Црна хроника
Истрага против две лица за недозволено поседување оружје и муниција
Основното јавно обвинителство Скопје донесе наредба за спроведување истражна постапка против две лица, осомничени за кривично дело недозволено изработување, држење, посредување и тргување со оружје или распрскувачки материи од член 396 став 2 во врска со став 1 од Кривичниот законик.
На 16 мај, во автомобил „бмв“, со скопски регистарски ознаки, осомничените на возраст од 35 и 34 години, заеднички неовластено држеле поголемо количество оружје и муниција – три пиштоли „црвена застава М57“, со соодветни рамки, и 21 куршум.
Оружјето и муницијата биле пронајдени при претрес на автомобилот на улицата Кичевска во ќеса пред предното совозачко седиште. Надлежниот јавен обвинител до судијата на претходна постапка достави предлог за определување мерка притвор за двајцата осомничени оценувајќи дека во целост се исполнети законските основи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Нападната жена во автобус на Бит-пазар: напаѓачот ѝ го украл златното синџирче
Вчера во 11.50 часот во СВР Скопје, С.З.(35) од Скопје пријавила дека околу 10.00 часот на подрачјето на Бит Пазар, во автобус, едно лице со употреба на физичка сила и го одзело златниот ланец што го носела на себе.
МВР информира дека се преземаат мерки за расчистување на случајот.
Црна хроника
Уапсен маж од Беровско: прегазил полицаец, а на друг му упатувал закани
Денеска полициски службеници од Полициската станица Берово го лишиле од слобода Б.М.(20) од с.Двориште, беровско.
Околу 02.10 часот тој со возило прегазил еден полициски службеник во пределот на ногата и се дал во бегство, а на друг полициски службеник му упатувал закани.
Против Б.М. ќе биде поднесена соодветна пријава, соопшти полицијата.
Црна хроника
Прегазена 80-годишна жена во Прилепско, однесена во болница со тешки повреди
Вчера, во 17.20 часот, во СВР Битола било пријавено дека во с. Тополчани, прилепско, патничко моторно возило „мазда“, со прилепски регистарски ознаки, управувано од Д. Ч. (26) од с. Тополчани, удрило во Р. В. (80) од с. Тополчани.
На Р. В. во Градската болница во Прилеп ѝ биле констатирани тешки телесни повреди.