Топ
Тешка сообраќајка на патот кон Штип, загина 25-годишно момче
25-годишник од Карбинци загина синоќа во сообраќајна несреќа на регионалниот пат Штип-Плачковица.
Според портпаролката на СВР Штип, Гордана Панајотова несреќата се случила синоќа околу 21.00 часот помеѓу штипските села Таринци и Нов Караорман.
Сообраќајната несреќа се случила помеѓу автомобил „Ауди А5“ со штипски регистарски таблици управувано од 25-годишниот К.Т. од село Карбинци и патничко возило „Хјундаи Аксент” со штипски регистарски таблици управувано од 43-годишниот Д.М. од Стар Караорман.
Во несреќата, според информациите на надлежните, на самото место починал К.Т. , а смрт констатирал лекар од Итната медицинска помош, додека Д.М. се здобил со телесни повреди констатирани во Клиничката болница – Штип.
Увид на местото на несреќата извршиле увидна екипа на СВР – Штип и јавен обвинител.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Болјер усмрти тинејџер, загина 14-годишно дете во Маврови Анови
Трагичен настан со смртни последици се случил вчера во Маврови анови, информираат од полицијата.
„На 27.06.2024 во 18.00 часот во Полициско одделение Маврово Д.Ѓ. (55) пријавила дека нејзиниот малолетен син се здобил со повреди и починал откако врз него паднал бојлер во куќата во нас. Маврови Анови.
Македонија
Невремето поплави градинка во Крива Паланка
Градинка во Крива Паланка беше поплавена при временските непогоди во последните две деноноќија.
Како што соопшти Центарот за управување со кризи, противпожарната бригада вршела испумпување вода од простории на детската градинка во градот. Биле поплавени и подрумски простории во Крива Паланка, каде водата сама се повлекла. Имало отсечен пат во селото Станци, и се работи на расчистување.
ЦУК објави дека во изминатото деноноќие, до нив стигнале рекордни 2.778 повици од целата држава, најмногу заради невремето.
Граѓаните пријавувале штети и во Скопско, Кумановско, Велешко, Кавадаречко, источниот дел на Пелагонија и делови од Мариово и во други делови од државата.
Невремето предизвика паднати и навалени дрвја, скинати проводници, навалени бандери, проблеми со електрични, интернет и телефонски кабли, поплавени куќи, подрумски простории и гаражи, оштетени покриви, скршени стакла и откачени лимови и олуци од куќи и згради, за оштетени патнички моторни возила, паднати огради, блокирани улици.
Синоќа имаше пријава и за камион кој заглавил со предните две тркала кај ресторан „Јавор“, месност „Камен Дол“, на патот помеѓу Росоман и Прилеп. Интерввенираше противпожарната бригада во Кавадарци и камионот беше извлечен.
Граѓаните се уште треба да бидат внимателни заради можно невреме. Од УХМР известија дека денес во Скопје времето ќе биде променливо облачно со повремен пороен дожд и грмежи. Инаку, за време на викендот и во понеделник времето ќе биде стабилно и потопло, а повторно дестабилизирање се очекува од вторник.
Македонија
Грција пред Европскиот совет ги обвини Мицкоски и Сиљановска дека го кршат договорот од Преспа
Грчкиот премиер, Кирјакос Мицотакис, за време на вчерашниот Европски совет ги информирал неговите колеги за прекршување на Преспанскиот договор од страна на претседателката, Гордана Сиљановска Давкова и премиерот Христијан Мицкоски.
Мицотакис рече дека двајцата во пракса го игнорираат договорот и избираат да користат друго име, а не уставното за внатрешна употреба.
Тој се закани дека ако Скопје продолжи со тоа, ќе го направи исклучително тежок, ако не и во пракса да го поништи, секој процес на брза конвергенција со европското семејство.
Досега сите официјални документи, меѓу кои и заклетвата на Сиљановска Давкова беа потпишани со користење на името Северна Македонија. Двјацата во повеќе наврати истакнаа дека ќе го користат уставното име безразлика дали се сложуваат или не, но сметаат дека лично право е како ќе ја именуваат државата во своите изјави, и од тука, македонските власти не гледаат пркршување на договорот кога станува збор за употребата на уставното име.
Од друга страна, Грција се уште ги нема ратификувано меморандумите кои се дел од нивните обврски од Преспаснкиот договор, а секогаш кога ќе се спомене таа тема инсистира дека ќе ги ратификува тогаш кога ќе дојде време. Ставот на актуелната грчка Влада е дека нератификуваните меморандуми се дополнително преговарачко оружје за Грција. Се работи за меморандумот за забрзување на процесот на интеграција на Северна Македонија во ЕУ; Меморандумот за формирање на Координативен комитет за економска соработка и Техничката спогодба за надгледување на FIR Скопје. Истовремено, на грчките патишта не е променета ниту една табла на која пишува Скопје, со името Република Северна Македонија.
Грчката опозициска партија СИРИЗА ја искритикува владата во Грција дека сите овие години избегнува какво било активно вклучување во Договорот за да ги одржи внатрепартиските рамнотежи.