Европа
„Последната шанса“ за исчезнатата подморница се упати кон локацијата на Титаник, драматична трка со времето
Тешката механизација и подморниците наречени „последна шанса“ за екипажот на туристичката подморница Титан пристигна во Канада синоќа – но сега се соочуваат со трка со времето за да им помогнат на спасувачите во очајната потрага.
Макари, кабли и беспилотни бродови способни да поминат 5.800 метри под вода беа пренесени на аеродромот Сент Џон во Њуфаундленд со три товарни авиони на американското воено воздухопловство.
Rescue machinery dubbed the 'last chance' for the crew of the Titan tourist sub arrives in Canada https://t.co/6cjEn0wdBt pic.twitter.com/RCa2om6jwd
— Daily Mail US (@DailyMail) June 21, 2023
Тие беа однесени под полициска придружба до пристаништето од кое исплови бродот „Хоризонт Арктик“.
Но, бидејќи на бродот му требаат 15 часа за да стигне до областа за пребарување каде што пет луѓе се заробени под вода, тој ќе се најде пред драматична ситуација и борба пред Титан да остане без воздух.
Очајничката потрага по петте луѓе заробени во исчезнатата подморница Титан само што започна. Голем број бродови се позиционирани над урнатините на Титаник, а времето брзо истекува за да се изврши најдлабоката подводна спасувачка мисија досега, пишуваат медиумите во светот.
Титан беше лансиран во неделата наутро и изгуби контакт со површината за два часа.
Се вели дека во подморницата се заглавени милијардерот Хамиш Хардинг, францускиот истражувач Пол-Анри Наргелет, извршниот директор на „Oceangate“, Стоктон Раш, како и пакистанскиот милијардер Шахзада Давуд и неговиот син Сулејман Давуд.
Во тек е голем напор, во кој се вклучени неколку земји, за да се спаси екипажот.
Доцна во вторникот, спасувачите пријавиле дека слушнале „звуци на тропање“ во одреден момент за време на спасувањето. Клубот на истражувачи, каде Хардинг беше член на Одборот на директори, објави дека се откриени веројатни знаци на живот.
Додека спасувачите се борат да направат чудо среде сè помалите залихи на кислород, експертите стравуваат дека дури и ако бродот автоматски повторно излезе на површина како што е планирано, петчлениот екипаж сепак ќе се задуши за неколку часа откако подморницата нема да може физички да се отвори одвнатре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Татко и син од Хрватска со автомобил удриле во камион во Италија, и двајцата загинаа
Две лица од околината на Крижевци загинаа во тешка сообраќајна несреќа што се случи утринава, нешто пред 5.15 часот, на автопатот на северот на Италија.
Како што неофицијално дознава „Подравски.хр“, загинале двајца мажи, татко и син на 40 и 65 години, а несреќата се случила помеѓу Сан Џорџо ди Ногара и Латисана во правец кон Венеција.
Италијанските медиуми пишуваат дека до судирот дошло кога автомобил на лентата за престигнување силно се залетал и удрил во камионот што се движел пред него.
„Според првите информации, двете возила се движеле во иста насока, на средната лента за престигнување, во моментот на несреќата сообраќајот се одвивал нормално. Од засега неутврдени причини патничкото возило удрило во задниот дел од камионот што се движел пред него“, опишале тие. Италијанците додале дека пожарникарите ги извлекле Хрватите од автомобилот и дека ги реанимирале, но повредите биле претешки.
На местото на несреќата пристигнаа сообраќајна полиција, пожарникари, хеликоптерска брза помош, итната медицинска помош и работници на автопатот.
Европа
Французинот што донел 50 мажи да ја силуваат сопругата; еден од нив призна: Не се согласи, жал ми е
Еден од 50-те мажи обвинети за силување на Французинката Жизел Пелико во случајот за масовно силување денеска пред судот ѝ кажа дека му е жал за тоа што го направил.
Лионел Родригез е еден од малиот број обвинети што признаа дека ја силувал Пелико, која била малтретирана од десетици непознати во текот на речиси една деценија додека била во несвест, дрогирана од сопругот Доминик, без нејзино знаење.
Доминик Пелико, кој поканувал непознати мажи преку интернет во семејната куќа за да ја силуваат неговата сопруга, во понеделникот пред судот ги призна своите злосторства. „Јас сум силувач, исто како и другите (обвинети) во оваа соба“, рече тој.
Родригез, 44-годишен татко на три деца, во четвртокот ѝ се извини на 72-годишната жртва. „Извинете, не можам да го замислам кошмарот низ кој сте поминале… И јас сум дел од него. Знам дека моето извинување нема да го промени она што се случи, но сакав да ви кажам“, рече тој.
Случајот предизвика протести во Франција за поддршка на Жизел Пелико, која побара судењето да не се одржува зад затворени врати за да се открие злоупотребата.
Родригез во текот на истрагата признал дека ја силувал Жизел Пелико. На суд денеска повтори дека немал намера да ја силува, но сфаќа дека ја силувал.
„Да знаев дека не е свесна, немаше да го сторам тоа. Не разговарав со неа, па не можев да добијам нејзина согласност. Се чувствувам виновен за она што го направив“, рекол тој.
Родригез исто така се обиде да префрли дел од вината на Доминик Пелико велејќи му на судот дека го направил она што му рекол нејзиниот сопруг.
Европа
ОН: Руските напади врз енергетската мрежа на Украина го прекршуваат хуманитарното право
Руските воздушни напади врз енергетската мрежа на Украина, веројатно, го прекршуваат меѓународното хуманитарно право, соопшти набљудувачката мисија на ОН, а Украинците се подготвуваат за најлошата зима од почетокот на руската инвазија.
За време на инвазијата Русија лансира стотици проектили и беспилотни летала врз украинските капацитети за производство, пренос и дистрибуција на електрична енергија.
Првиот голем бран удар се случи во есента и зимата 2022 година, неколку месеци откако Русија ја почна својата инвазија. Нападите продолжија во текот на целата војна, иако Москва значително ја засили својата кампања од март.
Секој бран напади ги остави украинските градови без струја.
Набљудувачката мисија на ОН за човекови права во Украина (HRMMU) го фокусира својот извештај на девет брана напади помеѓу март и август 2024 година.
„Постојат разумни основи да се верува дека повеќе аспекти на воената кампања за оштетување или уништување на цивилната инфраструктура за производство и пренос на електрична енергија и топлина во Украина ги прекршиле основните принципи на меѓународното хуманитарно право“, се вели во извештајот.