Свет
Русија го стопираше договорот за жито: „Тоа ќе влијае на оние кои се на работ на гладување“

Русија го стопираше договорот за жито, чија цел беше да се спречи глобалната криза со глад, соопшти украинското Министерство за обнова. Генералниот секретар на ОН Антонио Гутереш претходно ја истакна важноста на Црноморскиот договор, кој беше наменет за „најранливите луѓе на работ на гладување“.
Украина, еден од најголемите светски извозници на жито и сончогледово масло, постигна договор со Русија во јули за слободен премин на товар со земјоделски производи од блокираните пристаништа.
„Големите извозни пристаништа како Мариупол или Херсон се окупирани“
Во саботата Русија објави дека се повлекува од договорот поради нападот на украинската армија врз нејзините бродови на Крим, каде што е укотвена руската морнарица. Ихор Корхови, заменик-министер за регионален развој на Украина, рече дека неколку украински пристаништа веќе биле оневозможени за извоз на жито дури и пред повлекувањето на Русија од договорот.
„Големите извозни пристаништа како Мариупол или Херсон се окупирани, а пристаништето во Миколаев не работи од безбедносни причини. Така, четири или пет пристаништа се надвор од употреба“, рече Корховиј во интервју за Хина.
„Тие пристаништа беа главен сообраќаен коридор за извоз на жито и челик, така што капацитетот на овие што ги имаме сега е недоволен“, рече Корховиј.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Германскиот канцелар Мерц: Путин мора сериозно да ја сфати понудата за дијалог

Германскиот канцелар Фридрих Мерц изјави дека Русија има „можност да се согласи на прекин на огнот и да ги прекине непријателствата“, по виртуелната средба со украинскиот претседател Володимир Зеленски во среда.
Мерц ги истакна очекувањата на Европа пред потенцијалните мировни преговори.
We stood as one as we conveyed these clear messages to President Trump before he set off for Anchorage. I remain in contact with him. President Trump can now accomplish an important step towards peace. 5/6
— Bundeskanzler Friedrich Merz (@bundeskanzler) August 15, 2025
„Очекуваме претседателот Путин сериозно да ја сфати понудата за дијалог на претседателот Трамп и, по средбата во Алјаска, да започне безусловни преговори со Украина“, рече тој.
фото: принтскрин
Свет
Поранешен шеф на МИ6: Ако има денеска мировен договор, тоа е многу лоша вест за Украина

Поранешниот шеф на британската разузнавачка служба МИ6, сер Џон Соерс, предупреди дека мировниот договор постигнат денес на Алјаска, веројатно, би претставувал лоша вест за Украина, пишува „Скај њуз“.
Во разговорот тој го разјасни својот став. „Не очекувам од овој состанок да произлезе јасен мировен план. Ако го има, тоа е многу лоша вест за Украина бидејќи ако Путин успее да го заклучи претседателот Трамп во позиција што е блиска до рускиот концепт за завршување на војната, Украина во суштина би можела да биде потчинета на контролата на Кремљ“, рече тој.
Соерс верува дека луѓето со право се скептични кон рускиот претседател Владимир Путин, но истакнува дека денешната средба на Алјаска сè уште нуди одредена можност.
„Секој обид за завршување на војната мислам дека е добредојден и тука има можност. Колку и да сум скептичен кон Путин, постои можност да се почне процес што би можел да доведе до крај на овој конфликт“, заклучи поранешниот шеф на МИ6.
Свет
(Видео) Лавров пристигна на Алјаска облечен во џемпер со натпис „СССР“

Рускиот министер за надворешни работи Сергеј Лавров изјави дека Москва ќе му претстави јасна и разбирлива позиција на американскиот претседател Доналд Трамп на неговиот самит со рускиот претседател, Владимир Путин.
Тој кусо разговараше со новинарите во четвртокот по пристигнувањето во хотел во Анкориџ, облечен во џемпер со натпис „CCCP“.
Lavrov has arrived for the meeting in a shirt that says СССР (USSR). https://t.co/D5yrC2MFhD pic.twitter.com/h5HYuvTrob
— Anton Gerashchenko (@Gerashchenko_en) August 15, 2025
Лавров истакна дека многу е постигнато за време на неодамнешната посета на американскиот специјален претставник Стив Виткоф на Москва и дека Кремљ се надева оти ќе го продолжи корисниот разговор на самитот в петок.
„Никогаш не правиме планови однапред. Знаеме дека имаме аргументи, јасна и разбирлива позиција. Ќе го презентираме тоа“, рече Лавров.
„Многу е веќе постигнато за време на посетата на американскиот специјален претставник Виткоф… Се надевам дека утре ќе го продолжиме овој корисен разговор“.