снег. На планините врнежите ќе бидат од снег. Ќе дува умерен до засилен северен ветер (наместа над 70 km/h).
Дневната температура ќе биде во интервал од 5 до 13 степени.
Во Скопје, облачно и студено со врнежи од дожд.
Попладне и во вечерните часови на повисоките делови од котлината врнежите ќе бидат од дожд и снег. Ќе дува умерен до засилен северен ветер. Дневната температура ќе достигне до 9 степени, јавува УХМР.
Македонија
Ледено невреме доаѓа кон Македонија: се очекува силен ветер, дожд, снег и минусни температури

Денешниот ден донесе вистинска пролет во Македонија и сончево време во најголемиот дел од земјата, но во наредните часови следува бурна промена на времето.
Моќен циклон во овој момент носи обилен снег и силен ветер во источна и североисточна Европа.
Снегот и бурните ветрови како дел од студениот фронт стигнаа до северот на Романија и Словачка.
Во исто време, во Македонија се уште е топло, температурата во Скопје е 14 степени, а за само неколку часа студениот фронт ќе ја намали температурата за повеќе од 10 степени за многу краток временски интервал.
Според информациите од Управата за хидрометеоролошки работи (УХМР) ќе има продор на студена воздушна маса од север, кој ќе предизвика значителна промена на времето.
Ќе преовладува претежно облачно време со врнежи од дожд, а на повисоките места од дожд и снег.
На планините врнежите ќе бидат од снег и ќе се формира снежна покривка од 10 до 15 сантиметри.
Ќе дува засилен северен ветер со брзина од над 70 километри на час и температурите значително ќе опаднат.
Во понеделник со засилен северен ветер наместа повремено ќе провејува слаб снег.
Потоа времето ќе биде стабилно и ветровито со утринските температури кои насекаде ќе бидат негативни и ќе се спуштат до минус 7 степени.
Кон крајот на следната недела се очекува постепен пораст на температурите.