Европа
Покрај Орбан, Путин би можел да добие уште двајца сојузници во Европа: „Тоа ќе биде катастрофа“
По Виктор Орбан во Унгарија, и во Австрија и Словачка се закануваат да дојдат на власт проруски политичари, пренесува „Политико“.
Во Австрија екстремно десничарската Партија на слободата предводена од Херберт Кикл е најпопуларна од ноември, а во Словачка проруската Смер-СД, предводена од поранешниот премиер Роберт Фицо, и тие водат на анкетите пред изборите во септември.
Ако победи, Словачка ќе ја прекине воената помош за Украина, вети Фицо. Кикл, од друга страна, најавува дека ќе го искористи правото на вето на Австрија во ЕУ за да ги укине бесмислените санкции против Русија.
Популарноста на Партијата на слободата се објаснува со зголемената инфлација и ненадејното зголемување на барањата за азил, кои се тројно зголемени за една година. Ова го поттикнува незадоволството од сегашната владејачка коалиција на Австриската народна партија (ÖVP) и зелените. Главната опозициска партија на социјалдемократите е зафатена од внатрешни борби, така што партијата на Кикл има најголеми шанси да ја преземе власта, оценува „Политико“.
Европските претставници предупредуваат дека победите на проруските сили во Словачка и Австрија ќе му дадат моќна алатка на рускиот претседател Владимир Путин против Украина и ќе ги поткопа напорите на ЕУ. Тоа би било катастрофа, изјави претставник на Комисијата за „Политико“. ЕУ веќе се бори со Унгарија, каде што премиерот Виктор Орбан ја презеде контролата врз сите главни лостови на моќ, вклучително и медиумите, создавајќи полуавторитарна држава во средината на ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.