Скопје
Уште еден ученик од Центар спремил список како на српскиот убиец, па кажал дека е шега – случајот стигна до МВР

Уште еден ученик од центарско основно училиште правел список со ученици, а на кој имало и наставник, што предизвикало загриженост кај родителите, дознава „Макфакс“. Случајот бил во основното „св. Кирил и Методиј“, а за случајот е известена и полицијата. Градоначалникот на Центар, Горан Герасимовски за „Макфакс“ посочува дека на разговорите кои психолог и директор ги имале со ученикот – тој кажал дека списокот го направил на шега.
„Од целата ситуација почнаа да прават детска игра. Пријавено е во МВР. Повикан е родителот. Седел во училиштето и правел список, како што го нашле во Белград – список со наставник и дечиња ставени. Повикан е родителот, сослушан е од психолог и директорката. Кажал дека е шега, преземена од таму. Сето ова го сфаќаат како игра, а не треба така. Од наша страна направено е се, имав состанок со директорките од осите осум училишта. Дадов насока да се свикаат состаноци со сите училишни тела – совет на родители, училиштен одбор, родителски средби. За да се разговара и со родителите, за и ние да обрнеме време и грижа за децата“, вели Герасимовски за „Макфакс“.
И во текот на вчерашниот ден, кога ученик од основото „Кочо Рацин“ подготвил список на ученици со закана дека ќе ги повреди, Герасимовски посочува дека интервенирал.
„Дадени се насоки да се отпочне со состаноците, дополнително во делот на булингот планираме обуки, како за наставниците така и за децата. Но и да се зборува за другарство бидеќи децата заборавија што е другарство. Дадена е насока на класен час во понеделник, каде се губи времето кој колку пати бил или не бил или отсуствувал од училиштето да се зборува за овие теми – другарство, дека има деца со различна боја на кожа, етничка припадност и тн. Но и да се разговара дали некое дете трпи булинг преку разговори, бидејќи кога се сите заедно, обично не можат да сокријат ништо“,
Тој додава дека не може да се очекува само училишниот систем и наставниците да водат грижа. Посочува дека тоа го споделил и со директорките на училиштата.
„Сето ова што се случува е од домашна грижа. Почнувајќи од Белград каде некој чувал оружје дома и го вежбал детето да пука со пиштол“, додава Герасимовски.
Градоначалникот посочува дека разговарал со полицискиот командир од „Беко“, министерот Оливер Спасовски и останатите надлежни, за да се зголеми бројот на полицајци. Додаде дека има и обезбедување во сите училишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Гази Баба и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 08:30 до 13:30 часот, корисниците од улица Благоја, улица Маџари, Пекара КИС МИ Стефковски и улица Ордан Поп Јорданов (општина Гази Баба)
– во периодот од 09:00 до 10:00 часот, локалите во трговскиот центар до пазарот (општина Ѓорче Петров)
Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)