Црна хроника
Од расправии во сообраќајот до тепачки: повеќе вакви случаи за еден ден во државата
Нетрпеливоста и навредите кулминираат со насилство. Сообраќајните недоразбирање завршуваат со физичка пресметка. Се’ повеќе вакви случаи ги полнат полициските билтени, а само вчера на три локации во државата биле регистрирани три тепачки, и тоа, во истиот период од денот.
Според информациите од полицијата, во 18.05 часот во Кисела Вода е пријавено дека по претходно недоразбирање околу паркинг место бил нарушен јавниот ред и мир со физичка пресметка помеѓу Б.З.(31) и М.Ш.(56), двајцата од Скопје.
Вчера во 18.00 часот во Полициска станица Кочани е пријавено дека во овој град, по претходна расправија околу сообраќајот, бил нарушен јавниот ред и мир со физичка пресметка помеѓу С.Н.(86) и М.А.(25), двајцата од Кочани.
Во 18 часот поради сообраќајно недоразбирање имало тепачка и во Гостивар, помеѓу четири лица.
„На 01.07.2023 во 18.00 часот во Гостивар од полициски службеници од Полициска станица Гостивар приведени се В.Ѓ.(47), И.Ѓ.(45) и Д.И.(63) сите од Гостивар затоа што според пријавеното околу 17.25 часот во Гостивар поради недоразбирање во сообраќајот го нарушиле јавниот ред и мир со меѓусебна физичка пресметка“, велат од МВР.
Полицијата работи на расчистување на случаите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Фатени дрвокрадци во Прилеп, со „лада“ носеле дрва и моторни пили
Во атарот на село Степанци, на местото „Црници“ во Општина Чашка, вчера од страна на полициските службеници од СВР Велес беа затекнати 64-годишниот И.Ш. и 33-годишниот Е.А, двајцата од Прилеп, кои пренесувале дрва без соодветна документација.
Како што информира денеска портпаролот на СВР Велес, Билјана Ѓаковска, од нив било одземено патничко возило „лада“ без регистарски ознаки, натоварено со дрва и две моторни пили.
Од СВР Велес, најавија дека по документирање на настанот против нив ќе бидат поднесени соодветни пријави.
Топ
При контрола на угостителски објекти за дрога се приведени девет лица
Полициските службеници од Единицата за недозволена трговија при СВР Скопје вчера по план на СВР Скопје ивршија контрола во повеќе угостителски објекти, при што лишени од слобода се девет лица, кај кои била пронајдена дрога.
Како што соопштија од МВР, при преглед кај К.Л. (31), П.З. (31) и Б.Д. (30) пронајдена е бела прашкаста материја, кај Г.Џ. (30), Л.М. (22), Ж.Ј.(33), А.Ш. (27) и А.Н. (22) пронајдена е марихуана, а кај А.Б. (24) пронајдена е дробилка со марихуана.
Од МВР потенцираат дека при контролата е извршено легитимирање и преглед на 59 лица и пет патнички возила.
Црна хроника
Улично куче искаса маж во Скопје
Маж бил каснат од улично куче во Скопје, а настанот го пријавил во полициската станица во Ѓорче Петров.
„На 24.05.2024 во 08.40 часот во Полициската станица Ѓорче Петров, Т.Н.(53) од Скопје пријавил дека на ул. ‘Исаија Мажовски’ во Скопје бил каснат од куче скитник“, соопшти МВР.