Спорт
Заработува повеќе од Халанд, а сезонава во Примера одигра само 133 минути
Француски „Лекип“ ја објави листата на најплатените фудбалери во Европа. Листата ја предводи ѕвезденото трио ПСЖ: Килијан Мбапе, Нејмар и Лионел Меси, а на високото четврто место е Еден Азар од Реал.
Реа во 2019 година го урна клупскиот рекорд, кога за Азар на Члеси му плати 115 милиони евра. За четири години, Азар успеа да одигра само 75 натпревари, на кои постигна само седум гола. Поради овие бројки за многумина Азар е најлошото засилување во историјата на Реал.
Азар, оваа сезона одигра само 133 минути во Примера. Неговата плата изнесува 27 милиони евра по сезона, што е многу помалку од Меси (40,5), Нејмар (44,1) и Мбапе (72), но и повеќе од попродуктивните и многу попрофитабилни играчи на списокот зад него.
Ерлинг Халанд е на 10. место на листата со годишна плата од 22 милиони евра. Се уште нема одиграно цела сезона, а претходниот дел го искористи за да постигне 51 гол на 44 одиграни натпревари.
Најплатените фудбалери во Европа:
1. Килијан Мбапе (ПСЖ) 72 милиони евра
2. Нејмар (ПСЖ) 44,1
3. Лионел Меси (ПСЖ) 40,5
4. Еден Азар (Реал Мадрид) 27
5. Роберт Левандовски (Барселона) 26
6. Садио Мане (Баерн) 24
7. Кевин Де Брујне (Манчестер Сити) 23,4
8. Серхио Бускетс (Барселона) 23
9. Давид Алаба (Реал Мадрид) 22,6
10. Ерлинг Халанд (Манчестер Сити) 22
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.