Европа
Мајка го изгладнувала и го чувала синот во одгледувачница за кучиња: случајот со малтретирано момче ја шокира Австрија
Случајот со 12-годишното малтретирано момче со месеци ја тресе австриската јавност, а покрај 32-годишната мајка, која поради тоа е во притвор, уапсено е уште едно лице, кое е осомничено дека припаѓа на садистички култ.
Како што пишува виенскиот „Куриер“, момчето есента во куќата во Валдфиртел со недели било малтретирано од својата мајка. Момчето било пронајдено неисхрането и било хоспитализирано во критична состојба кога му била констатирана тешка хипотермија. Сега закрепнува, а за него се грижи татко му.
Против мајката се поднесени неколку пријави, изјави портпаролот на полицијата на Долна Австрија, Јохан Баумшлагер, додавајќи дека во тек е истрага за обид за убиство, тортура или занемарување на детето.
Здравствената состојба на момчето е подобрена, соопшти полицијата. Полициската истрага е во тек и е фокусирана на наводниот близок круг на семејството од страна на мајката.
Утрово е уапсена уште една жена (40), која исто така се смета за осомничена во овој случај. Таа е и во истражен затвор во Кремс и е под истрага за садистички култ, што осомничената мајка наводно го користела против нејзиниот син.
Инспекторите од Државната криминалистичка полиција на Долна Австрија ја пронашле оваа жена врз основа на пораки на мобилниот телефон на мајка ѝ. Според истражителите, содржината на пораките силно ги инкриминира двете жени. Во овој случај во тек се понатамошни истражувања и евалуација на податоците. Претресени се и куќи.
Како што објави денеска „Кронен цајтунг“, можни се нови апсења, а се споменува и постоење некаков садистички клан.
Мајката наводно често го полевала синот со ладна вода и ги држела прозорците од станот отворени по неколку часа дневно кога температурата била под нулата. Вработената во Центарот за социјална работа кон крајот на ноември ја известила итната помош и на тој начин му го спасила животот на момчето.
Детето наводно било во „акутна опасност за неговиот живот“. Момчето имало телесна температура од 26,8 степени и поради тоа буквално паднало во кома. Првин било пренесено во болница во Валдфиртел, а оттаму во специјална клиника во Виена. Кога болницата поднела пријава, мајката била уапсена. Здравствената состојба на детето во меѓувреме е подобрена, соопшти полицијата.
Случајот, сепак, излезе во јавноста дури кога мајката поднела жалба за притворот. Врховниот суд на крајот на мај ја отфрли таа тужба со образложенија во кои се наведени драматичните околности во кои детето било принудено да живее.
Како што се тврди, обвинетата му нанела на синот „физичко и психичко страдање удирајќи го со тупаници и не му ги санирала ниту повредите“. Момчето имало и хематоми од ниските температури.
Покрај тоа, мајката го врзувала својот 12-годишен син и постојано го заклучувала во кутија за кучиња со часови за да „не може да побегне“, пренесуваат австриските медиуми.
Мајката моментно е во притвор и ќе биде подложена на психијатриски преглед. Одлуката за обвинението се очекува до крајот на летото, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Бурата Клаудија ја пустоши Европа, неколку земји најтешко погодени: маж загина додека спасуваше сосед
Најмалку три лица загинаа, а неколку се водат за исчезнати откога бурата Клаудија погоди делови од Европа. Во Франција десетици пожарникари бараат човек што беше однесен од ненадејни поплави. Во Италија екстремни временски услови го погодија централниот и северниот дел од земјата, а властите прогласија вонредна состојба и ги затворија училиштата.
Застрашувачките сцени се снимени во департманот Ардеш во Франција. Алармиран од зголемувањето на нивото на реката пензионер слегол долу за да го премести својот автомобил. Сепак, возилото било однесено од ненадејните поплави, а сопственикот исто така паднал во водата. Веднаш била почната голема операција, во која учествувале 60 пожарникари, дрон и десет нуркачи. Сепак, телото на жртвата не е пронајдено, а спасувачите веруваат дека шансите тој сè уште да е жив се исклучително мали.
Un septuagénaire a été emporté par une rivière en crue en Ardèche alors placé en vigilance orange pluie inondation. Seule la carcasse de sa voiture a été retrouvée. Plus de 110 sapeurs-pompiers et gendarmes sont mobilisés pour le retrouver.
🎥 @AlexMuffon 🎙️@TPallordet pic.twitter.com/IcZ4ykNrfj
— M6 Info (@m6info) November 17, 2025
Проблеми се појавија и во департманот Дром, каде што огромен бран кал го зафати градот со 2.000 жители. Во тоа место за два дена паднала двомесечна количина дожд.
Во регионот Фриули во Италија еден рид се урна и уништи три згради. Тони земја проголтаа 83-годишна жена и 32-годишен маж. Сведоците рекоа дека мажот починал додека се обидувал да ја спаси.
17.11.2025#Italy
A state of emergency has been declared in the Friuli-Venezia Giulia region due to flooding and landslides.A landslide washed away three houses in Brazzano di Cormons. 150 mm of rain fell. Homes and infrastructure were flooded.There are fatalities.@vigilidelfuoco pic.twitter.com/AdMH2C0lse— Climate Review (@ClimateRe50366) November 17, 2025
Во целиот регион неколку градови беа поплавени од надојдените реки. Повеќе од 300 луѓе беа евакуирани со чамци или спасени со хеликоптери од покривите каде што се засолниле.
фотo: принтскрин
Европа
Русите го нападнаа Харков преку ноќ: убиена 17-годишна тинејџерка, 16-годишно момче меѓу ранетите
Седумнаесетгодишна тинејџерка беше убиена, а девет други беа повредени во руски ракетен напад извршен ноќеска врз регионот Харков во источна Украина, изјави шефот на државната администрација на Харков, Олег Синегубов.
Девојката беше тешко повредена во нападот, а подоцна им подлегна на повредите во болница, додаде Синегубов.
Тој рече дека меѓу повредените е и 16-годишно момче, објави Укринформ.
1/
⚡️Russian missile strikes Kharkiv Oblast, killing teenage girl, injuring 9.A seventeen-year-old girl was killed and nine others were injured in an overnight Russian missile attack on the city of Berestyn in Kharkiv Oblast on Nov. 18, regional authorities said.… pic.twitter.com/m4GzjQEFsj
— Lew Anno Support#Israel #Ukraine 24/2-22 (@anno1540) November 18, 2025
Синегубов објави на Телеграм дека седум лица се хоспитализирани со повреди од рускиот напад врз градот Берестин во регионот Харков.
Нападот се случи еден ден по рускиот ракетен напад врз градот Балаклија, при што загинаа три лица, а ранети се уште 15, меѓу кои три деца.
Руските сили ја интензивираа својата офанзива во регионот Харков оваа година, што доведе до зголемување на нападите врз градови и села подалеку од линијата на фронтот.
фото: принтскрин
Европа
Зеленски во Турција в среда, пристигнува и човекот на Трамп: се очекуваат разговори со Виткоф
Специјалниот американски претставник Стив Виткоф утре ќе ја посети Турција и ќе им се придружи на разговорите со украинскиот претседател Володимир Зеленски, објави денес „Ројтерс“ повикувајќи се на турски извор.
Зеленски претходно изјави дека планира да замине за Турција в среда по денешната посета на Шпанија.
Зборувајќи за претстојните состаноци со шпански и турски претставници, Зеленски во објава на „Фејсбук“ рече дека приоритет на Украина е да ги обнови мировните преговори и да ја заврши војната што е можно побргу.
Зеленски рече дека Украина исто така работи на продолжување на размената на затвореници со Русија.
Тој нагласи дека средбата со шпанските претставници долго се подготвувала и дека Киев очекува уште една силна земја да помогне во приближувањето на крајот на војната.
Зеленски в понеделник ја посети Франција, која ја нарече една од најпродуктивните оваа година, а Елисејската палата објави дека Украина ќе купи до 100 авиони „рафал“, опрема за воздушна одбрана и беспилотни летала од Франција.
фото: принтскрин

