Спорт
(Видео) Трипл-дабл на Јокиќ, Денвер има предност во големото финале
Денвер Нагетс со победа ја отвори финалната серија во НБА лигата. Денвер го победи Мајами со 104:93 и го направи првиот чекор кон својата прва, историска титула, за која им се потребни уште три победи. Денвер ја продолжи серијата без пораз на домашен терен и во деветтиот натпревар сезонава, а Мајами за првпат е во негатива во овогодинешниот плејоф.
Никола Јокиќ го оствари својот деветти трипл-дабл од овогодинешниот плеј-оф, тој стана првиот играч со ваков учинок на своето деби во големото финале по Џејсон Кид во 2002 година.
Мечот го заврши со 27 поени (8/12 шут, 10/12 слободни фрлања), 10 скока и 14 асистенции, додека Џамал Мареј постигна 26 со шест скока и 10 асистенции.
Нагетс имаа +17 на полувремето, 59:42.
Третата четвртина Денвер ја отвори нешто послабо, но брзо успеа да се врати во игра од првото полувреме, па предноста растеше до +24 (84:60).
Сепак, Нагетс дозволија опуштање во последната четвртина, значително повеќе отколку на почетокот на третата четвртина. Овојпат Мајами направи сериозна серија 11:0 и ја стопи негативата (84:74).
За среќа, Нагетс ги предводи најдобриот кошаркар во светот, во последните минути Јокиќ погоди неколку удари и Денвер го одби налетот.
Кај Мајами се истакна Бем Адебајо со 26 поени и 13 скока, а потфрли Џими Батлер со 13 поени и по седум скока и асистенции.
Вториот натпревар од финалето ќе се игра ноќта меѓу недела и понеделник во 02.00 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.