Регион
Ердоган го обвини Западот за поддршка на тероризмот
Турскиот претседател Реџеп Тајип Ердоган, откако потврди дека ги повлекува 1.500-те тужби за негово навредување, објаснувајќи го како желба за помирување со своите политички противници по неуспешниот обид за воен удар од 15-ти јули, во вторникот го испорача досега најостриот напад на сојузниците од Западот, обвинувајќи ги западните земји дека го поддржуваат тероризмот и пучистите кои не успеаја да го соборат.
„За жал, Западот го поддржува тероризмот и се става на страната на пучистите“, рече турскиот претседател Реџеп Тајип Ердоган во говорот во Анкара, одговарајќи на критиките, во прв ред од САД и Европската унија, поради обемот на чистките по неуспешниот пуч.
Малку претходно во вторникот вечерта, премиерот Бинали Јилдрим за телевизијата CNNTurk изјави дека по пропаднатиот државен удар во земјата 58.611 човек е суспендиран од работното место, додека откази добиле се отстранет од работното место, а откази добиле 3.499 луѓе.
„Оние коишто ги сметавме за пријатели, застануваат на страната на пучистите и на терористите“, повтори Ердоган пред присутните на економскиот форум во претседателската резиденција.
Турскиот претседател тврди дека сценариото за пучот „е напишано во странство“. Анкара од поодамна го обвинува имамот Фетулах Ѓулен, кој од 1999 година живее во доброволен егзил во САД, дека во Турција создава „паралелна држава“ и сега дека стои зад неуспешниот удар.
Токму затоа најмногу на удар се лицата кои се негови следбеници или работата во мрежата институции поврзани со него. Турција, исто така, бара негово предавање од страна на САД иако Ѓулен неколкупати повтори дека е против воена интервенција и отфрла вмешаност во пучот, а Вашингтон од Турција бара „релевантни докази“ против него.
Претседателот Ердоган ја нападна и Европската унија, за којашто оцени дека не ги исполнила своите ветувања во однос на трите милијарди евра во рамките на мартовскиот договор за запирање на бегалскиот бран и за безвизниот режим за Турците.
„На поле на визите не се случува ништо. Кога за тоа се зборува гласно, на тие господа (од ЕУ) им е непријатно. Простете, но оваа земја не е роб“, истакна Ердоган, пренесе AFP.
Турскиот претседател притоа ја критикуваше и одлуката на властите во Германија да го забранат неговото обраќање преку видео врска до неговите приврзаници кои под мотото „за поддршка на демократијата, против пучот“ во неделата се собраа во германскиот град Келн, и според процените на полицијата ги имало 40.000.
„Браво! Судовите во Германија се многу брзи“, иронизираше Ердоган.
На крајот ја отфрли критиката од ЕУ поради мерките што се водени по пучот, истакнувајќи дека „вонредната состојба ги почитува европските процедури“.
„Погледајте што стори Франција: три плус три плус шест (месеци), воведе вонредна состојба на една година“, потсети Ердоган.
Сеопфатните чистки, по војската, правосудството, образованието и медиумите, во вторникот се проширија и на здравството и на спортот, сектори кои досега беа поштедени.
„Фудбалската федерација на Турција (TFF) сметаше дека е неопходно да ги прекине соработките со 94 соработници, вклучително и арбитри, нивни помошници, членови на регионалниот судиски комитет, како и контролори“, се наведува во соопштението на организација со кое се опфатени и судии од најсилната лига.
Во вторникот биле издадени и 98 налози за приведување на вработени во големата воена болница во Анкара, меѓу нив и воени лекари кои се сомничат за помагање во инфилтрирањето на приврзаниците на Ѓулен во армијата и при нивното брзо напредување во воената кариера, изјавил за AFP функционер кој сакал да остане анонимен.
Во изјавата за италијанската телевизија, Ердоган ги повика италијанските судии да се „занимаваат со мафијата“ а не со неговиот постар син Билал, против кого во Болоња е подигнато обвинение наводно за перење пари.
„Во тој град ме нарекуваат диктатор и ѝ даваат поддршка на PKK (Работничката партија на Курдистан, забранета во Турција и ставена на листите на терористички организации на САД и на ЕУ – з.р.). Дали тоа е правна држава?“, запраша турскиот претседател.
„Во оваа земја судите се водат според законот и италијанскиот устав, а не според турскиот претседател“, возврати веднаш на Twitter италијанскиот премиер Мате Ренци./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ бои јајца за студентите: „Се восхитувам на храброста што ја покажуваат учениците кои сакаат да учат, им бојам јајца
Претседателот на Србија, Александар Вучиќ, објави видео на својот Инстаграм профил во кое бојадисува јајца за Велигден за да им ги однесе на студентите кои сакаат да учат во Пионирскиот парк.
„Се восхитувам на храброста што ја покажуваат студентите кои сакаат да учат. Затоа им бојам јајца и им ги носам. П.С. Само да знаете, оваа престилка ѝ припаѓа на г-ѓа Јока, а таа е таа важна личност, апсолутно најважната за нас овде“, се вели во описот на видеото.
Регион
Жељазков и Марта Кос: Без Западен Балкан не може да се заврши европскиот проект
Европската иднина на Западен Балкан е гаранција за просперитет и мир и превенција од влијанието на силите кои имаат за цел неединство. Интеграцијата на земјите од регионот не е прашање на суд, туку стратешки избор поврзан со стабилноста и конкурентноста на целиот регион.
Ова го изјави бугарскиот премиер, Росен Жељазков, кој се сретна со Марта Кос, еврокомесарката за проширување на унијата , јави БГНЕС.
„Бугарската позиција е јасна – го поддржуваме европскиот пат на секоја земја од Западен Балкан, водени од принципите на индивидуалниот пристап и постигнатиот напредок“, додаде Жељазков.
Рече дела посветеноста на реформите мора да биде двострана.
„Ни треба искреност, јасност, предвидливост и дијалог. Интеграцијата на Западен Балкан е одговорност од особено значење за Бугарија. Интеграцијата на овие земји ќе ја направи ЕУ посилна и поотпорна“, коментира Жељазков.
Тој и’ се обрати на Кос, велејќи дека нејзиното присуство во Софија е израз на доверба дека заедно ќе дадат нов поттик за иднината и просперитетот на нивните земји.
„Без интеграција на Западен Балкан не може да се заврши европскиот проект“, додаде Жељазков.
Комесарката Кос, исто така, истакна дека европската интеграција пред се ќе доведе до стабилност и безбедност во регионот на Западен Балкан.
„Мора да го надминеме заморот. Вреди да се инвестира во реформи за ЕУ. За да бидеме успешни, потребен ни е став кој ја надминува болката од минатото. За ова ќе биде потребно лидерство“, повика Марта Кос.
Според неа, пристапот на соседните земји на Бугарија во Европската унија ќе обезбеди многу придобивки за трговијата, бизнисот и поврзувањето.
Во изјавата за „Дондуков 1“, Марта Кос објави дека таа и премиерот Жељазков разговарале за планот на Европската унија за нова стратегија за Црното Море, која Европската комисија ќе ја претстави наскоро.
„Црноморскиот регион е исклучително важен за нашата безбедност, за трговијата, за енергетските врски и како мост кон Турција, Грузија, Ерменија и Азербејџан“, истакна Кос во заедничката изјава со бугарскиот премиер.
„Бугарија е во срцето на овие размислувања и важно е таа активно да учествува во подготовката на оваа нова стратегија“, рече Кос.
Марта Кос го истакна и значењето на пристапот на Бугарија во еврозоната.
Регион
Револт во Германија поради новите правила за работниците од Западен Балкан, меѓу кои и македонските
Идната Демохристијанско-социјалдемократската влада планира да инвестира 500 милијарди евра во наредните години во реконструкција на дотраената инфраструктура: железници, патишта и мостови. Во исто време, има намера да се фокусира на уште еден итен проблем, а тоа е недостатокот на станови во Германија, пишува Дојче веле.
Но, за тие планови, покрај пари, ќе бидат потребни и многу работници, квалификувани и неквалификувани. Токму во овој сектор Правилото за Западен Балкан, воведено во 2016 година, ги покрива потребите на германскиот пазар на труд во последните години бидејќи, за разлика од другите програми за имиграција на работна сила, Правилото за Западен Балкан не ја условува квалификацијата, туку само договорот за вработување на германскиот работодавач. Ова и овозможи на градежната индустрија особено да вработува неквалификувани работници кои исто така се дефицитарни на германскиот пазар на труд.
Погрешна и штетна одлука
Минатата година, социјалдемократско-зелено-либералната влада, во екот на имиграциската либерализација, ја зголеми годишната квота како дел од правилото за Западен Балкан од 25 на 50 илјади работни дозволи годишно. Но, во својот коалициски договор, идната влада минатата недела повторно ја намали таа квота на 25.000 годишно.
Сега многу работодавци се прашуваат која е причината за ова намалување.
„Правилото за Западен Балкан се покажа како испробан инструмент за регрутирање работна сила без прекумерна бирократија, што инаку е реткост во секторот за миграција“, изјави за „Штутгартер цајтунг“ заменик-директорот на Германската индустриска и трговска комора, Ахим Деркс. Затоа одлуката на идната влада повторно да ја преполови квотата за Западен Балкан, според него, оди во погрешна насока.
Тим-Оливер Милер, директор на Централната асоцијација на германската градежна индустрија, дели слично мислење. Тој за „Штутгартер цајтунг“ изјави и дека намалувањето на годишната квота особено влијае на градежната индустрија.
„Значаен дел од странските работници на германските градилишта доаѓаат од некои од земјите на поранешна Југославија… сегашната одлука за намалување на овој контингент е изненадувачка и штетна за индустријата. Особено ако се земат предвид планираните инфраструктурни проекти кои ќе ја зголемат побарувачката за работна сила“, вели Милер.
Зошто да се намалат квотите?
Намалувањето на квотата нема да влијае само на големите инфраструктурни проекти, туку и на станбената изградба, смета Аксел Гедашко, директор на чадор-асоцијацијата за изградба на станови (ГдВ).
„Ако протокот на работници од Западен Балкан се преполови, тоа би можело да го влоши недостигот на работна сила на градилиштата“, смета Гедашко.
Ниту Јан Даненбринг од Централното здружение на германски занаетчии (ЗДХ) не ја разбира причината за намалувањето на контингентот.
„Федералната влада неодамна ја удвои оваа квота и сега ја враќа назад иако околностите во споредба со минатата година не се променети“, вели Даненбринг, исто така за „Штутгартер цајтунг“ и заклучува: Ако сакаме да промениме нешто во секторот за домување, ќе ни треба секој човек.
Негативни коментари и недоволно разбирање за одлуката на идната влада за правилата за работниците од Западен Балкан доаѓаат и од редот на експертите за пазарот на трудот. Херберт Брикер од Институтот за истражување на пазарот на труд (ИАБ) смета дека потегот на владата испраќа погрешен сигнал. Тој посочува дека вработувањето на Западен Балкан досега се покажало како успешен механизам.
„Од 95 до 98 отсто од оние кои пристигнале во Германија како дел од ова правило се вработени една година по нивното пристигнување во Германија и редовно ги плаќаат своите придонеси“, заклучува Брикер.
Три лица загинаа, а осум се повредени во сообраќајната несреќа на патниот правец Кичево-Гостивар
Три лица загинаа, а осум се повредени во сообраќајната несреќа што вчера вечерта се случи на патниот правец Кичево-Гостивар. Од...
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани
Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Одземени возила: биле користени во „диви“ трки во Куманово
На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Синдикатот на културата разочаран од Љутков: вработените останаа без плата за најголемиот христијански празник
Секој март од 2021 па наваму, кога се коригира минималната плата и кога платите во културата треба да се усогласат...
Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката
Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
Се задушил од запалена плинска боца: пронајден починат маж во Кавадарци
Центарот за управување со кризи (ЦУК) информира дека пожар во урбана средина бил трагичен за повозрасно лице во Кавадарци. Од...
Историја без Албанци-Новата програма за седмо одделение ги исклучува од учебниците, реагираат од ДУИ
Новата програма на Бирото за развој на образованието при Министерството за образование и наука за предметот „Историја и општество“ за...
(Видео) Автомобил влече врзан коњ низ Скопје: полицијата го идентификуваше возачот
МВР го идентификуваше возачот на автомобилот кој влечеше врзан коњ во Скопје по вчерашното видео на кое реагираа граѓаните. Во...
Владата озаконува паушални фактури за струја, граѓаните не смеат да бидат жртви, апелираат Инженери на Македонија
Инженери на Република Македонија (ИРМ), денеска упати апел до пратениците и Министерството за енергетика за да ги отстранат како што...
Маркетите од денеска со нова обврска: ќе треба јавно да ги објават цените на производите
Трговците се должни од денеска да ги објавуваат продажните цени на производите на нивните официјални веб страници. Министерството за економија...
Трамп ѝ се закани на Кина со царини до 245 проценти; Кина: Бесмислена игра со броеви, одиме до крај
Кина ги отфрли најновите најави за зголемување на американските царини, нарекувајќи ги заканите на администрацијата на Доналд Трамп „бесмислена игра...
Иран: „Целиот наш воен потенцијал е подготвен“
Техеран е подготвен да се одбрани од какво било мешање и закани, а целиот воен потенцијал е подготвен да ја...
Америка: Имаме нов план за мир, им го презентиравме на Русија, Украина и Европа
Соединетите Американски Држави им презентираа на Украина, Русија и Европа „рамка за траен и одржлив мир“, изјави портпаролката на американскиот...
Села му одговори на Таравари: Без доверба и чест нема ниту куќа, ниту врата
Едниот од лидерите на поделената Алијанса за Албанците, Зијадин Села, преку социјалните мрежи му одговори на неговиот поранешен сопартиец, Арбен...
Папазов од притвор оди во куќен притвор – за седуммина осомничени за пожарот во Кочани мерката е заменета
Поранешниот градоначлник на Кочани, Љупчо Папазов, кој си поднесе оставка од функцијата по трагедијата во дискотеката „Пулс“, оди во куќен...
Револт во Германија поради новите правила за работниците од Западен Балкан, меѓу кои и македонските
Идната Демохристијанско-социјалдемократската влада планира да инвестира 500 милијарди евра во наредните години во реконструкција на дотраената инфраструктура: железници, патишта и...
Почина уште еден повреден во пожарот во Кочани, кој се лекуваше во Белград
Министерството за здравство информира дека во согласност со информациите од Воено медицинската академија во Белград, денеска претпладне, за жал, на...
Осомничениот полицаец за пожарот во Кочани по кој се трагаше сам се пријавил во Обвинителството
Полицаецот по кој се трагаше утрово сам се пријавил во Обвинителството. Тој е меѓу 10-те полициски службеници, кои од завчера...
ЗНАМ: Некој што соработува со ДУИ не треба да биде дел од Владата
За Движењето ЗНАМ за наша Македонија е неприфатлива соработка со нереформираната ДУИ и со лица од СДСМ кои учествувале или...
(Видео) Кузеска 30 дена по трагедијата во Кочани: Зошто се штитат актуелните полициски функционери, министре Тошковски, нели имате малку совест?
„Поминаа триесет дена од трагедијата во Кочани, во која го загубија животот 61 лице, а уште 200 беа тешко повредени....
