Свет
Озлогласениот италијански мафијаш Пасквале Бонавота уапсен во катедрала
Еден од босовите на италијанската мафија, Пасквал Бонавота, е уапсен во катедралата во Џенова на северот на Италија, јавува Би-би-си.
Полицијата соопшти дека Бонавота (49) ја предводи озлогласената мафија Ндрангета и бил баран од 2018 година кога полицијата издала налог за апсење за убиство и организиран криминал.
Ндрангета е најмоќното италијанско мафијашко семејство, кое сега контролира околу 80 отсто од трговијата со кокаин во Европа.
Се заснова на семејни кланови, кои традиционално ги контролираат планинските села во Калабрија.
Бонавота, опишан од „Ла Стампа“ како „бебе бос“, во моментот на апсењето бил во градската катедрала и носел лажни документи.
Тој е еден од обвинетите во актуелното макси судење, во кое повеќе од 300 лица се соочуваат со обвиненија поврзани со организиран криминал.
Бонавота е опишан како лидер што ги донел најважните одлуки заедно со другите шефови на Ндрангета и се грижел за интересите на групата во регионот на Рим, секторите за коцкање и трговијата со дрога, пренесува АФП.
Неговото апсење доаѓа три месеци откако полицијата го уапси сицилијанскиот мафијашки бос Матео Месина Денаро во јануари по 30 години бегство.
Коза ностра од Сицилија и Камора од Неапол се попознати во светот, но тие се ослабени од акциите на полицијата. Како резултат на тоа, Ндрангета се издигна на нивно место и сега е најмоќната мафијашка група во Италија, со центри во целиот свет, од Јужна Америка до Австралија, и годишни приходи од речиси 60 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Борисов: Во моментов никој не може да формира влада
Лидерот на бугарската партија ГЕРБ и поранешен премиер на таа земја, Бојко Борисов денеска изјави дека ниту една партија во моментов не може да формира стабилна влада.
Тој за новинарите изјави дека актуелната ситуација го попречува напредокот на Бугарија кон влезот во еврозоната, цел за која верува дека може да се постигне доколку има стабилна влада предводена од ГЕРБ, пишува порталот Новините.
Тој ја критикуваше предизборната кампања на одредени партии, велејќи дека политичките партии повеќе се фокусирани на добивање изборна предност отколку на ефективно владеење.
Свет
Во Индонезија уапсени 103 странци осомничени за сајбер криминал и злоупотреба на визи
Индонезиските имиграциски власти уапсија 103 странски државјани за време на рација во вила на островот Бали, вклучувајќи Кинези и Малезијци, осомничени за сајбер криминал и злоупотреба на визи и дозволи за престој, соопштија денеска официјални лица.
Според извештаите, рацијата била извршена во средата во вила во селото Кукух во областа Табанан на островот Бали кога биле уапсени 91 маж и 12 жени.
Запленети се и компјутери и мобилни телефони, соопштија официјални лица, пренесе АП.
Свет
Украина доби 1,9 милијарди евра од ЕУ
Украина доби 1,9 милијарди евра безусловна финансиска помош од ЕУ, што придонесува за одржување на макроекономската стабилност и финансирање на приоритетните буџетски потреби, соопшти украинското Министерство за финансии.
„Државниот буџет на Украина доби транша од безусловно финансирање во износ од 1,9 милијарди евра од Европската унија. Средствата беа обезбедени од финансиски инструменти на ЕУ од фондот за Украина“, се наведува во извештајот, а пренесува украинскиот медиум УНН.
Беше најавено и дека Украина ќе ги добива следните транши на квартална основа, под услов да се исполнат индикаторите дефинирани во планот за Украина.