Спорт
(Видео) Бруно и пресуди на БиХ, Австрија освои бод во Брисел
Португалија ја победи Босна и Херцеговина со 3:0, во натпреварот од третото коло од групата Ј во квалификациите за Европското првенство.
Стрелци за победата беа Бернардо Силва во 44. односно Бруно Фернандеш во 77. и 93. минута од натпреварот. Според прикажаното Босанците не заслужија толку убедлив пораз.
Во рамките на истата група, Словачка беше подобра од Исланд со резултат 2:1.
Словаците поведоа преку Куцка во 27. минута, за да израмни Финбогасон од пенал во 41. минута. Гол вреден три бода во Рејкјавик постигна Суслов во 70. минута.
Португалија води во групата со девет бода, Словачка има седум, три повеќе од Луксембург и четири повеќе од БиХ и Исланд.
Лихтенштајн е на дното во групата без бодови.
Во Ф групата, Белгија ремизираше 1:1 против Австрија во Брисел.
Гостите го изненадија фаворитот кога поведоа во 22. минута со авто голот на Мангала.
Вториот дел од натпреварот донесе уште поголем притисок од Белгијците, што резултираше со гол на Лукаку во 61. минута, но „црвените ѓаволи“ не можеа повеќе од тоа.
Во А груата Грузија оствари голема победа на Кипар (2:1).
Гостите поведоа во 31. минута кога Јоргос Микаутадзе, а Кипар израмни девет минути подоцна преку Питас од пенал.
Давиташвили им донесе победа на Грузијците во 84. минута.
Во Е групата Чешка счавеше на Фраските острови со 3:0.
По првите 45 минути, избраниците на Јарослав Шилхави водеа со два гола благодарение на Крејчи во 15. минута и Черно во 44. минута.
Черни го постави конечниот резултат со својот втор гол во 75. минута.
Во рамките на истата група, Албанија славеше во Тирана против Молдавија со резултат 2:0.
Головите за Албанија ги постигнаа Асани во 52. минута и Бајрами во 76. минута од натпреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.