Европа
Последна фотографија од таткото и синот пред да се качат на подморницата: се смеат и се гушкаат на палубата на бродот
Странските медиуми ја објавија последната фотографија од пакистанскиот татко и неговиот син пред да се качат во подморницата „Титан“.
Шахзад Давуд (58) и неговиот син Сулејман (19) биле снимени како се гушкаат и се смеат пред да се качат во подморница за патувањето за кое платиле по 250.000 долари, а потоа исчезнале заедно со уште тројца патници.
Сулејман и Шахзад ги имале на себе своите костими на „Оушн гејт“, како и водоотпорни портокалови панталони и јакна, чизми и елеци за спасување и шлемови.
Фотографијата е објавена откако сопругата на Шахзад Кристин откри како ги поминале последните моменти пред имплозијата на „Титан“. Како што рекла, тие ја слушале омилената музика во целосен мрак за да заштедат струја и да ги набљудуваат суштествата од длабочините.
Кристин раскажала како таа и ќерка ѝ Алина (17) биле на другиот брод „Полар Принц“ мавтајќи им на сопругот и синот додека оделе во авантура.
Во подморницата биле директорот на компанијата „Оушн гејт,“ Стоктон Раш, францускиот експерт за „Титаник“, Пол-Анри Нарјолет, британскиот милијардер Хамиш Хардинг и таткото и синот – Шахзад и Сулејман Давуд. Експертите оценија дека екипажот загинал во катастрофална имплозија, а според нив, тоа било моментно, односно ништо не почувствувале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.