Свет
Полицијата на нозе во нова потрага по Медлин која исчезна пред 16 години – се пребарува брана, се собираат пари
Британската полиција во потрага по исчезнатото девојче Медлин МекКен доби дополнителни 110.000 фунти за нивната макотрпна истрага, а британските медиуми објавија дека тие би можеле да бидат на работ на пробив.
Полицијата претходно побара дополнителни средства во средината на тековната финансиска година за продолжување на истрагата.
„Министрите одобрија барање до 110.000 фунти за продолжување на истрагата. Барањето е разгледано согласно процедурата на специјалниот грант кој се одобрува на годишно ниво“, соопшти портпаролот на МВР.
Во истрагата за исчезнувањето на Медлин МекКен, девојката која исчезна во 2007 година во одморалиштето Праја да Луз во Португалија, се појави нова трага. Полицијата ќе ја пребарува браната Араде и блиската акумулација која се наоѓа на 50 километри од местото на исчезнувањето на девојчето.
Португалското обвинителство го именуваше Кристијан Брукнер (45) како официјално осомничен. Од 2022 година тие се поврзуваат со овој случај. Германската полиција побарала претрес на браната откако открила дека Брукнер ја посетил областа во моментот на исчезнувањето на девојчето.
Брукнер, кој моментално отслужува затворска казна во Германија за силување жена во Португалија во 2005 година, никогаш не бил обвинет за исчезнувањето на Медлин и тврди дека нема никаква врска со тоа. Сепак, германскиот државен обвинител Волтерс го смета за првоосомничен, имајќи предвид дека Брукнер живеел во близина на одморалиштето помеѓу 2000 и 2017 година.
Германските власти беа убедени дека таа е мртва и имаа намера да го обвинат него за нејзиното киднапирање иако телото никогаш не беше пронајдено. Брукнер жестоко негираше каква било вмешаност во киднапирањето.
Медлин исчезна додека спиеше сама со своите помали браќа и сестри близнаци Шон и Амелија. Родителите Кејт и Џери во тој момент биле на вечера во блискиот ресторан со пријателите.
Медлин сега би имала 20 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.