Свет
Лавров: САД испратија сигнали дека немаат никаква врска со обидот за бунт на Вагнер
![](https://makfax.com.mk/wp-content/uploads/2022/12/sergej-lavrov.jpg)
Рускиот министер за надворешни работи Сергеј Лавров денеска изјави дека руските разузнавачки агенции веќе истражуваат дали украинските или западните разузнавачки служби биле вмешани во бунтот на Евгениј Пригожин и неговата паравоена формација Вагнер.
„Јас работам во оддел кој не собира докази за незаконски активности“, рече Лавров во интервју за РТ, одговарајќи на прашањето дали има докази дека ниту Украинските и западните разузнавачки служби не биле вклучени во настаните во саботата.
Тој посочи дека постои можност американската разузнавачка служба да не сакала да ги информира другите дека се подготвува бунт во Русија со надеж дека ќе успее.
„Медиумите објавија дека американската разузнавачка служба знаела за претстојниот бунт неколку дена однапред, но одлучила никому да не кажува за тоа. Очигледно, со надеж дека бунтот ќе успее“, рече Лавров, додавајќи дека тој бил наведен да верува во тоа од вестите на Си-Ен-Ен, во кои се наведува дека се очекувало обидот за бунт на Вагнер да биде „многу покрвав отколку што всушност е“, рече Лавров.
Тој изјави дека американската амбасадорка во Русија Лин Трејси им „сигнализирала“ на руските власти дека Вашингтон нема никаква врска со бунтот на Русите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.