Македонија
(Видео) Трипуновски: Млад кромид и пиперки со пестициди пуштени во промет, граѓаните јадат небезбедна храна
МЗШВ и АХВ свесно пуштиле во промет зеленчук во кој има присуство на пестициди, вели претседателот на Комисијата за земјоделство, шумарство и водостопанство на ВМРО-ДПМНЕ, Цветан Трипуновски.
Тој со нови докази пред македонската јавност.
„Денеска објавувам уште четири извештаи за направена анализа на зеленчук пристигнат и влезен во Македонија. Имено, станува збор за млад кромид и пиперки, кои влегле во Република Македонија и веќе се наоѓаат на некој од пазарите во нашата држава.
Првите два извештаја направени во ДФЛ потврдуваат дека во анализите на млад кромид е детектирано недозволиво присуство на пестициди и овие два извештаја се архивирани со архивски број 10802-295/2 и 10802-296/2 од 22/05/2023 година.
Третиот и четвртиот извештај исто така издаден од ДФЛ се однесуваат на анализа направена на пиперка, во која исто така е откриено недозволиво количество остатоци од пестициди и овие два извештаја во интерес на вистината се со печат на Министерството и архивирани со архивски број 10802-373/2 од 17/05/2023 и 10802-493/2 од 26/05/2023 година“, истакнува Трипуновски.
Документите, како што рече, се јасен доказ дека во промет е пуштен зеленчук, кој е крајно небезбеден и отровен. „И наместо веднаш да се реагира, АХВ праќа паушални соопштенија и се обидува да ја замајува јавноста“, рече тој.
Прашува чиј бил интересот и колку може да биде забегана една влада свесно да пушта граѓаните да јадат небезбедна и отровна храна?
Власта, според него, е најодговорна за тоа што денеска граѓаните јадат штетна храна. И оваа тема, како што рече, не познава ниту верска ниту етничка, а најмалку политичка припадност.
„Оваа тема ги засега сите еднакво, од најмалите до највозрасните. Николовски и Бабовски се главните виновници за овој голем скандал. Им порачувам на АХВ и МЗШВ, наместо да демантираат, веднаш да реагираат, а Бабовски и Николовски да си поднесат неотповикливи оставки од своите позиции. За ова во демократските земји паѓаат цели влади. Воедно, уште еднаш апелирам ЈО да не глуми ненадлежно и веднаш да реагира по допрен глас“, дециден е Трипуновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на пензионери на oпштина Центар: Се надеваме дека соработката со Герасимовски ќе продолжи во иднина
Здружението на пензионери на Општина Центар на средбата со кандидатот за нов мандат, Горан Герасимовски, ја потврди својата поддршка за него во вториот круг од локалните избори. Герасимовски, заблагодарувајќи им се на пензионерите, истакна дека нивната поддршка многу му значи.
„Тоа е генерација која заслужува внимание, почит и помош, а јас како градоначалник, заедно со мојот тим, секогаш сме излегувале во пресрет. Им благодарам што го препознаа сето она што го правиме за нив, преку разни проекти и иницијативи. На средбата разговаравме и за идните планови, како и за можностите за унапредување на квалитетот на нивниот живот“, истакна Герасимовски.

На средбата се разговараше и за новата програма во која се предвидува изградба на дом за стари лица, во кој највозрасните ќе можат да домуваат по субвенционирана цена, извести Герасимовски.
Здружението изрази надеж дека одличната соработка со општина Центар, а особено со градоначалникот Герасимовски ќе продолжи и во иднина.

Пензионерите изразија задоволство од проектот „Сервис за стари лица“, како и од континуираната соработка со општината и нивната вклученост во креирање на политиките на локалната самоуправа, се додава во соопштението од Герасимовски.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.

