Свет
Огромно невреме ја парализира Англија: граѓаните во паника, улиците целосно поплавени
Невреме проследено со град, обилни врнежи и грмежи зафати делови од Англија, а метеоролозите објавија жолт метео-аларм. Предупредувањето важи за Јужна Англија, Источна Англија и за делови од Мидлендс.
Џорџ Дибли, жител на Бесингстоук, Хемпшир, рекол дека дождот бил толку силен што чувствувал како некој да му удира во прозорецот.
„Во еден момент се плашевме бидејќи врнежите од град станаа посилни, да не ги оштети нашите автомобили, но, за среќа, сето тоа траеше неколку минути“, рече тој.
Жителите на Бесингсток велат дека никогаш не виделе град со таква големина. Обилните врнежи донеле поплави во одредени области, а противпожарните и спасувачките екипи на Девон и Сомерсет соопштија дека примиле повици од луѓе заглавени во вода.
Метеорологот Клер Насир изјави дека ризикот од дожд и град ќе продолжи денеска и утре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.