Европа
Унгарија бара алтернативи за замрзнатите ЕУ-фондови
Странските директни инвестиции може да ги заменат фондовите на ЕУ и сè уште подобри од нив, истакна вчера унгарскиот министер за економски развој, Мартон Наѓи, додавајќи дека засега нема да се тргне замрзнувањето на цените и дека инфлацијата ќе се спушти на едноцифрени број до крајот на 2023 година.
Во интервју за Világgazdaság во вторникот, Наѓи зборуваше за придобивките од СДИ во однос на европските фондови.
„Во однос на влијанието, СДИ се подобри: пазарот го дистрибуира капиталот, ние не го одредуваме тоа, па тој точно знае што треба да направи“, рече Наѓи додавајќи дека фондовите на ЕУ се „лесно заменлив извор“ и дека не се доминантни за економијата на Унгарија.
Иако Унгарија е една од најголемите нето-приматели на средства од ЕУ, Европската комисија во декември минатата година одлучи да замрзне речиси 22 милијарди евра од средствата наменети за Будимпешта според буџетот на ЕУ за периодот 2021-2027 година сè додека не се исполнат 27-те супер услови за враќање на владеењето на правото и на основните права.
Дополнителни 5,8 милијарди евра грантови од програмата за закрепнување на ЕУ остануваат замрзнати поради загриженоста поврзана со независноста на судството.
„Унгарската економија ќе мора да направи транзиција кон постоење без финансирање од ЕУ“, рече Наѓи тврдејќи дека Унгарија ќе работи без ЕУ-фондовите.
Тој ги коментираше и неодамна воведените нови правила на владата за државните обврзници.
Според Наѓи, буџетот останува затегнат поради каматните трошоци, а владата има задача бргу да излезе од замката на каматните стапки со намалување на инфлацијата и со зајакнување на пазарот на државни обврзници.
Според него, новите правила за државни обврзници не резултираат со даночни заштеди.
„Го насочуваме населението кон форми на штедење, каде што парите ја задржуваат својата вистинска вредност. Тука е и прашањето на самофинансирање како стратешка цел“, рече тој.
Реагирајќи на критиките на Банкарската асоцијација, Наѓи не се согласува дека неодамнешните мерки ќе ја нарушат конкуренцијата.
„Во моментот не постои ценовна конкуренција, така што, едноставно, нема што да се наруши. Самиот термин ценовна конкуренција не постои“, тврди Наѓи.
Прашан дали тоа што го вели може да биде во спротивност со препораките за економската политика на ЕУ, Наѓи рече дека не е важно што прават.
„Добро е што не ни кажуваат што да правиме овде. Сметам дека е доста смешна идејата за одмрзнување на цените за што се залага унгарската Централна банка“, рече унгарскиот министер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров го објави условот под кој Русија ќе се согласи на прекин на огнот во Украина
Соединетите Држави ќе се соочат со „опасни последици“ доколку продолжат да ја зголемуваат воената помош за Украина, наместо да го поддржат предложеното руско решение со кое Москва ќе преземе делови од територијата, изјави рускиот министер за надворешни работи Сергеј Лавров во ексклузивно интервју за американски „Њузвик“.
Повеќе од две и пол години откако Владимир Путин нареди „специјална воена операција“ против Украина, рускиот министер за надворешни работи Сергеј Лавров рече дека Кремљ нуди остварлив план за запирање на крвопролевањето и обнова на европската безбедносна архитектура. Тој го обвини НАТО предводен од САД дека прво го посеал семето на војната пред една деценија и дека продолжил да го разгорува огнот.
„Русија е отворена за политичко-дипломатско решение кое треба да ги отстрани основните причини за кризата“, рече тој. „Треба да се стремиме да го прекинеме конфликтот, а не да постигнеме прекин на огнот“, рече Лавров.
Рускиот план предвидува Украина да ги отстапи покраините Донецк, Херсон, Луганск и Запорожје, кои во поголемиот дел, но не во целост, се под руска контрола, а кои Москва формално ги анектираше по меѓународно оспоруваниот референдум во септември 2022 година, како и Крим, кој Русија го зазеде и го анектираше со слично гласањњ во 2014 година.
Киев, исто така, ќе мора да се откаже од членството во НАТО алијансата, според руските водачи. Лавров вели дека основата за прекин на огнот би можеле да бидат преговорите во Истанбул во 2022 година, кои вклучуваа откажување од членството во НАТО и признавање на независноста на руските делови од автономните региони Доњецк и Луганск, но сега вели дека новите преговори треба да ја земат предвид „состојбата на терен“.
Украина и западните сојузници наместо тоа бараат безусловно повлекување на Русија, додека Москва рече дека ескалацијата на конфликтот го приближува НАТО до директен конфликт со Русија, која има најголеми резерви на нуклеарно оружје во светот и е една од двете нуклеарни суперсили, заедно со САД.
„Во моментов, колку што можеме да видиме, враќањето на мирот не е дел од планот на нашиот противник. Зеленски не го отповикал указот за забрана на преговорите со Москва“, рече Лавров.
„Вашингтон и неговите сојузници во НАТО обезбедуваат политичка, воена и финансиска поддршка на Киев за да продолжи војната. Тие дебатираат за овластување на украинската војска да користи западни ракети со долг дострел за да напаѓа длабоко во руската територија. Играње со оган во овој начин може да доведе до опасни последици“, предупредува Лавров.
Европа
Масовен хакерски напад врз руски државни медиуми; Украинците: Ние го изведовме
Извор од украинската влада соопшти дека украинските хакери се одговорни за големиот сајбер напад врз руската државна медиумска компанија ВГТРК што се случи денеска, што се совпадна со 72-от роденден на рускиот претседател Владимир Путин.
Портпаролот на Кремљ, Дмитриј Песков, претходно потврди дека ВГТРК била цел на сајбер напад без преседан, додавајќи дека експертите работат напорно за да откријат кој е одговорен и дека ВГТРК работи на надминување на последиците од нападот.
ВГТРК, која ги поседува и управува со главните национални ТВ канали и голем број регионални канали и радио станици, претходно во понеделникот објави дека нејзините интернет-сервиси станале цел на сајбер напад преку ноќ, но дека и покрај тоа, емитувањето на радиото и ТВ преносите функционирале.
„Нашиот државен медиумски холдинг, еден од најголемите, се соочи со невиден хакерски напад врз неговата дигитална инфраструктура. Експертите се обидуваат да ги утврдат сите околности со цел да разберат каде водат трагите што ги оставиле сторителите на овој хакерски напад“, рече тој.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.