Спорт
(Видео) Лејкерси и Мајами се пласираа во конференциските финалиња

Лос Анџелес Лејкерс на домашен терен го победија Голден Стејт со 122:101 и со 4:2 се пласираа во финалето на плејофот на Западната конференција на НБА, каде прптовници ќе им бидат Денвер Нагетс.
Лејкерси ги предводеше брилијантниот Леброн Џејмс со 30 поени (10-14 од поле) и по девет скока и асистенции. Тоа беше прв пат од петтиот натпревар од големото финале во 2020 година Џејмс да постигне повеќе од 30 поени во плејофот.
Остин Ривс постигна 23 поени, ДиАнџело Расел 19 поени, а Ентони Дејвис имаше 17 поени (5-9 од поле), 20. скока, 3 асистенции и 2 скока.
Под водство на тренерот Стив Кер, ова е првиот пораз на Вориорс во плеј оф серија пред големото финале. Стеф Кари беше најефикасен со 32 поени (11-28 од поле, 6ск, 5аст), а Клеј Томпсон промаши 16 од 19 шута за игра и даде само 8 поени. Двоцифрен беше само Донте ДиВинченцо со 16 поени (6-12 од поле), а Кевон Луни имаше 9 поени и 18 скока.
Во конференциското финале, Лејкерси играат со Нагетс на Никола Јокиќ, кого го победија во 2020 година во Западното финале во „меурот“, во Орландо. Денвер ќе има предност на домашен терен.
Кошаркарите на Мајами го совладаа Њујорк на домашен терен со 96:92 и се пласираа во финалето на плејофот на Источната конференција на НБА.
Никс се бореа до самиот крај, имаа напад на 35 секунди до крајот на -2, но не шутнаа благодарение на одличната одбрана на Кајл Лоури. На другата страна Батлер ги реализираше двата пенали и толку го однесе Мајми во конференциското финале.
Најефикасен беше Џими Батлер со 24 поени (7-22 од поле, 8ск, 4ст), Бем Адебајо имаше 23 (9-20 од игра, 9ск), а Макс Струс 14 поени.
На Никс не им помогна брилијантниот Џејлен Брансон со 41 поен (14-22 од поле, 4ск, 3аст), Џулиус Рендл имаше 15 поени и 11 скока, но промаши 11 од 14 удари од поле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
На повидок пресвртница во фудбалот, Диара го лансира новиот Босман

Организацијата „Правда за играчите“ ја тужи ФИФА, тврдејќи дека правилата за трансфери ги кршат работничките права на играчите и нивната слобода на движење.
Во Холандија е поднесена тужба која би можела да ги промени правилата на играта. Организацијата „Правда за играчите“ ја тужи ФИФА, тврдејќи дека правилата за трансфер ги кршат работничките права на играчите и слободата на движење. Ова е борба што ги надминува границите на спортот, за правото на фудбалерите сами да управуваат со своите кариери.
Преседан веќе беше поставен во 2024 година, кога Европскиот суд на правдата застана на страната на Ласана Диара. Тој еднострано го раскина договорот во 2014 година, а ФИФА го казни и побара обештетување според член 17 од своите правилници.
Овој член предвидува дека играчот кој го раскинува договорот без согласност на својот клуб мора да плати обештетување и ризикува суспензија. Сепак, судот утврди дека правилата ги кршат законите на ЕУ за слобода на движење на работниците и правилата за фер конкуренција.
Токму ставот на овој суд ја отвори вратата за „новиот Босман“. Исто како што познатата пресуда од 1990-тите им даде право на играчите слободно да се движат во други клубови по истекот на нивните договори, овој нов процес го доведува во прашање целиот систем на обештетување и санкции што клубовите и ФИФА им ги наметнуваат на играчите.
Доколку судот потврди дека правилата на ФИФА се спротивни на европското право, играчите би добиле многу поголема слобода на преговори и движење, додека клубовите би изгубиле важен извор на контролата и приходите.
Европа веќе зборува за „нов Босман“, а исходот од овој случај би можел засекогаш да го промени балансот на моќта во фудбалот.
Фото/ Принтскрин
Спорт
Најбрзиот играч во Серија А се пресели во Премиер лигата

Поранешниот играч на Верона, Џексон Чачуа, е нов играч на Вулверхемптон Вондерерс, објави денес англискиот клуб.
Чачуа (23) потпиша петгодишен договор со Вулверхемптон, со можност за продолжување за уште една година, а англискиот клуб не ја прецизираше вредноста на трансферот.
Сепак, добро познатиот инсајдер Фабрицио Романо објави дека станува збор за сума од 12,5 милиони евра.
Камерунскиот десен бек пристигна во Верона во август 2023 година од Шарлроа, а оттогаш одигра вкупно 64 натпревари за италијанскиот клуб.
Во соопштението од Вулверхемптон се наведува дека Чачуа бил најбрзиот играч во Серија А минатата сезона, откако забележал брзина од 36,3 километри на час.
Новиот играч на Вулверхемптон дебитираше за репрезентацијата на Камерун во јуни минатата година, а оттогаш има вкупно 10 настапи за својата земја.
Foto/ EPA
Спорт
Преговорите меѓу Реал и Винисиус се во ќорсокак

Запреа преговорите во Мадрид околу новиот договор на Винисиус Жунир. Според „ЕСПН Бразил“, преговорите меѓу Реал Мадрид и Винисиус Жуниор се во ќорсокак.
Менаџерите на фудбалерот, како што тврди овој извор, веруваат дека финансиските услови што ги нуди клубот не ги исполнуваат очекувањата.
Тековниот договор на Винисиус важи до јуни 2027 година, а неговата годишна плата со бонуси е околу 17 милиони евра.
Менаџерите на бразилскиот крилен напаѓач очекуваа зголемување на 20 милиони, со можност неговата плата, со бунусите да се зголеми на 30 милиони, но понудата на Реал Мадрид не го вклучува тоа.
Запстапниците на Бразилецот веруваат дека предложеното зголемување не е доволно за продолжување на договорот за уште три сезони. Нивната моментална стратегија е да почекаат до крајот на сезоната 2025/26 и да ја проценат улогата што Винисиус ќе ја игра во плановите на тренерот Чаби Алонсо.
Foto/ EPA/Lavandeira