Спорт
(Видео) Лејкерси и Мајами се пласираа во конференциските финалиња

Лос Анџелес Лејкерс на домашен терен го победија Голден Стејт со 122:101 и со 4:2 се пласираа во финалето на плејофот на Западната конференција на НБА, каде прптовници ќе им бидат Денвер Нагетс.
Лејкерси ги предводеше брилијантниот Леброн Џејмс со 30 поени (10-14 од поле) и по девет скока и асистенции. Тоа беше прв пат од петтиот натпревар од големото финале во 2020 година Џејмс да постигне повеќе од 30 поени во плејофот.
Остин Ривс постигна 23 поени, ДиАнџело Расел 19 поени, а Ентони Дејвис имаше 17 поени (5-9 од поле), 20. скока, 3 асистенции и 2 скока.
Под водство на тренерот Стив Кер, ова е првиот пораз на Вориорс во плеј оф серија пред големото финале. Стеф Кари беше најефикасен со 32 поени (11-28 од поле, 6ск, 5аст), а Клеј Томпсон промаши 16 од 19 шута за игра и даде само 8 поени. Двоцифрен беше само Донте ДиВинченцо со 16 поени (6-12 од поле), а Кевон Луни имаше 9 поени и 18 скока.
Во конференциското финале, Лејкерси играат со Нагетс на Никола Јокиќ, кого го победија во 2020 година во Западното финале во „меурот“, во Орландо. Денвер ќе има предност на домашен терен.
Кошаркарите на Мајами го совладаа Њујорк на домашен терен со 96:92 и се пласираа во финалето на плејофот на Источната конференција на НБА.
Никс се бореа до самиот крај, имаа напад на 35 секунди до крајот на -2, но не шутнаа благодарение на одличната одбрана на Кајл Лоури. На другата страна Батлер ги реализираше двата пенали и толку го однесе Мајми во конференциското финале.
Најефикасен беше Џими Батлер со 24 поени (7-22 од поле, 8ск, 4ст), Бем Адебајо имаше 23 (9-20 од игра, 9ск), а Макс Струс 14 поени.
На Никс не им помогна брилијантниот Џејлен Брансон со 41 поен (14-22 од поле, 4ск, 3аст), Џулиус Рендл имаше 15 поени и 11 скока, но промаши 11 од 14 удари од поле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Валенсија ја продолжи серијата без пораз, Севилја падна на „Местаља“

Валенсија продолжи со спектакуларното бегство од опасната зона на табелата во Ла Лига. По поразот од Атлетико Мадрид, Валенсија во следните шест кола, од 2 март досега, освоија 14 бода (четири победи, две нерешени).
Вечерва, во првиот натпревар од 31.коло, Валенсија ја победи Севилја со 1:0 и ја „скокна“ на табелата.
ВАР беше против Севилја, судијата Хозе Санчез досуди пенал, но по сугестијата од ВАР собата ја прегледа снимката и ја поништи својата одлука.
Во третата минута од судиското надополнување, Валенсија успеа да постигне гол преку 20-годишниот Хави Гера.
Во вториот дел имаше прилики на двете страни, но не и вистински реализатор.
Навивачите на Валенсија можат да здивнат, „лилјаците“ се на девет бода од зоната за испаѓање.
Валенсија сега се наоѓа на 11.место со 37 бодови, Севилја по третиот пораз во низа е на 12.позиција со бод помалку.
Спорт
Хапоел Тел Авив го освои Еврокупот

Кошаркарите на Хапоел Тел Авив се шампиони во Еврокупот за сезоната 2024-2525, откако го дбија и вториот натпревар од финалната серија против Гран Канарија. Избраниците на Димитрис Итудис славеа како гости со резултат 103:94.
Хапоел, екипа која од клупата ја предводи Димитрис Итудис го освои првиот трофеј во континенталните натпреварувања. Низ историјата Хапоел пет пати беше шампион на Израел, а уште четири пати го освои националниот куп.
Антонио Блејкни го предводеше Хапоел со 27 поени, 6 скока, 4 асистенции, центарот Џонатан Мотли придонесе за големата победа со 26 поени, 3 скока, 2 асистенции, додека Јам Мадар, запиша 16 поени и 6 асистенции.
Во поразениот тим, центарот Џорџ Кондит имаше 18 поени и 4 скока. Џо Томасон имаше 14 поени, 2 скока, 4 асистенции и украдена топка, а Нико Брусино мечот го заврши со 11 поени, 7 скока и по 3 скока и асистенции.
Хапоел со троимфот во Еврокупот обезбеди место во Евролигата наредната сезона.
Спорт
Сè за плеј-инот и плеј-офот на Евролигата

Со два драматични натпревари заврши регуларниот дел од сезоната во Евролигата. Актуелниот шампион Панатинаикос по едно продолжене ја победи Црвена звезда со 111:104, во регуларниот дел беше 96:96, а Барселона го совлада Виртус со 90:87.
Сезоната 2024/25 е втора по ред во која десет екипи се натпреваруваат за пласман во четвртфиналето, од кои првите шест одат директно меѓу најдобрите осум, а седмиот и осмиот се одредуваат со плеј-ин турнир со четири екипи.
Плеј-ин:
(7) Реал Мадрид – (8) Париз
(9) Баерн Минхен – (10) Црвена звезда
Четвртфинални двојки:
(1) Олимпијакос – Б победник во плеј-офот (поразен Реал – Париз или победник Баерн – Црвена звезда)
(2) Фенербахче – победник од натпреварот Реал – Париз
(3) Панатинаикос – (6) Анадолу Ефес
(4) Монако – (5) Барселона
Шлеј-ин:
15 април / прво коло (Реал-Париз, Баерн-Црвена звезда)
18 април / второ коло (поразен од првиот натпревар и победник од вториот натпревар)
плеј-оф
Првите натпревари од четвртфиналето на плејофот ќе се играат на 22 април, а сериите ќе завршат до 7 мај. Четвртфиналните пресметки се играат до три победи.
Фајнл-фор:
23 мај / полуфинални натпревари
25 мај / трето место и финале