Спорт
Грција ќе го чека Адетокумбо до последен момент за Мундобаскет
Најдобриот грчки кошаркар Јанис Адетокумбо најверојатно ќе го пропушти Светското првенство кое од 25. август се одржува на Филипините, Јапонија и Индонезија. Неговиот настап е неизвесен поради операција на коленото. Но, Грците се надеваат дека тој сепак во последен момент би можел да влезе во ростерот.
Иако се работи за рутински зафат на менискусот, сепак, препораките на клубот се тој да не игра за Грција на Светското првенство ова лето. Сепак, конечната одлука Јанис Адетокумбо треба да ја донесе на почетокот на август.
Селекцијата на Грција на Мундобаскет се наоѓа во групата Ц, заедно со САД, Нов Зеланд и со Јордан.
Milwaukee Bucks star Giannis Antetokounmpo underwent a cleanup procedure on his knee two weeks ago and is uncertain for Greece’s FIBA World Cup play this summer, sources confirm.
— Shams Charania (@ShamsCharania) July 5, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал без Чуамени во финалето на ЛШ
Голем хендикеп за тимот на Карло Анчелоти.
Првотимецот на Реал Мадрид Аурелиен Чуамени ќе го пропушти претстојното финале во Лигата на шампионите против Борусија Дортмунд поради повреда на стапалото, изјави тренерот на клубот Карло Анчелоти.
„Нема да биде подготвен за финалето, ќе се фокусира на рехабилитацијата за да биде подготвен за ЕП“, изјави Анчелоти.
Чуамени се повреди на реванш полуфиналниот натпревар од Лигата на шампионите против Баерн Минхен.
Финалето во Лигата на шампионите е закажано за 1 јуни.
Спорт
(Видео) Трипл-дабл на Дончиќ и кош за победа, Далас води 2-0
Далас Маверикс ја совлада Минесота Тимбервулвс со 109:108 во вториот натпревар од финалето на Западната конференција. Маверикс со вториот брејк водат 2-0.
Лука Дончиќ одигра брилијантен натпревар, кој го круниса со тројка за победа на четири секунди до крајот на натпреварот.
Далас имаше минус од два поени, Лука ја зеде топката и постигна „степ бек“ тројка преку Руди Гобер за 109:108. Минесота се обиде преку Наз Рид, но тој не успеа да погоди.
LUKA 3-POINTER IN THE CLUTCH TO TAKE THE LEAD WITH 3 SECONDS LEFT IN THE 4Q 🤯🎯
DAL-MIN (1-0) | 4Q Live on TNT pic.twitter.com/6hNV77J8aV
— NBA (@NBA) May 25, 2024
Дончиќ го заврши натпреварот со 32 поени, 10 скока и 13 асистенции, Кајри Ирвинг го следеше со 20 поени, од кои 13 постигна во четвртата четвртина, Гафорд постигна 16, Лајвли 14, а Вашингтон 10 поени.
Во поразениот тим повторно потфрли Ентони Едвардс со 21 поен и само 5-17 од поле, Рид постигна 23, Конли 18, а не се прослави ниту Таунс со 15 поени и 4-16 од поле.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.