Свет
Радиоактивен облак ѝ се заканува на Западна Европа, предупредува шефот на рускиот Совет за безбедност
Уништувањето на артилериска муниција со осиромашен ураниум во Украина создаде радиоактивен облак, кој се движи кон Западна Европа, тврди секретарот на рускиот Совет за безбедност, Николај Патрушев.
Обединетото Кралство ѝ достави на Украина ваков тип муниција за тенковите „челинџер“ од британско производство.
Високиот функционер ја откри наводната закана за време на владиниот состанок денеска, на кој ги обвини САД дека манипулираат со своите сојузници за да обезбедат помош на другите нации, што резултира со нанесување штета на примателите на таа помош.
„САД ѝ ‘помогнаа’ на Украина на овој начин, извршија притисок врз своите сателити да ја снабдуваат со муниција со осиромашен ураниум. Нејзиното уништување резултира со радиоактивен облак, кој се движи кон Западна Европа. Зголемувањето на радијацијата беше детектирано и во Полска“, изјави Патрушев.
Во Украина кружат непотврдени извештаи во врска со целта на рускиот напад минатата сабота, при што Москва рече дека уништила складиште за муниција во градот Хмелницки.
Според тврдењата, воениот објект бил користен за складирање гранати со осиромашен ураниум обезбедени од Британија. Се претпоставува дека материјалот можеби се претворил во прашина од силни експлозии во депото.
Набргу по изјавата на Патрушев, со соопштение се јави руското тело за заштита на потрошувачите, Роспотребнадзор, нагласувајќи дека нивото на радијација во Русија останува нормално.
„Ситуацијата со радијација во нашата земја останува стабилна. Не е откриена причина за вишок радијација“, соопшти Роспотребнадзор додавајќи дека врши постојан мониторинг на нивото на радијација во Русија.
Русија претходно предупреди дека употребата на муниција со осиромашен ураниум претставува долгорочна закана за животната средина и за јавното здравје, врз основа на студиите во земји како Србија и Ирак, каде што оружјето претходно се користело. Лондон негира таков ризик.
Иако е слабо радиоактивен, осиромашениот ураниум се смета за здравствен ризик главно бидејќи материјалот е токсичен тежок метал. Честичките од ураниум или ураниум оксид произведени при експлозија може да бидат вдишани од секој што е изложен на нив или да ја контаминираат животната средина.
Полските власти ги негираат тврдењата дека во понеделникот бил детектиран скок во нивото на радијација во источниот град Лублин.
Шпекулациите за експлозијата во Хмелницки беа поттикнати од пријавеното распоредување украински воени патроли, кои наводно собирале примероци во и околу градот. Во близина на градот се наоѓа нуклеарна централа, но извештаите тврдат дека патролите што вообичаено ја следат ситуацијата околу објектот биле забележани далеку од нивните вообичаени рути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел: Ќе ги засилиме нападите врз Иран
Министерот за надворешни работи на Израел, Израел Кац изјави дека земјата ќе го зголеми интензитетот на нападите врз стратешките цели во Иран, вклучително и оние во главниот град Техеран.
Најавата доаѓа по израелскиот ракетен напад врз нуклеарниот реактор во Арак и иранскиот напад врз болницата Сорока во јужен Израел.
„Премиерот и јас дадовме наредба на ИДФ да го зголеми интензитетот на нападите врз стратешките цели во Иран и врз владините цели во Техеран, со цел да се елиминираат заканите за државата Израел и да се поткопа режимот на ајатолахот“, рече Кац на социјалната мрежа „Икс“.
Нападот на болницата предизвика низа реакции во израелската политичка елита, нагласувајќи дека станува збор за цивилен објект. Од друга страна, иранските државни медиуми тврдат дека целта била воена база на израелската армија која се наоѓа во непосредна близина на болницата.
Свет
(Видео) Иран за нападот врз израелската болница: Целта беше воена база
Иранските државни медиуми објавија дека цел на ракетниот напад утринава не била болницата Сорока во Бершева, туку воената инфраструктура на израелската армија во нејзина близина.
Според агенцијата ИРНА, нападот бил насочен кон командно-разузнавачкиот центар на израелската армија (IDF C4i) и воениот разузнавачки камп лоциран во технолошкиот парк Гав-Јам Негев, веднаш до болницата и кампусот на Универзитетот Бен Гурион.
Massive damage to Soroka Medical Center in Beersheba, following the impact of a ballistic missile fired by Iran. pic.twitter.com/8rXhGeuk0z
— OSINTdefender (@sentdefender) June 19, 2025
„Воената инфраструктура беше директна и прецизна мета, а болницата беше само изложена на ударниот бран“, се наведува во извештајот.
Претходно денеска израелското Министерство за надворешни работи соопшти дека болницата Сорока била погодена од иранска балистичка ракета. Болницата се наоѓа во градот Бершева и обезбедува здравствена заштита на припадниците на сите заедници – Евреи, муслимани, христијани и арапски бедуини, објави Министерството.
Израел рече дека ќе продолжи да дејствува за да го заштити сиот свој народ, од сите сфери на животот.
Нападот на болницата е дел од поширокиот ирански ракетен напад на израелска територија, како дел од ескалацијата на конфликтот меѓу двете земји. Според достапните информации, дел од цивилното население во моментот на нападот се наоѓало во реонот на болницата. Во нападот се ранети десетици луѓе.
Свет
Израел нападна ирански нуклеарен реактор
Израелската армија го нападна нуклеарниот реактор во Арак (т.н. тип на тешка вода), западно од Техеран, објавија иранските државни медиуми и неколку телевизиски станици.
Нападот се случи откако претходно истиот ден Израел го повика населението да ја евакуира областа.
Израелската војска потврди дека го гаѓала објектот во Арак, на околу 400 километри западно од иранската престолнина, велејќи дека тоа е дел од напорите да се уништи иранската нуклеарна инфраструктура.
Иранските власти тврдат дека евакуацијата не била завршена во моментот на нападот, пренесува новинската агенција ИСНА. Но, други извори тврдат дека сите цивили успеале да се засолнат пред нападот. Според истите извори, нема опасност од радиоактивно зрачење.
Грција ќе екстрадира македонски државјанин кој се сомничи за убиство на пензионер во Германија
Апелациониот суд во Солун даде „зелено светло“ за екстрадиција во Германија на македонски државјанин обвинет за грабеж, а потоа и...
Владата: Педесетина училишта ќе добијат фотоволтаични системи
Владата соопшти кај 50. училишта во Македонија ќе се постават фотоволтаични системи во текот на летниот период. Ова се случува...
Израел нападна ирански нуклеарен реактор
Израелската армија го нападна нуклеарниот реактор во Арак (т.н. тип на тешка вода), западно од Техеран, објавија иранските државни медиуми...
(Видео) Иран погоди болница во Израел со балистичка ракета
Болницата Сорока во Бершева на југот на Израел утринава соопшти дека зградата била погодена со проектил при ирански ракетен напад...
Трамп одобрил планови за напад на Иран, пишува „Волстрит џурнал“
Американскиот претседател Доналд Трамп одобрил планови за напад врз Иран, но чека да види дали Иран ќе се откаже од...
Инженерите повикаа да престане фактурирањето врз основа на измислена потрошувачка за струја: „Регулаторната ја штити ЕВН“
Здружението Инженери на Македонија повторно се огласи по претставката што ја поднесе на 29 мај кога во сила стапи новиот Закон...
ПРП терапијата за пациентите од пожарот во „Пулс“ е достапна во Кочани, нема да мора да патуваат до Скопје
Десет лица повредени во трагедијата во „Пулс“, за првпат во болницата во Кочани, биле третирани со ПРП терапија (плазма збогатена...
Сообраќајна расправија причина за бодењата со нож во Чаир, повредени тројца меѓу кои и малолетник
Скопското обвинителство победе постапка против 18-годишно момче за инцидентот што се случи синоќа во Чаир. Од тука информираа дека постапка...
Одбраната побара ослободителни пресуди за Кешишев, Манев, Видевски и Ѓорчевски за убиствата на Вања и Панче
Одбраната побара ослободителни пресуди за Влатко Кешишев, Велибор Манев, Боре Видевски и Александар Ѓорчевски за убиствата на Вања и Панче....
(Видео) Нов напад на Израел врз Иран
Израелската армија соопшти дека Техеран повторно е нападнат. Израелските одбранбени сили (ИДФ) објавија дека нивните воздушни сили напаѓаат воени цели...
Преспанци ќе добијат можност сами да предложат како да се уредат 30 локации на кои досега на диво трупаа ѓубре
Купишта ѓубре безмалку на секоја улица и силна смрдеа ги пречекуваат и оние малкумина туристи што ќе одлучат да ја...
Новиот министер за хаосот со паркингот на Клинички: Имаме идеи, сè уште немаме решение
Краткорочно имаме идеи, сè уште немаме решение, но работиме на тоа и веруваме дека за кратко време ќе бидете известени,...
Молк од државата за барањата за отстранување на новиот хотел на Горица, реагира „Фронт 21/42“
Законите не важат во Охридскиот Регион. Прекршувајќи го и Законот за постапување по претставките и предлозите, по претставката со која...
Од денес до петок – пороен дожд, грмежи и засилен ветер
Од денес до петок во попладневните и во вечерните часови ќе биде нестабилно со пороен дожд, грмежи и засилен ветер,...
Шефот на иранската атомска енергија: Нуклеарните централи се во добра состојба и покрај нападите
Иранските државни медиуми денес објавија неколку кратки изјави од страна на службеници задолжени за нуклеарната и за енергетската инфраструктура. Шефот...
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад во Скопје, одговорот е поради...
Евакуирани првите македонски државјани од Израел
Министерството за надворешни работи и надворешна трговија информира дека првата група македонски државјани, кои побараа евакуација од територијата на Израел,...
МОН го зголемува бројот на ученици во средните стручни училишта
МОН го зголемува бројот на упис на ученици во средните стручни училишта. Од речиси 28.000 места во учебната 2025/2026 година...
Филипче за Мицкоски: Слаб говор, лоши пораки
Лидерот на СДСМ, Венко Филипче, оцени дека премиерот Христијан Мицкоски, на 35-годишнината од основањето на ВМРО-ДПМНЕ, имал слаб говор и...
Мицкоски: Сите функционери во нашата партија мора да бидат свесни дека ова што го работиме не е лична игра, туку служба
ВМРО-ДПМНЕ е продолжение на историското ВМРО, основано во 1893 година, кога нашиот народ, иако под туѓи потчинувања и под притисоци,...
