Европа
Скандал ја тресе поранешната премиерка на Велика Британија, добила сметка за исчезнати бањарки од државната резиденција
Сметка од 12.000 фунти за користење на вила во Кент, наменета за летното уживање на членовите на Владата и потомците на кралот Џорџ Шести стигнала до поранешната британска премиерка и поранешна министерка за надворешни работи Лиз Трас.
Таа, според британските медиуми, го оспорува долгот и сака да го намали.
На адреса на Трас стасала фактура од кабинетот на премиерот за трошоците за нејзиниот престој на имотот во Кент и некои предмети кои биле пријавени како исчезнати за време на нејзиниот престој, како на пример бањарки.
Таа според написите, оспорува дел од трошоците што ги направила како вработена во владата при вршење на службени задачи.
Имено, според написите, нема проблем со плаќање на дел од трошоците поврзани со престојот на членовите на нејзиното семејство и пријателите.
Но, се очекува таа да ги надополни исчезнатите бањарки, кои според оваа сметка чинат 120 фунти, пишува „Дејли Мејл“.
Поранешната членка на Владата и поранешен премиер ја добила сметката затоа што актуелниот кабинет смета дека за време на престојот на имотот додека била министер за надворешни работи извршувала политички, а не службени должности.
Неименувани извори на кои се повикуваат британските медиуми тврдат дека Лиз Трас го користела имотот за таму да одржува состаноци со своите соработници, кои често се претворале во вечерни забави. Кабинетот се противи, како што велат, на идејата даночните обврзници да плаќаат за она што во суштина значи серија летни забави.
Портпаролката на Трас вели дека таа секогаш ги плаќала трошоците на своите гости во вилата.
На крајот на минатата година британските медиуми објавија дека во вилата биле пронајдени траги од наркотици по забава на која присуствувале политичките сојузници на Лиз Трас. Нејзиниот портпарол го негираше ова.
Некои извори открија дека слични траги биле пронајдени во канцелариите на Даунинг стрит 10 по две забави одржани кога Борис Џонсон бил премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.