Европа
Европскиот суд: Бугарија мора да му плати отштета од 1,6 милиони евра на својот поранешен крал
Европскиот суд за човекови права пресуди дека Софија треба привремено да му плати повеќе од 1,6 милиони евра на поранешниот бугарски крал Симеон Втори и на неговата сестра кои се спречени во комерцијална употреба на шумско земјиште.
Бугарија „на тужителите треба да им плати 1.635.875 евра материјална отштета“, се вели во соопштението на судот кој веќе ја осуди Софија за тој случај во септември 2021 година.
Судот со седиште во Стразбур, каде што тужбата ја поднесоа Симеон Борисов и Марија-Луиза Борисова Хробок, поранешната принцеза, тогаш едногласно одлучи дека Бугарија го прекршила нивното право на заштита на сопственоста и правично судење. Одлуката е донесена поради мораториумот за пренос и комерцијална употреба на вратениот имот, кој се однесува на шумско земјиште, кој беше воведен во 2009 година и се уште е во сила, велат од судот.
Целиот имот на круната преминал во рацете на државата во 1947 година, кога комунистите ја прогласиле Бугарија за република. Но, во 1998 година беше оценето дека овој пренос е против правото на сопственост, па поранешниот крал и неговата сестра побараа враќање на имотот.
Ова беше направено за повеќето имоти, но во тоа време беше воведен мораториум. Во својата прва одлука, судот го остави прашањето за праведен надомест во очекување на договор меѓу двајцата тужители и бугарската држава.
Но, речиси две години по првата одлука донесена во 2021 година, постапката се уште е во тек пред бугарските судови, а судот повторно пресуди во корист на поранешниот крал и неговата сестра и ја потврди нивната проценка за загубата со тоа што им додели „привремено“ повеќе од 1,6 милиони евра до завршување на постапката во Бугарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.