Свет
Се појави снимка во која Трамп откривал тајни за Иран и ја исмевал Хилари Клинтон
Американскиот Си-ен-ен објави видео од 2021 година, во кое поранешниот американски претседател Доналд Трамп зборува во Њу Џерси дека поседува документи од кои не е тргната ознаката за тајност.
Според извештаите, видеото вклучува и момент кога Трамп укажува дека држи таен документ на Пентагон со планови за напад на Иран.
„Ова се документите“, рече Трамп.
На снимката може да се слушне и Трамп како се шегува со своите соработници за имејловите на Хилари Клинтон. Изјавите на Трамп во видеото, во кои се вели „ова се документите“ и се однесуваат на нешто што се претпоставува дека е високо доверливо, може да ги поткопа неговите претходни тврдења дека немал никакви документи кај себе.
„Немаше никаков документ. Тоа беше огромна количина хартии и сè друго што зборува за Иран и други работи. Можеби биле задржани, но не биле документи. Тоа беа приказни од весници, списанија, многубројни написи“, изјави Трамп за „Фокс њуз“.
Според аудиоснимката што беше објавена, Трамп зборувал и за Иран.
„Само размислував бидејќи разговаравме за тоа. И, знаете, тие сакаа да го нападнат Иран. Ова се документите. Ова го направи војската и ми го даде мене. Како претседател, можев да ја отстранам ознаката тајно. Сега не можам, но знаете, ова е сè уште тајна“, вели Трамп, според снимката објавена од Си-ен-ен.
Поранешниот американски претседател претходно овој месец се изјасни за невин по 37 точки од обвинението поврзани со наводното лошо постапување со доверливи документи пронајдени во неговото одморалиште Мар-а-Лаго во Палм Бич, Флорида.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.