Македонија
(Видео) Жестоки кавги и обвинувања во Град Скопје, Арсовска впери прст и обвини: Кој ќе одговара за безобразните лаги?
Скопската градоначалничка Данела Арсовска е загрижена поради критиките упатени на сметка на Градот, кои ги нарече безобразни лаги. Таа ги праша некои од советниците кон кои го впери прстот: „Кој ќе одговара за штетата нанесена на Градот, за угледот кој е оштетен, за безобразните лаги што се изнесуваат во јавноста од некои од луѓето што сакаат само да наштетат, а сепак седат така мистериозно во овие клупи пред нас како советници?“
„Во повеќе наврати во јавност е напоменато дека состојбата во Градот е финансиски добро консолидирана, дека Градот добро функционира, дека јавните претпријатија се оставени во милионски долгови. Првпат во историјата затоа што, нели, нормално, нема поддршка од централната власт, опозицијата, која е позиција во Град Скопје, континуирано напаѓаат и гледаат да си најдат заеднички јазик. Да си имаат заеднички виновник не гледајќи ја сопствената одговорност. Е, сега, почитувани советници, сите што сте тука, никого не амнестирам, но ќе поставам неколку реторички прашања, кои ако некому му се нејасни, ќе ги одговорам. За состојбата во јавните претпријатија, речиси 500 лица имате од оваа коалиција на ВМРО-ДПМНЕ што биле избрани за претставници на управните и надзорните одбори, односно оние што раководат со структурите во овие јавни претпријатија, а кои ги имаат во секој момент финансиските состојби и извештаите на овие јавни претпријатија. Стотици илјадници евра пари на граѓаните се прибираат и им се даваат на овие луѓе, милиони евра се трошат секој месец за тие во овие управни и надзорни одбори да земаат паушали, за вие тука како лица што сте ги избрале директно да не знаете каква е состојбата во јавните претпријатија“, рече Арсовска.
Таа се правдаше дека со јавните претпријатија раководат кадри на ВМРО-ДПМНЕ бидејќи се членови на управни и надзорни одбори.
„Па вие раководите со јавните претпријатија, ваши луѓе се овие во јавните претпријатија, вашите луѓе гласаат во овие јавни претпријатија, вашите луѓе ги блокираат јавните претпријатија да не може да работат функционално, не ги гласаат одлуките што им се неопходни за да продолжат понатаму да ги консолидираат во делот на финансиите сакајќи да прикажете дека некој друг не е способен да води, а всушност вие сте тие што ги блокирате сите процеси“, додаде таа.
Ѝ пречат и тврдењата дека Град Скопје банкротира.
„Имаше едно небулозно излегување во јавност дека Градот е во банкрот. Почитувани наши, а овие другите блокирани општини во Македонија, ниедна од нив не е во банкрот, затоа што некој ги блокирал? Град Скопје нема блокирана сметка. Да не беше хакираниот напад во Министерствово за финансии, сè што ни е тековна обврска ќе ни беше исплатено. Меѓутоа, ние не зборуваме дека во Министерството за финансии не може трезорот да функционира веќе трета недела, ќе зборуваме за Градот дека бил банкротиран. Прво, тоа е економски неписмено. Основна терминологија. Второ, сеете страв и неизвесност кај секој што треба да работи и да соработува со овој наш Град, кој сакате да кажете дека многу го сакате, меѓутоа таа љубов не може никој од граѓаните да ја види затоа што ниедна од одлуките тука не ги гласате“, додаде таа.
Арсовска и советниците на седницата на Град Скопје влегоа во жесток конфликт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.