Спорт
(Видео) Хаос во Бреша – Хулигани се тепаа со полиција, палеа автомобили и го демолирале тренинг кампот
Еден од култните италијански клубови, Бреша, доживеа историска катастрофа на домашен терен. Во реваншот од плејофот за опстанок во Серија Б, до петтата минута од судиското време водеше со 1:0 против Козенца, која првиот меч го доби со истиот резултат. Но во последниот напад гостите постигнаа гол и се спасија од испаѓање.
Навивачите на Бреша тешко се помирија со фактот дека нивниот клуб, наредната сезона ќе игра во Серија Ц. За потсетување пред три сезони Бреша играше во Серија А, а сега по 38 години испадна во третата лига. Сепак, никој не можеше да претпостави во што ќе се претвори огорченоста на локалните ултраси.
Веднаш по примениот гол, навивачите на Бреша започнаа да фрлаат на теренот пиротехнички средства, по што од северната трибина истрчаа на теренот мавтајќи со факели. Судиите и играчите на двата клуба побегнаа во соблекувалните.
Натпреварот продолжи откако полицијата по жестока битка успеа да ги исфрли навивачите на Бреша од теренот.
Triste lo del Brescia https://t.co/TpkzsdcDH4
— Alejandro C. (@Jano_CC) June 2, 2023
По пресметката со полицијата на теренот, навивачите на Бреша го напуштија стадионот, но со цел да направат хаос надвор од него. Од паркингот фрлаа ракети на трибината каде беа гостинските навивачи, поради што судијата дефинитивно го заврши натпреварот иако имаше уште минута и пол за игра. Хулиганското дивеење потоа продолжи околу стадионот.
Навивачите на Бреша запалија автомобили, меѓу кои и автомобилот на Матје Хуард, дефанзивецот на нивниот клуб и продолжија да се тепаат со полицијата на улиците околу стадионот. Дел од ултрасите отишле во тренинг кампот Бреша оддалечен 20 километри и го демолирале.
Потоа, навивачите на Бреша поставија контролни пунктови низ целиот град, каде што ја чекаа полицијата, противничките навивачи и играчите на клубот за кој навиваат…
Затоа играчите на Бреша, како и членовите на нивните семејства, останаа затворени до раните утрински часови на стадионот под полициска заштита.
01.06.2023🇮🇹 Seria B, play off, Brescia – Cosenza https://t.co/Fjy3xrlEmQ pic.twitter.com/1laKmDdfKO
— Hooligans.cz Official (@hooliganscz1999) June 1, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дон Карло, апсолутен рекордер во Лигата на шампионите
Тренерот на Реал Мадрид, Карло Анчелоти стана најтрофејниот тренер во историјата на Лигата на шампионите.
На „Вембли“, петти пат во кариерата стана европски првак. Реал во финалето ја победи Борусија Дортмунд со 2:0.
Дон Карло трипати го освојуваше овој трофеј со Реал, а уште два пати со тимот на Милан.
По натпреварот тој имаше интересна изјава за тоа како ќе го прослави овој апсолутен рекорд и уште еден трофеј во низа.
„Ќе славам во карактеристичен стил, со уште една пура на плоштадот Цибелес во Мадрид“, беше одговорот на Анчелоти во изјавата за шпански „Мовистар“.
Секако, имаше и неколку зборови за самиот натпревар.
„Малку го турнавме Винисиус понапред, бидејќи во првото полувреме бевме малку мрзеливи, ја губивме топката. Играа како што сакаа, влегоа во многу опасни ситуации и многу опасно не нападнаа“, изјави Анчелоти.
Имаше што да каже и за Тони Крос кој со оваа титула се збогува од Реал Мадрид.
„Малку е тажно што Тони вака не остава. Но тој е на врвот на кариерата и тоа мора да се почитува“, заклучи Анчелоти.
Спорт
Модриќ е играчот со најмногу трофеи во историјата на Реал Мадрид
Лука Модриќ стана фудбалерот со најмногу трофеи во историјата на Реал Мадрид.
Реал ја победи Борусија Дортмунд со 2:0 на „Вембли“ во Лондон и ја освои Лигата на шампионите. Тоа е 15-та европска титула во историјата за „кралскиот клуб“.
Стрелци за Реал беа Дани Карвахал во 74. минута и Винисиус Жуниор во 83. минута.
Капитенот на Хрватска влезе во игра во 85. минута и го освои својот шетти пехар во ЛШ и на клупската листа се изедначи со Пако Хенто.
Воедно, ова е 26. титула за Модриќ во дресот на Реал, што значи дека тој е фудбалерот со најмногу трофеи во историјата на Реал.
Модриќ ги претекна поранешните соиграчи Карим Бензема и Марсело.
Актуелниот капитен на Реал, Начо Фернандеш е изедначен за првото место со Модриќ.
Модриќ стана и најстариот играч кој некогаш играл за Реал во финалето на Лигата на шампионите. Рекордот доаѓа од фактот дека Модриќ е најстариот играч на Реал во ЛШ воопшто.
Тој го собори овој рекорд во полуфиналето против Баерн, кога настапи на возраст од 38 години и 234 дена.
Модриќ е и играчот со најмногу настапи во финалето на ЛШ откако елитното натпреварување се игра во овој формат.
Тој по шести пат играше во финалето на Лигата на шампионите, што досега го имаат постигнато само Паоло Малдини и Кристијано Роналдо и неговите соиграчи Начо и Тони Крос.
Досега, со пет настапи во финалето, Модриќ беше изедначен со Бензема, Патрис Евра, Кларенс Сидорф и Едвин ван дер Сар.
Спорт
(Видео) Навивачи го прекинаа финалето, еден си направи „селфи“ со Винисиус
Реал Мадрид ја освои Лигата на шампионите по 15. пат во својата историја. Во финалето одиграно на стадионот „Вембли“ во Лондон пред 86.000 гледачи Реал ја победи Борусија Дортмунд со 2:0. Стрелци за Кралскиот клуб беа Дани Карвахал во 74. минута и Винисиус Жуниор во 83. минута од натпреварот.
Финалето во Лигата на шампионите беше прекинато уште во првата минута бидејќи на теренот влегоа тројца навивачи, најверојатно Реал.
😡 Embarrassing start for UEFA & Wembley as series of pitch invaders go unchallenged & disrupt start to game. Delay of 2 minutes #UCLfinal pic.twitter.com/hP3etCMJRI
— Craig Hope (@CraigHope_DM) June 1, 2024
Обезбедувањето ги бркаше натрапниците на теренот, а прекинот траеше речиси две минути. Еден навивач го извадил мобилниот телефон и направил „селфи“ со Винисиус.