Спорт
Луди квалификации во Канада – Ферстапен прв, Хулкенберг втор
![](https://makfax.com.mk/wp-content/uploads/2023/06/48Z-photo0.jpg)
Актуелниот светски првак Макс Ферстапен ја освои пол-позиција пред утрешната трка за Големата награда на Канада. Холанѓанецот ја освои петата пол-позиција оваа сеозона, 25. во кариерата и на вечната листа го мина Алан Прост.
Квалификациите ги обележа силниот дожд кој на крајот го одреди поредокот на стартот за утрешната трка.
Најголеми „жртви“ на дождот беа претендентите за висок пласман Шарл Леклер и Серхио Перез. Леклер заврши на 11., а Перез на 12.место.
Решавачката сесија започна со дожд, кој потоа дополнително се засили. Пјастри нарави грешка, удри во ѕидот поради што беше истакнато црвено знаме. Пред да бидат прекинатаи квалификациите Ферстапен и Нико Хулкенберг го комплетираа својот круг.
Потоа условите стануваа се полоши, поради што првите двајца остана на своите позициии.
Зад нив трката ќе ја започнат Алонсо, Хамилтон, Расел, Окон, Норис, Саинц, Пјастри и Албон.
Трката за големата Големата награда на Канада утре ќе започне во 20 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.