Регион
Милановиќ: ЕУ и НАТО мора да покажат солидарност за Западен Балкан
![](https://makfax.com.mk/wp-content/uploads/2020/10/12793350005f92f90dde452700933394_v4_big.jpg)
Хрватскиот претседател Зоран Милановиќ денеска во Струга изјави дека НАТО и Европската унија, како меѓународни организации засновани на заеднички вредности, мора да покажат солидарност со регионот на Западен Балкан.
На форумот за дијалог во Преспа тој оцени дека е можен демократски и просперитетен Западен Балкан доколку регионот целосно стане дел од ЕУ.
„Земјите од Западен Балкан останаа неапсорбирани. Тие треба да се апсорбираат во ЕУ. Ова трае предолго, ова е понижувачки долг процес, процес за кој никој што е разумен, никој што има добра намера не може да даде објаснување“, рече Млановиќ, кој своето излагање го започна со латинската поговорка „Картагена мора да се уништи”, повлекувајќи паралела со Западен Балкан.
Црногорскиот претседател Јаков Милатовиќ во своето обраќање рече дека процесот на пристапување во ЕУ, покрај техничката компонента, треба да има и поголем политички фокус, а како пример ја наведе неодамнешната одлука за визна либерализација за Косово.
Тој додаде дека Црна Гора во иднина може да биде успешна приказна за проширувањето на ЕУ и да се покаже како вистински пример, а не само одраз на дебатата, дека иднината на регионот е во ЕУ и дека сегашните околности треба да се искористат, за да се постигне таа цел.
Претседателот на Македонија, Стево Пендаровски, изјави дека војната во Украина го вратила фокусот на геополитиката и дека геополитичкиот начин на размислување станал доминантен во ЕУ во однос на проширувањето.
Претседателот на Албанија, Бајрам Бегај оцени дека конфликтите на Балканот можат да бидат научени лекции и дека регионот има многу да понуди и да им подаде рака на соседите и сојузниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.